"Даракчи"дан ранжиганлар: Масрур ва Парвиз Baxs| Tanqid | Janjal

Ёқдими?

Бошқаларга хам кўрсатинг:

 

Ҳозир матбуотга қизиқиш кам, ҳамма маълумотлар интернетда деймизу, лекин аксар вилоятларда газета-журналлардаги янгиликларга ҳамон талаб катта. Сайтлар фойдаланувчиларининг асосий қисмини эса пойтахт аҳолиси ва шаҳарликлар ташкил этади. Ўша куни ҳам вақт алламаҳал бўлган, кўча анча совуқ. Боз устига олифталик қилиб қалинроқ кийинмаганман. Ишдан чиқиб такси пойладим. Биринчи тўхтаган ҳайдовчи ойнасини туширганда, Масрур Усмоновнинг қўшиғи янграб турарди: “Ёшлигимиз”... “Чарчаганингда яхши мусиқа тинглаб мароқли дам олгинг келади” Шу ўй билан манзилни айтибон ўзимни мошинага урдим. Кириш суҳбатидан сўнг мавзу беихтиёр Масрур Усмонов ижодига бурилди. Ҳамсуҳбатим гап орасида “Жонли ижрони синдиради-да, қўшиқлари юрак-юракларга кириб боради. Шу йигитга ҳурматим баланд. Фақат бир нарсадан бироз ранжидим” деди. “Нима экан?!” деб ажаблансам, ҳаммасига “Даракчи”да 13.11.2014 (№42 /812/) чиқақан мақола сабаб экан.

Хонанда Масрур Усмонов билан уюштирилган суҳбатга ҳам ана шу алдамчи мақолага ишониб қолган таксист фикрлари билан ўртоқлашганим сабаб бўлди... “Ўзини қўшиғи эмас экан, нима қиларди концертини шу ном билан қўйиб... Шуни яхши бола деб юрардим, буям айниган экан...” Йўналишсиз такси ҳайдовчисининг бу сўзлари, мени чиндан ҳайратга солди. Хуллас хонанда билан учрашиб барчасига ойдинлик киритмасам бўлмасди...

 

 

Парвиз Фаттоев: Шу кунларда шоу-бизнес олами вакилларида туғилаётган савол, бу концертингиз реклама ролигидаги сўзлар: “Мухлисларини соғинган Масрур Усмонов...” нима учун мухлислар Сизни соғинмаган, гўёки “Сиз хоҳлагану улар эмас...”дек.

Масрур Усмонов: Ҳайронман, ўзи биринчи концерт бўлса, қандай қилиб мен мухлисларимни соғинмаслигим мумкин. Тўй-ҳашам, тантана-базмларда дийдорлашган бошқа, саҳнадан туриб жонли учрашган бошқа. Шунинг учун ҳам хонанда сифатида мухлисларимни соғинишга ҳаққим бор-ку. Ахир яхшилаб ўйланг, илк концертида ким ҳам соғинмайди дейсиз. Яна билмадим, адашган бўлсам балки мен адашгандирман, лекин бир нарса аниқки, бу сўзлар роликда айтилса айтилмаса ҳам мухлисларимни соғинганим аниқ... Бу туйғу ўзгариб қолмайди. Кимга ва энг қизиғи нима учун эриш туюлаётганлигини англолмаяпман. Концерт саналари ўзгарганлиги боис бу реклама ролигини алмаштирдик. Ҳеч ким хавотир олмасин, унда соғинч ҳақида гап бўлмаган.

 

П.Ф.:Концерт санасининг ўзгарганлиги овоз пардаларининг шамоллаганлигида деб эшитдик. Аҳволингиз анча яхши бўлиб қолдими, шарфлардасиз...

