Ассаламу алайкум ва Рахматуллоху ва барокатуху ахли яхшилар! Авало барчангизга бугунги  фарах кун-жума муборак бўлсин!

4-март кунидаги ўтган "Фахрли инсон" хайрия лойихасидан атиги 11 минутлик видеохисоботни тақдим этарканман ундаги ёш актриса Умида Муқимованинг ажойиб бир шеърига ахамият беришингизни хам сўрардим. Оддийгина икки қатор сўз ва шунчалар бежирим сўзлар. Сиз яхшилар хақида.

Ушбу мақолага кўз югуртираётган экансиз демак яхшиликка бефарқ эмассиз , ва демакки бежиз бу ерга ташриф буюрмадингиз. Насиб этса шу йили июнь ойида 4 йилдан бери хар бир лойиха файзли ва ижобий самараси билан  ўтишида биз билан бирга елкама-елка яхшилик йўлидаги қалбида яхшилик уфуриб турган инсонсиз ёки четдан бўлса хам кузатиб биз билан фикран бирга бўлиб яхшилик ва бемор болакайлар учун дуодасиз.

Асосийси бефарқ эмассиз! Лойиханинг хар бир сонидан кейин уйқудан олдин Худога шу кунги ўтган лойиха сонига шукрлар айтиб  иштирок этганларни барчасидан  Аллох   рози бўлиб ажрини беришини чин дилдан сўрайман.  Рости, чин самимий сўзларим бу. Мен учун хаётимдаги мухим, қадрли ва жиддий йўл бу лойихам. Шу каби негизида эзгулик, мехр ва яхшилик бўлган йўллардан юриш мақсадини хаммага насиб этган бўлишини истардим. 

Мазкур хайрия тарғибот лойихасида қатнаша олмаган ва ўз хиссасини қўша олмаганлар хеч бўлмаса бунга имкони бор бўлган яқинлари ва ёки танишларига бу лойихадан хабардор қилишни сўрардим. Биласиз, хеч бир мамлакатда тарғиботсиз қон топширишни амалга оширишни иложиси йўқ. Афсуски қонга мухтожлар эса хамиша ва хар ерда бор...ва минг афсуски улғаймоқ  сари интилаётган ёш нихолча-жажжи болачалар беморлик туфайли қонга мухтож бўлиб икки йўл орасида қолмоқда. Бу нарса хар куни бор бўлган муаммо.

Бирга бўлинг, ёрдамингизни аяманг, яхшиларни тарғиб этинг. Зеро яхшилик жавобсиз қолмас.

4-март кунидан видеохисоботни ютубдан томоша қилмоқ учун манбаа

Майтуб тасиксдан томоша учун манбаа

Келаси "Фахрли инсон" лойихаси 1-апрель куни бўлиб ўтади!