Бу қўнғироқни сайтимиз жамоаси хали анчагача унута олмаса керак. "Якшанба-мухлис минбари" рақамига қўнғироқ қилган аёл ўз воқеаси билан бўлишар экан, тинмай йиғларди.

Уни воқеасини қабул қилиш қанчалар оғир бўлмасин, унга маслахат бериш ундан-да қийинроқ кечса керак:

Бу воқеа ўтган куни бўлди.. Ўзимга хали хам кела олмаяпман.  Оилалиман, фарзандларим бор, 2 ўғил ва бир қиз.  Ўзимни уйимда эрим менга хиёнат қилди. Ўзимни ёнимда.. Бегона бўлсаку кечирар эдим, бегона билан хам эмасда.. ўзимнинг жигарим билан хиёнат қилди эрим. Хам амакимни хам холамни қизи билан.. Ота онам эгизак бўлишган хамда опа ука билан турмуш қуришган. Мен уни ўзимга шундай яқин олардим, хаммадан хам яқин олардим. Майли, эркак киши, эримга ишонмасам хам, унга хар доим ишонар эдим.

   Мен касал эдим, уйимга мехмонга келди. Мен ўша куни дорилар ичиб вақтлироқ ухлаб қолибман. Соат кечки пайт  7 лар эди. Уйда болалар бор, у хам ўғли ва жияни билан келганди. Уни турмуши бўлмай ажрашган.  Мен уни доим ўзим билан олиб юрар эдим, тоғларга хам олиб чиқардик, кўнгли ярим, кўнгли ёзилсин деб. Шу сабаб хам ўзимга яқин олиб келганман доим. Хуллас, ўша куни мен  кечки пайт соат 7 ларда  ухлаб қолибман, хали фарзандларим уйғоқ эди. Билмадим, Худони рахми келдими, ёки нима бўлди тушунмадим, лекин уйғониб кетдим. Ётоқхонамда ётгандим, бирдан уйғониб кетдим, қўлимни устида ёстиқ турганди, ёстиқда ўша холамнинг қизини боши турибтида, ёнида эрим иккаласи ўпишишяпти.. Мени шундоққина ёнимда, мен чидолмадим. Қўлимни устида боши турибти ва улар.. тушуняпсизми ахволимни?!  Бошимни бироз кутариб, нима қилишни билмай қайтиб ёттим. Эрим унга “Тўхта, болалар ухласин, кейин давом этамиз” деяпти.. Хозир мен у бу нарса қилсам, булар чиқиб кетади, мен хеч нарса қилолмай қоламан деб жим ёттим, индамай. Чидадим...  Бу аёл киши учун оғирде.. (йиғлаб юборади)

    Куттим давомини.. нима бўлар экан буларни давоми деб. Демак уларда бу биринчи маротаба эмас деб ўйладим . Кейин болаларнинг шовқини эшитилиб қолиб, улар иккаласи ўрнилигидан туриб кетишди. Ўзим домда тураман, 1чи  қавати бўлгани учун ховличамиз хам бор. Уйга кираверишда қизларимни кичкина хонаси ва у ерда кичкина диван туради. Болалар эса шу куни мехмонхонада жой солиб ётишганди. Улар менинг олдимдан чиқиб кетишганидан сўнг орадан 5 дақиқа ўтди. Улар иккаласи болаларни ухлашга ётқизишди. Уни орасида эрим келиб мени текширди ухлаяптими йўқми деб. Ётган жойимдан ўртароққа суриб хам қўйди, мен ўзимни ухлаётганга солдим. Давомини кўришим керак, билишим керак  нима бўлишини деб чидадим.  Бир пайт чиқишавермади.. жим бўлиб қолишди. Бошимни кўтариб қарасам, ўша кичкина хонада иккаласини сояси кўринди. Ўрнимдан туришга куч топдим.. фарзандларим хали уйғоқ экан.. ўрнимдан туриб ўша хонага бордим. Уларни иккаласини устига чиқиб қолдим.. эрим ётибти, устида холамни қизи ўтирибтиде... (йиғлаб юборади) тепасида турдим.. 5 дақиқа томоша қилиб турдим шекилли, ўзимни билмадим.. ва бирдан “Болларни ухлашини кутолмадингларми” деб бақириб юбордим. (йиғлайди)     

