2015 йил якунидаги "Фахрли инсон"  хайрия тарғибот лойихасини 4-декабрь куни  жудаям файзли ва ноанъанавий гала-концерт тарзида ўтказиб олдик. Шу куни йиғилган артистлар гитара садолари остида юз фоиз жонли куйлашган бўлса уларни овозига микрофон керак хам бўлмади ва демакки 200 фоиз жонли ижро бўлди!

Деярли 6 ойдан кейин Ўзбекистонда илк маротаба  қон топшириш акциясини   "Фахрли инсон" хайрия тарғибот лойихаси орқали ўтказилаётганига 4 йил тўлади!  Шу кунга қадар "Фахрли инсон" шиори билан фақатгина лейкемия билан касалланганларга кўмак бериб келинмоқда эди, бироқ бу шиор остида бошиданоқ барча турдаги хайрия ишларни ва бошқа касалликлар билан оғригану аммо молиявий тарафлама қурби етмаганларга хам кўмак бериш режамизда бўлганди. 

Насиб этса 2016-йилдан буни амалга оширамиз ва хозирда техник тарафлама  амалга ошириш устида иш олиб бормоқдамиз . Тез кунда аниқ маълумотни чоп этамиз.

Хозирча 4-декабрь кунги "Фахрли инсон" лойихасидан  фотонигох! Бу дегани шу кунги тадбирдан хамма сурат ЭМАС! Хозирча!

Батафсил репортаж келаси жума куни бўлади ва унда қолган барча суратлар, хусусан қон топширган қахрамонларимиз суратлари хам  тақдим этилади. 

Йил якунидаги "Фахрли инсон" лойихаси мехмонлари Алишер Файз, Асал Шодиева, Умидахон, Масрур Усмонов, Сардор Рахимхон, Ботир Қодиров, Шахноз, Халима қизиқчи, Сулола-рекордс ва албатта Адиз Ражабовлар бўлишди. 

Бу аёл воқеасидан халиям таъсир остидаман. 

У икки  фарзандини хам "Лейкоз" касаллигидан йўқотган. Катта қизи 13 кичиги 2 ёшдалигида оламдан ўтган. Бунақанги дахшатли холат фақат фильмда бўлади деб ўйлардим... халигача шокдаман рости. 

Бу аёлни матонатини қарангки...икки фарзандини кўмиб, орадан вақт ўтиб бошқа даволанаётган болакайларга қон бергани акциямизга келди.... Уни ичидан нималар кечаётганини тасаввур хам қила олмасангиз керак? 

Бу аёл воқеасига келаси жума батафсилроқ тўхталамиз.

Саййид-ул айём муборак ахли яхшилар!

Суратлар муаллифи Баходир Матёқубов  ва Сардор Содиқов