Хабар берганимиздек кеча 26 апрель куни хар галгидек  кутилган Рустам Сагдиевнинг янги ижод намунаси "Эр бермоқ, жон бермоқ" фильми премьераси қўшалоқ тарзда ўтди.
Хар галгидек деганим боиси режиссерлар орасида айнан Рустам Сагдиевнинг фильмлари ўзгача кутилиши сир эмас.

Қўшалоқ премьера одамлар ва машхурлар билан гавжум бўлди.

Соат 17-00да "Киночилар уйи"да Хонандалар Манзура (фильмдаги саундтрек ижрочиси), Даврон Эргашев, Райхон, Зебо, Диёр Махкамовлар, ёш актерлардан Фаррух Соипов, ва устоз актерларни хам учратиш мумкин эди.

Премьерага тушмоқчи бўлган лекин таклиф қилинмай қолинган машхурлар премьерадан сўнг бу хақида хафа бўлиб айтишганига нима дейсиз? Демак фильмни  кутган машхурлар хам бўлган.
Шоирлардан Ахад Қаюм ва Якзонлар хам ташриф буюришди. Қизиғи Якзон Зебо  билан келиб  ўтирди.
 Райхон эса анча кейин синглиси билан ташриф буюриб алохида 1 қатордан жой олди.
Интригалар даври бошланаётган бўлса не ажаб?)))

Бошловчилар илк сўзни кинематографиянинг тирик афсоналаридан Шухрат Аббосовга сўз беришди.

Премьера бошлангач фильм ижодкорлари иккинчи премьера бўлаётган кинотеатр "Алишер Навоий" санъат саройига йўналишди. У ердаги премьера соат 18-30га мўлажалланган эди.

 Бу пайт бизнинг ижодий жамоамиз хам ташриф буюрган  "Киночилар уйи"да премьера бошланди:
Фильмнинг хажвий иборалари омадли чиққанини алохида  эътироф этиш шарт, чунки росати хам томошабинларнинг "Шу жойини боплашибди" деган сўзлари жуда кўп учради.
Фильмнинг ютуғи оилавий мавзунинг бу тарздаги тақдим қилиниши. Ёш оилаликлар хақидаги мавзу кўп кўтарилган, лекин бу жуфтлик ижросидаги фильм ўзгача тусда ва маънода  эканлигини сезиш қийин эмас, унга хажвий оханг дид билан берилганлиги фильмни енгил хазм қилишга ва меъдага теккизмаслигига омил бўла олади.

Ўзбекистон Халқ артистиЁдгор Саъдиев: - Фильм, томошабинлар кириб, кўриб, дам олиб кетадиган, яхши фильм бўлибди. Ёш актёрларни, актёрлик маҳоратида ўсиш бор. Актриса Дилноза Кубаева ва актёр Улуғбек Қодировда ҳам, бошқа актёрларда ҳам буни кўрдим. Шу билан бир қаторда, режиссёр Рустам Саъдиевнинг маҳорати ҳам анча пишиб боряпти. Шундай бўлиши ҳам шарт назаримда, чунки унинг фильмларига Шуҳрат Аббосовдек ижодкор инсон бадиий раҳбарлик қиляпти.

Барно Абдулхаирова (Маданият институти талабаси) – Фильм ёшларбоп ва кўнгилочар. Эр–хотин ўртасидаги муносабатлар яхши кўрсатилган. Айниқса, актёр Улуғбек Қодировнинг қаҳрамони, хотинини авайлаб, касални сир сақлаши таъсирли.

Сарварио форум модератори: В целом фильм меня впечатлил. Хочу особо отметить роль Шахзоды Матчоновой. Нихоятда аъло даражада роль ижро этган. Я не ожидал такой поворот событий. В начале было ску4но. Особено ведущие азгина бачканалик килишди. А еще запоминающий момент, плач младенца в зале после плача Кубаевой на экране) Драматичность и комедийность  фильма в норме. Матчановага 5 бахо!  Минусы, это отсутствие фоновой музыки в некоторых моментах.

Ғиёсиддин Ғаппоров форум модератори: Film hozirgi to’ygacha bo’lgan sevgi haqidagi mavzudan yiroqlashib to’ydan keying hayot haqida bo’lib, film boshidan janjal bilan boshlanadi. Film voqealari to’ydan 1 yil o’tgandan keyin bo’lib o’tadi. Film yutuq tomonlari aktyorlar ansabilini to’g’ri tanlanganligida deb o’ylayman. Shahzoda Matchonova ijro qilgan Psixolog roli manimcha unga juda yarashgan va bizni kinolarimizda psixologga birinchi marta murojat qilingan. Sherzod Boymurodov ijro etgan er roli ham taxsinga loyiq. U uy ishlarini qo’rqmay qiladiganlardan bo’ladi. Rolni qoyilmaqom qilib o’ynagan. U chiqgan joyida hamma kuldi. Dilnoza va Ulug’bek ijro qilgan rollari ham yahshi chiqgan. Film haqida ko’p narsa deyish mumkin, baribir ming marta eshitgandan bir marta ko’rgan afzal diyiladiku.