    Мехмонхонадан қизим югуриб чиқди. Қизим “дача”дахам уларни ўпишганини, қучоқлашганини кўрган экан, бу ёзда бўлган воқеа..  бу биринчи мартта эмас экан, мен билмай юрган эканман. Мени хамма огохлантирганди, эхтиёт бўлгин, эри йўқ, эрингга ишонма деб, майли эрим ёмон бўлса хам, у мани жигаримку,холамни қизи, манга бундай ёмонлик қилмайди деб этардим хаммага.  Хозир хеч кимга этолмаяпман бу нарсаларни... (йиғлаб юборади)  нима қилишга бошим қотиб қолди. Нима чора кўришни хам билаяпман..

  Бошқа холам борлар, фақат уларга этардим хамма дардимни, ичимдагиларни. Ўзимни ота онам вақтли хаётдан ўтиб кетишган, ўзим битта қизман. Шу холамга телефон қилдим чидолмасдан. Хола, мана шунақа бўлди деб этиб берсам, улар хам сиқилиб кетдилар нима қилишни билолмай. 

   Шу воқеа куни эрим уйдан чиқиб кетди, холамни қизи болалар билан мехмонхонада қолди. хайдаб юборай десам ярим кечаси, уни хам боласи бор. Уйга борса онасининг сахар касали бор, сахари кўтарилиб бир нарса бўлиб қолса, мен ўзимни кечиролмайман, майли бу ёмон бўлса хам, онасига бир нарса бўлса ўзимни айбдор сезиб юраман деб хайдаб юборолмадим. Битта уйда эрталабгача чидашга мажбур бўлдим шунча ишини кўриб. (йиғлайди) Кечаси ухлолмадим. Кечаси соат  12 да эрим кириб келиб, менга тегинмоқчи бўлди. Қандай қилиб?? Ман чидолмадим.. Тегма манга деб сансираб ташладим. Сан мани сансираяпсанми деб мани урди... У манга шунча хунар қилди, ман чидадим... сансираганим унга оғир ботибти..  Қизим додлаб кетди, “ада, бу биринчи мартта эмас,ман кўрганман, онамга этмагандим. Бу ишизни биринчи мартта қилмаяпсиз” деб  11 ёшли қизим айтяпти.. ичида сақлаб юрган экан. (йиғлаб юборади)

  Эртаси куни келиб “ кечир, билмай қолибман, ўзимда эмас эдим” дейди.. “ўзингда бўлмасанг, хозир қандай эслаяпсан, қандай виждонинг қабул қилди, майли эринг йўқ, кўча тўла эрку, мани эримга қараб қолганмисан?.. Ўзимники бўлиб туриб шунақа қилдингми, бу биринчи мартта эмас  экан, ўрнимга ўзингни қўйиб кўр, сани эринг билан шундай ётганимни кўрсанг мани кечирармидинг ” дедим. Майли, кўча кўйда бўлса, бошқа жойда бўлса, ман кўрмасам майлиди.. Ўзимни шундоққина олдимда шу ишни қилишди, болларим ухлашмаганди.. ман чидай олмаяпман... нима қилишни билмаяпман (Йиғлайди)

   Кеча у қизнинг ота онаси хабар топти бу ишлардан. Кундуз куни борган у уйига, хайрон бўлишган вақтли боришганига. Ман уларга этмагандим, виждоним йўл қўймаганди, мазаси қочмасин холамни, боласини бу ишини кўтара олмаса керак  деб ўйлагандим.  Охири кечки пайт холамни   ўзлари қўнғироқ қилдилар, Нодира (исми ўзгартилиган) нима бўлди деб. Болалар этишган шекилли, урушишди, поччам холамни урдилар, холам йиғладилар деб. Нима бўлди деб қизлигидан сўрашса, эр хотин урушиб қолишган экан деб айтибти. Бу гапларни эшитиб, чидолмадим. Бор гапларни айтиб бердим. Қизингиз уйимга қадамини босмасин, майли, сиз мани холамсиз, жигаримсиз, сиздан воз кечмайман, лекин мани унақа яқиним йўқ бошқа дедим. Эрим билан ажрашаман, ана квартира оладими, қаерда хохласа яшасин бирга, эримни эр қилиб олсин, шунчалик мани эрим керак бўлса дедим.

