 Йил сўнггида Ўзбекистон Халқ артисти Юлдуз Усмоновадан янги альбом тақдимоти бўлиши урфга айланмоқда. Юлдуз ижодидаги илк альбом тақдимоти 2013 йил унинг "Ёнингдаман" альбомига бўлиб, у айнан бизнинг ғоя ва ташаббусимиз билан бошлангани, хамда шу сабаб хам унда ўзимиз сценарийдан то олиб борувчиликкача бош-қош бўлганимиз ёдингизда бўлса керак (видеоманбаа).
Мана бу йили у учинчи маротаба альбом тақдимотини ўтказиш арафасида.
Яқиндагина туркча альбомни чиқарган Юлдуз Усмонова билан куни кеча унинг хонадонида дастурхон атрофида норасмий сухбатда бўлиб, янги альбом тақдимоти билан боғлиқ ғоялар билан фикрлашдик.
Янги альбомда "Мусофирлик нонин еганлар" ва "Мен сен билан Қироличаман" тушунчаларидаги қўшиқлар бўлишидан хабар топдик хамда альбомга бонус сифатида русча қўшиқлар хам қўшилиши режада эканлигини билдик. Бу бежиз эмас, зеро Юлдузнинг "Мама" қўшиғи айни дамда дунё миқёсида русийзабон халққа турли мамлакат хонандалари орқали куйланмоқда.
Исроил, кавказ, рус ва бошқа қатор мамалакатлар хонандалари шу қўшиқни куйлаб, унда Юлдуз Усмонованинг қўшиғи эканлигини ёзаётганини ютуб оламидан кўриб билишингиз мумкин.
Шундай мисолларга манбаалар:
https://www.youtube.com/watch?v=HGd4TlBJ9mI
https://www.youtube.com/watch?v=QEN2YkbXvIU
https://www.youtube.com/watch?v=0JZ3bGY6ew0
https://www.youtube.com/watch?v=3J2eM2NoMw0
https://www.youtube.com/watch?v=vyJsltMTm_E
Бу хозирча кўзимиз тушганлари холос. Ютубда Юлдуз Усманова-"Мама" деб ёзиб изласангиз бу қўшиққа ўзга давлатлардаги мухлислар тарафидан яна қанча суратлар билан видеолар қилинганию караоке тури хамда тадбир ва хизматларда шу қўшиқни куйлаётган хориж хонандаларини кўрасиз. Инстаграм оламида хам шундай парчаларни кўришингиз мумкин. Улар орасида бир-икки давлат Президентлари ўз оналари билан суратларидан қилинган видеоларга айнан шу қўшиқни қўйишганини хам гувохи бўласиз. Масалан Рамзан Қодиров. Балки Путин хамдир? Қани бир излаб топиб кўрингчи)
Тез кунда Юлдузнинг янги альбоми ёзилиш жараёнидан доимгидек репортажлар билан видео тарзида хам таништириб борамиз.
Юлдузда хали гап кўп! Айтилмаганлари ва сюрприз бўлиши кутилаётганлари хам.
| 
0