 Мирсобир Муҳиддинов (Хусусий тадбиркор) – Фильмни менга ёққан жиҳати, оилани сақлаб қолиниши кераклиги ҳақидаги мавзуси бўлди. Эр–хотин ҳақидаги мавзуга қўл уриб, ижодкорлар янглишмаганлар. Актёрлар жамоаси ҳам ўз ролларини яхши ижро этишган. менга туш саҳнаси жуда ёқди, Дилноза Кубаева айниқса, жуда комик тарзда қаҳрамони ҳолатини, шу туш орқали очиб бера олган.

Улуғбек Қодиров, Дилноза Кубаева, Шахзода Матчанова ва Муборак Ашурбоевалар иштирок этган фильмнинг ютуғи менимча мавжуд бўлган мавзуга муқобил ёндошиш. Яни бор мавзуни ўзгача тарзда тақдим қила олиш бўлган. Бу фильм нафақат ёш оилаликлар балки, ёшлар учун хам жуда қизиқ бўлса керак. Айниқса фильмдаги диалогларга ахамият берсангиз анча маънони сезиш мумкин. Диалоглар дархақиқат жуда омадли, қизиқ ва долзарб равишда танланган.
Мени кўпроқ хушнуд этгани кутилмаган нарса бўлди. Иккинчи даражали роллар фишкаси билан ажралиб, бош рольдагилар билан хаққоний тенглаша олган!
1. Муборак Ашурбоева мутлақ бошқа қиёфа ва образда. Унинг қахрамонини кузатиш хам завқли ва хам қизиқ. Муборакни мунгли ва шаддод қиз тимсолида кузатганмиз, лекин бу тимсолга аниқ ном топа олмадим, хар холда хаётий бир "прикол" қиз деймизми. Хуллас зўр!
2. Шахзода Матчанова бугунги кунгача бўлган ўша бир образдан чиқиб кетилган! Тўғриси, унда хам ўзгача қиёфа ва образ.
Биласизми фильм томоша қилаётганимда агар мен актерни асл исми шарифини унутиб юборсам демак "Роль удался" деб ўзимча фикр қиламан. Айнан Шахзода ва Муборакни фильм давомида  хаётда таниган актрисаликдан унутиб уларни қахрамон тарзида қабул қилдим. Ишондим!
Шахзоданинг типажи гарчан хар бир фильмда урғуси ўша зодагон қизларникидек нозик қизча кўринишида бўлган бўлса бу фильмда унга яна нимадир берилгандек. Дархақиқат тажрибали аёл тимсолига ишонасиз.

Билсангиз  қанчадан қанча машхур  фильмларнинг муваффаққияти айнан фильмдаги эпизодик фишкаларга бориб тақалади.
Ўша Фаина Раневскаяни эпизодик ролларини эсланг, "Келинлар қўзғолони"даги Сотти образи ва хоказо. Айтмоқчи бўлганим, бош роль зиммасига шундоқ хам юклатилган кўпгина урғулар томошабинни чарчатиб қўймаслиги учун ролларга тўғри тақсимлаш хам бир махорат. Бу фильмдан сўнг режиссер Рустам Сагдиевнинг ижодига бошқача қарай бошладим.

Премьерадан сўнг бу фикрларим аксарият томошабинлар билан бирдек тўғри чиққанига амин бўлдим.
Дилноза Кубаевага комедик роллар жуда ярашган, асосийси ишончли ва кузатиш жуда қизиқ. Айниқса ўша туш кўргандаги эпизоддек роллари кўпроқ бўлса супер!
 Улуғбек Қодировда  хам  комедик образ хамиша бачканаликдан йироқ тарзда бўлиши эса сир эмас. Юморда ўзига хос йўналиши бор.
 Фильмнинг яна бир ютуғи ўша юқорида айтганимдек эпизодик ролларнинг фишкалари омадли чиққан, Муборак Ашурбоеванинг роли  хаётий чиққани ва унда роль эмас хақиқий қиёфани кўрганликларини кўпчилик эътироф этди.
Асосийси фильм мавзуси таниш лекин ўзгача талқинда тақдим қилина олинган.
Хуллас, сайтимиз жамоаси тавсия этади!