Каниза:- Шохруххон хақиқатни фильмда кўрсата олгани ёқди. Рости хам пулинг, обруинг борида дўсту-ёринг хамиша олдингда...  Фильм бошида зерикдиму лекин, қизнинг етимлиги хақидаги сухбати , Шохруххон отасини учратганида ва охирида роса  йиғладим... Хуллас, фильм жуда ёқди.

Муниса Ризаева:- Ажойиб фильм, баъзи тарафлари менинг хаётимга ўхшаш. Актриса қиз яхши роль ижро қилган. Роллар самимий, хар бир актер ўз ролини исталгандек бажарган. Афсуски, фильм сўнггида ўлимни кўришни истамасдим...

Али Отажонов:- Хозирги фильмлар орасида менимча, фарқи бор деб хисоблайман. Ўртоғини фильмини мақтаяпти деб ўйламангу лекин, агар томошабин сифатида айтадиган бўлсам, мен учун томоша қилиш қизиқ кечди, чунки  Шохруххонни ёлғон бўлмасину,  60 фоиз хаётдаги характерини кўрсатиб берган, масалан "Ха мушууу" деган гаплари борку. Қизни мошина урган тарафлари хам қизиқ. Ўртоғимга хавас қиламан, яхши кўраман, зўр кино, хар йил бўлмаса хам , хар икки йилда шундай фильм чиқарса, биз хамиша дўст ва мухлис сифатида ёнида турамиз, хар доим омад, яхши кўрамиз, ана шу, ина шу, тамом!

Шоира Отабекова:- Фильм ёқдию лекин, сўнгида қиз ўлиши  яхши бўлмабди. Ўзи бечора роса қийналган бўлса, қишлоқдан келиб, оёққа туриб, энди бахтимни топдим деганда шуниям ўлдиришди. Ундан кўра Шохруххон қахрамони опачаси ўлмасмиди? (кулади).

  Шохруххоннинг ўзи шу куни,  фильм бошланганида келиб яширинча ўтирдию, фильм тугамасданоқ изиниям қолдирмади...)) Викторина ғолиблари ва биз таклиф қилган машхурлар бу холатни тушунмайроқ қолишди)) Сабаби хамма ерда бошиданоқ Шохруххон билан юлдузли ёпиқ премьера деб эълон қилгандик.

-Билмадим қанчалик Шохруххонни шахсий хаёти рости кўрсатилганми йўқми лекин, ота-онаси билан боғлиқ эпизод мени таъсирлантирди. Кичкина қизалоқ ва болакай эмоциялари, жахл ва хўрлик ифодаланган болакайнинг қиёфасини анчагача унута олмасам керак. Фарзандларнинг қиз боласи табиатан кучсизлик ва ожизаликдан эшик олдида жимгина йиғлаши , болакайнинг эса табиатан адолатсизликка жим қараб тургиси келмаётгани, хўрлик ва алам билан, ўз ғазабини бошқара олмай, хам йиғлаб юборишни истамаётган, жанжалга қандайдир қилиб бўлса хам, аралашишни истаб қараб туриши , бўлажак йигитнинг болаликдаги табиатан шаклланаётган, ички кучини кўрсатга олган  режиссерга хурмат дейман.

Оддий, шунчаки йиғлаётгани бошқа холат, бундай лавхалар эса, хамиша хам фильмларда хаққоний равишда учрайвермайди.

Оилавий ўзаро муносабатлар яхши кўтарилгану, етарлича очиб берилмагандек. Ўша бувиси қўлида тарбиялангани, онаси тижорат билан банд бўлгани ва опачаси мол-дунёга ўчлиги, булар яхшироқ очилганида, қахрамон йигитнинг психологик портретини хис қилиш осонроқ кечарди. Шунингдек қахрамон қиз тарафидан йигитга етишмаган мехр қандайдир чуқурроқ, хис қилинарли бир фишкалар билан кўрсатилганида,   аниқлик пайдо бўларди. Унаштирилган қизидан воз кечиш учун хам таққослаш бўларди. Шохруххон қахрамони ички холати томошабинга кучлироқ сезиларди. 