М.У.: Ҳа, ўша кунлари адашмасам октябр ойининг 25-26 саналари эди, ҳаво ҳарорати анчагина пасайиб кетгани учун қаттиқ шамоллаб қолдим. Шифокорлар 6-7 ноябр кунларигача олдингидек оёққа туришимга кафолат беришмади. Шунинг учун ҳам концертни ноябр ойининг 28-29 кунларига кўчирдик. Қолаверса тан оламан, яна бир сабаб, баъзибир ҳамкасбларим концертларида билетларнинг айрим ҳолатларда мажбурий сотилаётганлигини эшитдик. Айнан шу нарсани мен истамадим. Илк концертда ҳаммаси кўнгилдагидек бўлишини, 10 нафар бўлса ҳам асл мухлислар тушишини хоҳладим. Бундан нолимайман. Худога шукр, ҳамма ҳудудлардан, Сурхондарёю Қашқадарёгача мухлислар концертга тушиш тараддудида. Ҳатто баъзибир мухлисларимиз узоқ вилоятлардан концерт саналари ўзгарганлигидан бехабар қолиб, 6-7 саналарда “Истиқлол”га келишибди. Роса узрли бўлди... Лекин озми кўпми мухлисларим борлигидан мамнун бўлдим. Энди 28-29 кунлари кўрамиз, айтганимдек мен соғинган мухлислар қанчалигини... Биринчи синовдан юзимиз ёруғ бўлиб ўтамиз деган умиддаман.

 

П.Ф.:Масрур ака, репертуарингизда плагиат тароналар борми? Яна баъзилар Масрур Усмонов устоз санъаткорлар қўшиқларини қайта ижро этади дейишади.

М.У.: Бу саволни менга 100 мартадан кўп беришган, аниқ. Аммо ҳар доим жавобим бир хил бўлган: ЙЎҚ! Биринчидан устозларимиз изидан боришнинг айб томонини кўрмаяпман. Лекин шахсан менинг муаллифлик қўшиқларим тўлиқ ўзимники! Плагиат ҳақида битта ҳам сўз бўлиши мумкин эмас. Лекин мухлисларимиз қаердадир фалон қўшиқни айтиб беринг дейишса, агар қўлимдан келса ижро этаман. Аммо шу пайтгача бировнинг ижод маҳсулига даъвогарлик қилмаганман! Баъзида бирор қўшиғимни ижро этишни бошласам, “буни қаердадир эшитганмиз, кимники эди...” деб қўйишади. Сабаби қўшиқларим устоз санъаткорларимизнинг ижро йўналишига жуда ҳам яқин. Шунинг учун ҳам тингловчиларга ўтган дамларни, яхши хотираларни эслатади.

 

П.Ф.: “Демак, ҳеч бир устоз санъаткорнинг қўшиғини қайтадан сайқал бериб куйлаб, ўзимники деб халққа айтмаганман” деб айта оласиз. Шерали Жўраев ашулаларини ҳам...

М.У.: 100% ишонч билан айта оламан! Нимага “устоз санъаткорларнинг қўшиқларини айтасиз” деганлар исботи билан айтишолмайди. Атиги бир маротаба, Масрур сен фалончи ҳофизнинг фалон қўшиғини мана бундай қилиб қайта куйлагансан дейишса эди, алам қиладигани шунда. Кимдир ижодини турган-битгани кўчирмакашлигу уни юлдуз деб кўкка кўтаради, кимдир менга ўхшаб кечаю кундуз шеърини ҳам, куйини ҳам ўзи басталайдию аҳвол бундай. Очиғи тушунмадим...

 

П.Ф.:Балки қўшиқларингиздан қайсидир бири ўхшаб қолгандир. Ахир ҳатто ер юзида инсон бармоқ излари ҳам ягона эмас, ҳолбуки қўшиқ яратувчисида бу табиий-ку. Кимнингдир қўшиқларини қачонлардир кўп бора тингалаган бўлсангизу йиллар ўтиб, миянгизда айрим ноталар такрорланиб қўшиқ яратган бўлишингиз мумкин-ку.

(10 сониядан кам бўлмаган пауза)

М.У.: Мумкин. Балки... Лекин айнан устоз Шерали Жўраев қўшиқларини болалигимда - 6 ёшимгача уйда отам ва амаким тинглаганликлари боис кўп эшитардим. Аммо Мен хоҳлаганим ўша гап, кимдир “Мана бу қўшиқни Сиз мана бундай қилиб айтгансиз” деб исботласа кўнглим хотиржам бўларди... шундай одам топиб беринг менга илтимос...

 

П.Ф.:Ана шундай юртдошларимиздан бири, Бухоро вилоятидан Ҳидоят Садриддинов “Даракчи” газетасига хат йўллаган. Мана кўринг...

