Нега хозирги пайтда "ЭЛДИДО" гурухининг промоси деярли йўқ? 

Элдидо гурухи маъмури: -  Хозирда "Бевафо" деб номланган қўшиққа клип олишга тайёргарлик кетаяпти, айни кунларда давлат тадбирларининг репетициялари билан бандмиз. Улар хар куни икки махал бўлади. Шу ишлардан бўшай олмаяпмиз. Худо хохласа, шу давлат тадбири бўлмиш  Конституция байрамини ўтказиб олсак, кейин клип олишга харакатни бошлаймиз. Клипга тайёргарликлар кўрилиб бўлинган, фақат бизнинг бўшашимиз кутиляати.

Хонанда ва бизнесмен Диёр Махкамов билан ишлаётганингиз хақида хабаримиз бор ва айтишларича, Элдидо гурухи шунинг учун хам промодан кўра, доимий равишда Махкамовларга қарашли  "Ҳаёт” тўйхонасида навбатчи ("дежурь”) гурух сифатида хизматда бўлар экан?

Элдидо гурухи маъмури: -  Ха, тўғри, у тўйхонанинг артистлари рўйхатида бормиз, лекин фақатгина "бирров” учун. Хўжайинимиз Диёр Махкамовга тегишли тўйхона  бўлганлиги сабабли, биз хам ўша ерда кўп бўлишимизни табиий деб ўйлайман.  Нафақат "Хаёт” балки, "Чинор” тўйхонасида хам кўп бўламиз. Лекин доимий эмас. Бу тўйхонада рекламаларимиз қўйилган, "бирровлар” кўп бўлади, лекин доимий  бириктирилган "дежур” эмасмиз. Бу тўйхоналарга кўп боришимизни асосий сабаби эса, тўйдан тўй чиқади дейишадику, бизни тўй ўтказишимизни кўришган, визиткаларимизни олишган, мен билан боғланишган, нархлар хам тўғри кеган ва шу орқали кетма кет уланиб кетаверган.