Самарқандга 28 август тунда кириб келар эканмиз, шахарнинг гўзаллигидан хайратлантирдим. Хечам Самарқанд эканлигига ишонмасдим. Ўзимизнинг "Питер” деган гапдек))

 Билмадим, Термез ва Қаршидан кейин Самарқанд жуда бир бошқача кўринар экан. Айниқса тунда. Амир Темур аллеяси жуда ёқди.

Самарқандда бир маротаба бўлганман, шунда хам қисқа вақтга. "Парвона” газетаси 2008 йил  "Тошкент Москва” (Фохиша ёки...ёки) хикоям учун биринчи ўринни беришганида, тақдирлаш маросимига келгандим.  Ўша ресторанга таксида келиб, мукофотим компютерни қўлтиқлаб яна таксида қайтибману, шахар айланмабман.

Фонд Форумнинг Самарқанддаги илк тадбири 29 август тушдан кейинга  мўлжалланганди.

Имом Ал Бухорий мажмуасига кетаётган пайт сайтимиз мухлисларидан 4 киши билан учрашиб совғаларни олиб тезда суратга тушдиму, яна шошиб йўлга тушдик.

Муфтий ва 11 вилоятдан   таниқли диний пешволар йиғилган  Имом Ал Бухорий мажмуасининг мажлислар залида тақдирлаш маросими бўлиб ўтди.

Гулнора Каримовага сўз берилганида, у фикрларини баён қилар экан, Исломдан билими аъло даражада эканлиги шахсан мен учун янгилик бўлди. Айниқса сура ва оятлардан  иқтибослари, ўзига яқин бўлган икки оятни мазмунини тахлил қилиш бобида хам нафақат мени, балки йиғилганларни хам ажаблантирди.

Гулноранинг шу мажмуадаги сўзларидан иқтибослар:

-Дунёда Аллохнинг инояти билан бошланган, инсоният учун хар бир иш, хайрли тугашини истардим.

-Хар биримизни  хаётлигимизда, болаларимизнинг бахтини кўриш насиб этсин.

-Оқибат сўзи Қуръонда хам ва хам хадисда хам мухим сўз. "Ва-л-оқибату лил-муттақин” ("Хайрли оқибат ёмон ишлардан сақланиб, хайрли ва эзгу ишларни қилувчилар учундир”) – деган оят келади. Ёки: "Ва-л-оқибату лит-тақво” ("Барча хайрли ишларнинг оқибати Аллоҳ таолога ҳаволадир”),

-Комил инсон бўлиш бу доимий курашдир. Муқаддас ва маърифат йўлини танлаганлар учун бу мухим бўлса керак.  

-Жалолиддин Румийнинг афсуски ўзбек тилига таржима қилинган фикрлари жуда кам. Вахоланки, 4 йил аввал инглиззабон  давлатларида  унинг китоблари Шекспирнинг асарларидан хам кўпроқ сотилгани билан рекорд ўрнатгани хақида хабар мавжуд. Қалб муаммолари учун хамиша унинг китобларидан жавоб топиш мумкин. Шахсан мен, ўзим учун мухим бўлган саволларга китобларидаги сахифаларидан топаман.

Жалолиддин Румийнинг мен учун севимли сўзларидан келтираман: "Человек это часть вселенной, но а по сути , он основа мироустройства. Мука можеть потревожить человека, но душой, он завоёвывает небо!”

-Эшикдан кираётган ўнта одамдан тўққизтаси кириб, биргина сен кирмаган бўлсанг, нима учун улар кирди деб эмас, ўзингдан нима учун кира олмадим деб сўра.

Гулнора, бир неча муқаддас даргохлар, хусусан суфийлар масканларидан хам қайта таъмирлаш ишларини бошлашни режалаштиргани хақида хам хабар қилди.

Азон ўқилаётган пайти илхомланиб ёзган "Шом” шеъри эса барча учун кутилмаган маънавий совға бўлди.

Тақдирлаш маросими бошланди. Фонд Форум 2005 йилдан бери вилоятлароаро мадрасаларга грантлар бериб келган.  Бу сафар ислом институтининг 20 талабасига грантни берилар экан, бу грантга асосан ғолиб иқтидор сохиби энди   хар ой маблағ билан таъминланиб турилади.

Шунингдек 11 вилоятдаги мадрасаларга Гулнорадан деворга илинадиган махсус Панно топширилди. Унга бухоролик тикувчилар томонидан  "Оқибат хайрли бўлсин" деган тилла ипакдан ёзувлар битилган.

Баҳоуддин Нақшбанд ёдгорлик мажмуаси таркибига кирадиган хонақоҳ олдидаги милодий 1885 йили бунёд этилган калта миноранинг қибла тарафга қараб турган ерида: "Оқибат   хайр бод”, – деган ёзув битилган. Баҳоуддин Нақшбанд оналарининг қабри олдидаги масжид пештоқларининг уч ерида ҳам айни шу ёзув бор.

Бу: "Оқибат хайрли бўлсин”, – деган маънони англатади. У мантиқан ҳозирги ўзбек тилимизда кўп ишлатиладиган: "Охири ба хайр бўлсин”, –жумласининг  айнан ўзи.  

