Сайтимиз телефон рақамига қўнғироқ қилган қиз воқеасидан хайратландик. Унинг илтимосига биноан унинг ва ўша актрисанинг номи сир тутилади. Бироқ...балки кимлардин тушунишар ким хақида гап кетаётганини... Лекин бу эмас асосийси. Жабр кўрган ва бизга мурожаат қилган одамга ёрдам маслахатингиз мухим. 

Официантка бўлиб ишлайдиган кафега бир таниқли актриса келди. Ундан дастхат олдим кейин менга телефон рақамини бериб ёрдам беришларини айтганди.  Қўнғироқ қилганман ва рости хам менга ёрдам қилган.  Актрисалар осмонда бўлади ва одамларни менсимайди деб  ўйлардим. Лекин бу актриса менга шундай ёрдам бердики бундай кўмакни яқинларимдан хам кўрмагандим.

Ўша пайтлар ижарада хонадонда яшардим кейин у актриса қистови билан уни уйида яшай бошладим.  Қизиғи у актрисани на ўз онаси ва на бошқа уйдагилари хурмат қилмас ва ёқтирмасди.  Онаси деярли хар куни у актрисани уришиб “Сени деб бошқа болларим эрга тега олмаяпти” дерди.  Мен эса у актрисани шунчалик қийналиб яшаётганидан кўп нарсаларини ўзимга ўрнак қилиб олгандим. Ўзимни опамдек яқин олардим. Жудаям яхши инсон эди.

Бироз кейин бир бойвачча ёши катта , дода одам билан танишиб уни иккинчи хотини бўлиб яшай бошлади ва у шу актрисага квартира олиб берган экан.  Ўша квартирада бирга яшайлик деб менга таклиф қилганди  хамда ўша квартирада бирга яшардик. Лекин у одам хақида кейин билдим.

Бир куни қўлимга пул бериб соат тунги 3 ларда  “Ипподром” оптовик  бозорига юборди. Кейин бошқа бир учрашиб юрадиган танишини чақириб халиги нарса билан шуғулланаётганида ўша эридек бўлган дода  келиб қолган. У квартирага камера қўйган экан. Мен келганимда у дода мени хам уриб кетган “Сен қарамадинг” деб. Шундан кейин ўзимни олиб қочадиган бўлдим, чунки бора бора актриса жудаям ўзгариб кета бошлади. Пуллари бўлмаганидан мен билан керак бўлса пиёда хам юрарди. Кейин у дода роса катта пул бера бошлагач ашула хам айта бошлади. Студияга бирга борганман. Катта пулларни кўриб ўзини билмай қола бошлади.

Шундай қилиб ўзимни олиб қоча бошладим.

Орадан вақт ўтди. Нимадир бўлиб анча пайт гаплашмай кетдик. Турмушга чиқадиган бўлган пайтим уни опам сифатида тўйимга чақириш учун уйига бордим.  Жудаям ёмон ўзгарган эди. Бораман дедию тўйимга келмади. Нима бўлса хам менга кўп яхшилик қилган деб унга тўйдан кейин қўнғироқ қилдим хол-ахвол сўрагани. Хўжайиним буни билиб қолиб мени уришди, чунки у актрисаларни ёмон деб билади. Мени уришиб у актрисага ёмон смс  жўнатиб юборибди. Унга жавобан эса у актриса “Сени хотининг кўчада  фохишалик қилиб юрганида уни топиб олганман . Хаттоки мени эримга хам кўз олайтирган”  дебди.  Энди эримни менга қилаётган муносабатини тасаввур қилаверинг.  У актрисага бирон нима дея олмайман хам, шунча гаплар гапириб ташлаганки хозир яна бирон нима десам яна нималардир деб тухмат қилиб ташлаши мумкин. Менга ёзаётган смсларидан шокка тушиб қолдим. Уни исмини хам айтишга қўрқаман, кейин менга яна муаммолар яратмасин.

Хозир энди нима қилишни хам билмай қолдим, оилам тинч эмас. Маслахат керак.

Ш.

Эслатиб ўтамиз, хар якшанба мухлислар куни бўлиб, ўз муаммо ёки кўнгил кечинмалари билан бўлишиб, кенг омма билан хал қилишга имкониятингиз бор.       

sayyod@gmail.com почтасига   воқеа ёки муаммоингизни ёзиб юборишингиз ёки   +99894 695-21-21 рақамига қўнғироқ қилишингиз мумкин ёки шу номерга sms хамда телеграмдан воқеангизни юборишингиз мумкин.    

 Бунда сизни телефон рақамингиз кўринмаcлиги ва сизни воқеангиз аноним тарзда чоп этилишига кафолат!

Диққат! Сайтга чоп этилиб бўлинган мактуб кейин талабга биноан олиб ташланилмайди!

Воқеангиз сайт орқали кенг оммага чиқиши ва халқдан турли маслахатлар бўлишини билиб туриб жўнатдингизми, ўзингиз кутмаган ва ёқтирмаган маслахатни олиб кейин олиб ташланг дейиш мантиқсиз!