  Кеча холам билан поччам келишди. Йўқ десам хам қидириб топиб келишибти. Гапирди холам бир нималарни.. “уни хам тушунса бўлади,бошида эри йўқ” дейдилар. Хоп уни тушунса бўлар экан, кўча тўла эрку дедим. Қизингизни ёнини оляпсизми бу гап билан, мақсадингиз нима хозир, нега келдингиз” десам, хатто бир оғиз кечирим сўрашни ўрнига, қизини номи чиқиб кетмасин дедилар.. шу экан мақсадлари.. мандан шуни сўраяпти. Мани ўйлашмаяпти, шунчаки ўзини қизининг номи чиқиб кетмаслиги учун ёнимга келишибти.  Хеч кимга айтмаслигимни сўраш учун келишибти.. бу ерда мани хаётим хеч кимни қизиқтирмаяпти, манга нима бўлиши билан уларни иши йўқ.

  Эрим хам телефон қилди, хар хил бегона рақамлардан қилди, кўтармаяпман. Хаммага телефон қиляпти экан, укамга хам телефон килибти. Укам мандан сўради нима бўлди, поччам телефон қиляпти, ичиб олган, нима бўлди деб. Ха урушиб қолдик, уйдан чиқиб кеттим деб қўйдим уларга хам.   Қаердалигимни айтмаяпман.

   Нима қилишни билмаяпман. Ажрашишни хохлаяпман, яшолмиман.. унутолмайман бу нарсаларни.  Хозир уйдан чиқиб кетганман. Яна эрим келиб мани хўрлашини хохламадим... уйда қоломасдим. Майли, эркак киши хиёнат қилади дейишади, лекин у жигарим эдику, уйда бўлмаса хам майли эди, билмасам..

 Холаларим ажрашсанг қандай кунингни кўрасан дейишяпти, майли кўраман кунимни, шу пайтгача кўриб келдим, вақти келганида эримнинг қарзларини хам ўзим ёпганман, арендасини хам тўлаганман.. ман ёмон иш қилмайман, лекин кўча супураманми, пол артаманми, фарзандларимни халол мехнатим билан боқиб оламан. 11 ёшли қизим адасига “Онамни шунча урганизга, сўкканизга чидаган эдим, хиёнат қилганингизга чидамайман. Сиздай отам йўқ” деяпти. Менга “яшамайсиз у ерда, бўлди ундай одамни ота демайман” дейди манга. Бу воқеаларни фарзандларимга таъсири хам мани қийнаяпти.

   (Йиғлайди) илтимос менга маслахат беринглар.. жуда мухтожман.. (йиғлайди)

Эслатиб ўтамиз, хар якшанба мухлислар куни бўлиб, ўз муаммо ёки кўнгил кечинмалари билан бўлишиб, кенг омма билан хал қилишга имкониятингиз бор.       

sayyod@gmail.com почтасига иложи бўлса кирилл харфларида воқеа ёки муаммоингизни ёзиб юборишингиз ёки  (+99894) 644-67-11 рақамига қўнғироқ қилишингиз мумкин ёки шу номерга вацап.  

Диққат! Сайтга чоп этилиб бўлинган мактуб кейин талабга биноан олиб ташланилмайди! Воқеангиз сайт орқали кенг оммага чиқиши ва халқдан турли маслахатлар бўлишини билиб туриб жўнатдингизми, ўзингиз кутмаган ва ёқтирмаган маслахатни олиб кейин олиб ташланг дейиш мантиқсиз!