М.У.:Буни аллақачон кўрдим. Ёзилган мақоладаги ҳар бир сўзни ёддан айтиб беришим мумкин. Шунчалик асабимга тегдики, миямдаги ҳар бир ҳужайрага ўрнашиб олди. “Даракчи” мухбири яхши гонорар олиши, ёки “Танқидга моил мақола чиқарсам яхши таниламан, ҳамкасбларим орасида обрўим ошади” деб ўзи бировнинг номдиан мана шу бўҳтонни ёзиб чиқарган бўлиши мумкин, ҳақиқатга яқинроқ. Ёки бўлмасам агар ҳақиқатдан ҳам Ҳидоят акамизми укамизми ёзган бўлсалар яна ўша гап, қайси устоз санхаткорнинг қайси қўшиғини эканлигини айтмайдими... Ҳолбуки бошқалар билмаса ҳам Сиз яхши биласиз, “Ёдингдаму” қўшиғининг шеърини ҳам куйини ҳам тўлиқ, яна бир бор айтаман тўлиқ ўзим ёзганман. Мусиқий сайқал Сарвар Раҳматхўжаевга тегишли. Яна мақолани сарлавҳасига “Токайгача устозлар соясига бекинасиз” дегани-чи. Шунчалар кайфиятимни туширдики... Мингта савол бошимда айланади ишонасизми? Масалан, “Аслида бу қўшиқ хонанданинг ўз ижодига тешгишли эмас” деб ёзилган, Мен ҳарқалай ақлдан озмагандирман, ўзим қачон қандай ҳолатда бу шеърни ёзганлигимни ҳам, куйини басталаганимни ҳам жуда яхши биламан. “Ҳеч бўлмаган концертни ўз ижодидаги бирорта қўшиқ билан атаса яхши бўларди” деб ғир бўҳтон билан халқни мендан совутишига чидаш қийин, ғурурим йўл қўймайди... Агар газета ижодкорлари ҳақиқий ижодкор бўлишса мени тушунишади, ижод маҳсулини яратиш қанчалик қийинлигини билишади ва албатта кейинги сонда тузатиш киритишади деган умиддаман. Яна такрорлайман, агар газетада ҳақиқий ижодкорлар бўлса...

(қаттиқ сиқилиб, сув ичиб олади)

 

П.Ф.: “Ёдингдаму”ни қайсидир вилоятдаги катта тўйда бир неча маротаба такрор куйлабсиз. Буни ўша тўйда қатнашган ҳамкасбларимиздан бири айтиб берди. Ўзим 20 мартага яқинми?

М.У.: Андижондаги тўйда 18 маротаба кетма-кет ва қайта-қайта ижро этдим. Шуни талаб қилишганлиги учун, минг бор раҳмат, шунчалик таронам қадр топганлигидан хурсандман. Бу энг рекорд натижа бўлди. Тошкентда эса “Ёдингдаму”ни энг кўп айтганим 11 маротаба бўлди. Ҳозирча шу...

(кулгу кўтарилади)

 

П.Ф.: Қисқа савол-жавобларга ўтамиз... бир кеча кундузда неча соат ухлайсиз?

М.У.:Илгари 7-8 соат эди, шу кеча кундуз концерт таайёргарлиги, аниқроғи масъулияти сабаб бу кўрсаткич 3-4 соат бўлган.

 

П.Ф.: Концертингизга илк таклифномани ҳамкасбларингиздан кимга берардингиз?

М.У.: “Кўрамиз, ўзи ким эдию концерти қандай бўларкин” деган “севимли” ҳамкасбларимиздан бирига, юксак эҳтиром билан!

 

П.Ф.: Тасаввур қилинг, эрталаб уйғонганингизда Музаффар Абдуазимовсиз... Нима қилган бўлардингиз?

М.У.: Тасаввур қилмасам бўлмайдими? Музаффар Абдуазимов яхши ижодкор, ҳурмат қиламан. Саволингизга жавобим: “Масрур Усмоновдек куйлаган бўлардим!” Лекин Илоҳим ҳар доим эрталаб ўзим бўлиб уйғонаверай...