Фильм ижодкорлари, аслида йигит мехрсиз бўлиб, шу қиздан мехр топгани мавзусини кўрсатишмоқчи бўлгани сезилдию... лекин лавхаларда кўринмагандек. Уларнинг бир-бирига муносабати бефарқликдан, романтик жараёнгача кутилмаганда ва жуда "резкий переход" билан ўтганига, мана шу тушуниш, хис қилиш ва мехр фишкалари етмагандек. 

Айнан ўша холатлар етарлича очиб берилмагани натижасида, Шохруххон қахрамони қизга бақириб, нарсаларни отиб кетиш сахнаси кутилмаган ва ғалатироқ тарзда қабул қилинади. Бу сахнагача, улардаги бефарқликдан, ўзаро симпатия ва қизиқиш, шунингдек қандайдир қизнинг мехр кўрсатишлари билан кечаётган пайтида бўлганида тушунарли бўлармиди дейманда... Шунда Шохруххонни ички кечинмаларини, депрессив холатини тушуниш осонроқ кечарди.

Мен хам қизни "ўлдириш" билан якунланишига қарши бўлдим. Гап бошқа фильмлардан ажралишда эмас, гап мукаммал асарда бўлса керак. Афсуски, аксарият режиссерлар шу ажралиб туришга урғу беришга харакат қилишади, вахоланки ўша бирхилликдаги аъло бўла олиш хам, улардан аълолиги билан ажралиб туради. Мухаббат мавзуси деярли хамма фильмда мавжуд, ва ажратамиз деб, кўп фильмларда бу мавзуни ўзиям камасутра қилиб юборишган, ёндошишдаги хиссиз детали билан ажралиб туришдан, таниш холатдаги  таъсирли ижро аъло бўлса керак. 

Фильмдаги қахрамон ўлими қандайдир бир ечим, кучли хиссиёт ва кучли эмоция билан баробар кетиши керак эди назаримда. Қизга ачиниш бу холатда қийинроқ, сабаби унинг хам воқеаси чуқур хис қилинмаган. Мабодо, юқорида айтганимдек, Шохруххонни мехрсиз ўсгани яхши очиб берилиб, шу қиздан кутмаган ва кўрмаган мехрлари кўрсатилганида ва фильм сўнггида Шохруххон қахрамони ўлганида, мана бу холат кўпроқ эмоционал таъсирни бера олган бўларди. Бошқа тарафдан бу нарсалар очиб берилганида хар икки қахрамондан қай бири ўлмасин барибир  ачиниш хиссини шу қадар чуқурроқ ва таъсирлироқ қабул қилинишига омил бўларди деб хисоблайман. Бутун бошли бир фильмга айнан мана шу нарса етишмаган холос. Фильмда хаммаси кўрсатилган, лекин уларни хис қилиб бир бирига боғлаб чиқишга, ўша юқорида айтган нарсаларим етишмагандек.

Зухра Солиева эпизоди рости хам мақташганидек бўлиб чиқди. Яна қизни мошина уриб юбориш эпизоди хам эффектли  ва ишонарли чиққан. 

Романтик онлар чиройлик, операторлик иши хам аъло.

Тўйга этиб келгандик эпизоди хам прикол)).

Шоу бизнес оламидаги аччиқ лекин, бор хақиқатни фильмни кузата туриб, санъат олами бирда тушунади. Санъаткор ўз ишчилари учун оддий бир махсулотдек, яхшироқ модели чиқса қадри қолмаслиги, инсоний муносабат эмас , шу махсулот орқасидан келадиган пулнинг рақамлари мухим эканлиги, "аккуратно" кўрсатилган.

Лекин буни шу кунги машхурларимиз дарров тушунишди ва Муниса хаттоки қўлини кўтариб, "Тўппа тўғри!" деб юборди)).

Хуллас, жа ўзимдан бир кинокритикни ясаб олганимдан, ўзимми энсам қотиб, шу жойида тўхтадим ва фильмни томошабинларга тавсия қила олишимни айтиш билан репортажни якунлайман!