Қўшиқ куйлашдаги ижодини бир намоёнлаб, сўнг дизайнерлик иқтидори орқали ўзбек миллий меросини дунё миқёсида тарғиб этаётган, бундан ташқари  Республикамиз тараққиётига қўшаётган хиссаси, соғлиқни сақлашдаги хайрия каби бир қанча сон-саноқсиз лойихалари билан, кундан кунга халқнинг мехрини  қозониб келаётган Гулнора Каримова, ижодий қиёфаси бўлган Гугушани яна ёдга олди.

Энди эса, Гугуша хам  дунё миқёсида.

Россиялик машхур мусиқий продюсер Максим Фадеев билан биргаликдаги ижодий хамкорлик натижаси бўлган, янги альбомнинг илк садосини, ўзбек интернет сайтларидан биринчилардан бўлиб, бизнинг сайтда тинглаб, альбом хақида тўкис  маълумотдан хабардор бўлгандингиз. (манба)

Мазкур альбомнинг АҚШ ва Европа бўйлаб тақдимоти натижаси, кутилгандан хам аъло тарзда кечмоқди. Дунё бўйлаб бир қанча дискоклубларнинг севимли треклари орасидан ва диджейларнинг сетларидан жой олиб, альбом хақидаги маълумот машхур "Billboard” журналининг муқовасини эгаллади.

Куни кеча, Ўзбекистон бозорида хам сотувга чиққан ва оддийгина "GOOGOOSHA” деб номланган бу альбом сайтимизга совға қилинди.

Альбом чиқишидан аввал, ундаги қўшиқлар, ўша  Гугушанинг илк ижод намуналари каби сокин ва махзун бўлади деб тахмин қилгандим. Вахоланки, апрель ойида  шу альбомдан сайтимизда тақдим этилган "Round run” қўшиғи жадал ва дадил охангни олға сурарди.

Альбом билан танишиб чиқиб, қўйидаги хулосаларга келдим: Альбомдаги  13 қўшиқдан  3,4,7,9, 10, ва 11  қўшиқлари менга  ёқди. Айниқса 9 қўшиқ супер! Мана шу тароналар винамп плейлистимдан жой олди.

Қўшиқларни нафақат компютерда ишлаб ўтириб тинглаш мароқли, балки,  дискоклубларда ва айниқса машинада баланд қилиб қўйсангиз, ундаги барча гаммани хис этасиз.

Кутилган  йўналишдан ташқари, бир қанча, умуман Гугушани тасаввур этиб бўлмас йўналиш ва охангдаги намоёнланиши  хайратлантиради. Макс Фадеевнинг эса мусиқадаги фантазия диапазони чек-чегараси йўқдек. Кутилмаган мусиқий садолар, бурилишлар,  уйғунлашишлар... Улардан аниқ бирини рок, ёки айрэнби дейиш қийинроқ, мураккаб ва омадли уйғунлашувлардаги янгиликлар бисёр.

Дархақиқат, тўплам  сифати, хам ижодий ва хам техник тарафлама дунё андозаларига мос равишда.  Хабарларга кўра, Нирвана дўконларида дискнинг нархи 12.500 сўмда. Вахоланки, Нирванадаги дискларнинг нархи  асосан 18-25 минг сўмни ташкил этади.

Бозорлардаги пират дискларга қулоқ тутсангиз  ....ооо... етти юз эллик бешта сайтнинг номи устма-уст бақириб дод-фарёд қилинган холда, мингта дастур қиймалагичидан ўтиб, мусиқани  сифатидан тоғора билан ноғорани ажрата олмайсиз. Қўшиқлар сайтларда ДЕМО тур сифатида шунчаки тинглаш учун қўйилгани боис, унга атайин шундай овоз билан "бузиш” оханги берилади. Сабаби, сифатли, тоза муаллифлик ижод намунаси фақат лицензион тарзда сотилиши керак.

Сифатли мусиқани, сифатли тарзда сотиб олганга нима етсин?!  Зеро, Гугушанинг диски   бошқа  дисклардан нисбатан фарқли нархи, бу дискка бўлаётган талаб катталиги натижаси ва ишлаб чиқариш хам жадал бўлаётгани билан боғлиқ.  Унинг нархи хам фақатгина унга кетаётган харажатларни қоплашга аранг етса катта гап.

Хуллас, мазкур "GOOGOOSHA” диски кутишга арзиган ижод намуналари тўплами бўлган деб хисоблайман. Сотиб олишни тавсия этаман!

Гулноранинг шахсан дастхати туширилган дискни қўлга киритмоқчи бўлсангиз, твиттерга олға! У ерда Гугушани викторина саволларига тўғри жавоб берсангиз, нақ дастхати туширилган диск сизга совға!

Сайтимизда эса альбомдан попурри тарзида, танишиш учун 8 минутлик қўшиқлар кетма-кетлигини тақдим этамиз;

Тасиксдан кўчирмоқ 7мб

Тасиксда тинглаб кўчирмоқ