"Оқибат   хайр бод”нинг эса тўртта маъноси бор:

- инсоният манфати йўлида қилинаётган барча хайрли ишларнинг охир-оқибатини бериш Аллох таолонинг ихтиёридадир;  

–                   бошланган ҳар бир иш яхшилик билан тугасин;

–                   киши бу дунё билан яхши хайрлашсин, яъни узоқ умр кўриб, яхши яшаб, бола-чақасининг роҳатини кўриб,  бандаликни осон бажо келтирсин;

–                   қиёмат кунида қилган яхши амаллари инобатга олиниб, жаннатга лойиқ топилсин.

У ердан Самарқандда очилган янги Универсал маданият марказига ташриф буюрдик.  Қаршидаги маданият маркази каби, бу ерда хам икки  тарафи супа қўйилган ва  катта гумбаз орқалик кириш қилинган.

Маданият маркази ичида ташкил қилинган хоналар

Ёшлар билан учрашувда ,  Самарқанддаги ёшларни савол ва таклифларидан кўпроқ нарса кутганини Гулнора яширмади.

Дархақиқат Қаршидаги динамика ва бахслардан кейин бу ердаги мулоқот шахсан мен учун хам зерикарли туюлди. "Граффити” санъати хақида савол беришди, вахоланки бизни ва айниқса тарихий обидаларга бой Самарқандга бу нафақат керак эмас, балки бир тахқирлашдек кўринса керак.  Лекин алохида бир майдонча ва  Тошкентдаги Экопаркдагидек имконият яратиш борасида ёшларнинг ўзлари биронта лойиха тузиб таклиф қилишлари тушунтирилди.

Самарқандда Тошкентдаги каби Тарона ва Пантерра студиялари йўқлиги ёшларни етарли промо қилиш имконияти йўқлиги хақида хам саволлар бўлди. Бу борада "Келажак овози”га мурожаат қилишлари, мисол тариқасида кашф этилган "Сахро” гурухи келтирилди.

Мусиқий танаффус ва "Успенский” номидаги мусиқий мактаб иқтидорлари хар бир вилоятда турфа мусиқий намойиш қилишар экан, бу сафаргиси евро классикасига монанд аввал скрипка ва виоланчеле кейин эса Саксофонда соло партиялари махорат билан ижро қилинганидан, бу сафар зал олқишлар ва "Браво” хайқириқлари билан портлади.

"Келажак овози” кўрик танлови Самарқанд босқичи ғолибларини тақдирлаш маросими бўлиб ўтди. Ёшлар плазма тв-лар сохиби бўлишди.

Маданият марказининг ховлисида кеча уюштирилган бўлиб, гиламлар йўлакчасида келин саломлар билан кутиб олинди. Ўзбекона миллий "Красная дорожка” хуллас. Супер.

Ховли миллий хунармандчилик намуналари билан безалган.

Аввал театрлаштирилган бир сахна кўринишидан, "Великолепный век” сериали ўзбекча талқини деб ўйлабман. Рости уйдагилар дастидан шу сериалдан кўрмаган бўлсам хам кўнглим қолгандида)))

Бу ерда хам хайрия лойихаларида фаол тадбиркорлар сертификат билан тақдирланиб, Ўзбекистон ижтимоий маъсулиятли фуқаролар форуми томонидан ижтимоий мухим лойихаларни қўллаб қувватлаш учун кредитлар топширилди.

Гулнорага бўлган хурмат ва эътиборини яшира олмаган халқ, уни гуллар ва совғалар билан ўраб олиб, рақсга чорлашди.

 Гулнора ўзбекча хиром қилдики, буни хам кутмагандим. Қўшиқ куйлаётган (номини билмайман адашмасам Самарқандлик хонанда) хонанданинг севинчини кўрсангиз эди))))

 Шошиб Лазгини улаб юборсаларми... аха росаю, хозир сизга Лазги тушиб берадилар)))

 Хуллас, халқ билан хамнафас Гулнора шу уч кунлик вилоятлараро тадбирларни шу ерда мухтасар қилди.

Биласизми, Гулнорага халқ қандай муносабатда эканлигини ёзиш бошқа, уни ўз кўзимиз билан кўриб хис қилишимиз бошқа экан.

Уч кун мобайнида унга тикилган кўзлар ёниши, хавас билан кузатишлар, унга интилишлар, Гулнорани ўзини хам халқ орасида бўлиши, халқни ўзи билан очиқ мулоқотга чорлаши, бу хаммаси унинг бугунги кундаги хурмат даражасини хис қилдирди.

Тадбирлар хозирча тугади. Биргаликда яна Тошкентга учиб келдик.

Хўш, уч  кун Гулнора билан репортажимдан сизлар учун маълумот йиғдим, суратга олдим ва хабар бериб бормоқдаман.

Ўзимга нима олдим?

Нима таассуротлар йиғдим?

Юқоридан ташқари айтадиган фикр ва мулохазаю таассуротларим бисёр. Репортаж ортидан қизиқ холатлар, ва албатта сайтимиз мухлислари томонидан кутилмаган учрашувлар, бу хаммаси билан яқин кунлар бўлишаман.

"Гулнора билан уч кун” рукни остидаги нотижроат ва нодавлат репортажини Sayyod- Сардор Комилов тақдим этди.

Ёққан бўлса демак мехнатим бесамар эмас, ёқмаган бўлса узр, борича хақиқатни ёздим. У эса хамиша хам ёқиши шарт эмас, асосийси тан олинса бўлгани!

))