 

Мақолани ёзиб тугатганимдан кейин соат кечки 22дан ошгандан кейин Масрур Усмонов қўнғироқ қилиб бир гап ёдига келиб қолганлиги, шуни албатта қўшиб қўйиш кераклигини айтди. Репертуаридаги “Икки-икки юрак” номли қўшиқ турк ва озарбайжон (адашмасам) халқ куйларида ижро этилган қўшиққа деярли ўхшаш оҳангда куйланган ягона яримплагиат тарона бўлиши мумкинлиги, шу қўшиқни яхши кўрганлиги учун ҳам куйлаганлигини таъкидлади ва хайрли тун тилади!


 

Суҳбатдан сўнг, ҳар бир ижодкор қатори Масрур Усмоновга ҳам муваффақият тиладим. Сўнгра “Даракчи”нинг қилмишларини ўйлаб на кулишимни билдим, на йиғлашимни. Нега бу нашр тобора журналистика элементларини четлаб ўтадиган бўлиб қоляпти. Мавзуни икки тамонлама ёритиш, нейтрал фикр билдириш асосий мезон эмасмиди... Майли ўша мухлис, қўрқмасдан бўҳтон битгандир дейлик, ижодкорлар газетага босишдан олдин тагига еишмайдими? Хонанда билан боғланишса бўларди, концерт олди “шапалоқ” туширмасдан. Мен шахсий фикрларимни клавиатурада терар эканман, бу воқеаларга бетараф инсон сифатида шуни айтишим мумкинки, “Даракчи”га адоватим йўқ, ўзим ҳам шу нашрга ул-бул мақолалар ёзиб, гонорар олган, нон-тузини еганларданман. Аммо газетанинг ҳозирги ҳолатига сиқилмасдан илож йўқ. Худди Масрур Усмонов билан содир бўлган ҳолат бундай аввалроқ ҳам кузатилган эди...

 

Самарқандлик стилист, ёш актёр дўстим Шароф Шарапов (Сайёд фойдаланувчилари Ягонанинг “Кел” клипи орқали яхши танишади) “Ёлғон” номли мелодрамада бош ролда Саврвиноз Османова исмли актриса билан бирга тасвирга тушган эди. Аёзли кунлардаги сёмкалардан сўнг, премера ҳам роса чўзилди. Фильмда Шароф ўйнагани учун ҳам ПР-менежер сифатида ахборот хизматларини тўлиқ ўзим бажардим. Ниҳоят дебютант ижодкорлар иштирокидаги картина катта экранларга чиқди. Тўғри фильм зўр эмас, аммо тарбиявий аҳамияти кучли. Унга тушган ёшлар адашиб қолишдан сақланишлари, ёлғоннинг оқибати нималарга олиб келиши мумкинлигини ҳис қилишлари мумкин. Бир сўз билан айтганда “Даракчи” кабиларда “оғиздан бол томиб” мақтайдиган баъзибир фильмлардан бир неча карра яхши фильм эди.

Премера куни “Даракчи” мухбирини томошабинлар орасида кўрган эдим. Фильм охирига қадар барча яхши қабул қилишди. Ҳатто баъзи намойишлар каби титр чиқиши билан зални бўшатиб қўйишмади. Оддий исбот - премерадан сўнг ҳам бутун томошабинлар бир соатдан зиёдроқ ижодкорларни ўраб олиб суратга тушишди... Охири Сарой ходимлари чироқларни ўчириб ҳаммани тарқатишга мажбур қилишган эди. Ана шу кино ҳақида ҳам “Даркачи”да кимнингдир номидан, гўёки газета ўқувчиси сифатида мақола чиқарилган эди. “Фильмга тушган вақтимга ачиндим, актёрлар пул тўлаб ўзлари учун кино олишгандек” мазмунидаги мақолага нима учун мухбирнинг ўзи шахсий фикрини ёзмади. Ахир премерада “меҳмони азиз” бўлиб ўтирган эди-ку. Демак, буларнинг бари ҳеч қандай мактуб юборилмаганлиги, ҳаммаси мухбирнинг уйдирмалари эканлигини кўрсатади.

Шароф шундан сўнг (ўшанда 12 та клип ва 1 та фильмда бош қаҳрамонни ўйнаган эди) қаттиқ тушкунликка тушиб, санъатни тарк этмоқчи бўлди, Ўзбекистондан четга ҳам чиқиб келди. Аммо ҳозир ҳаммаси жойида, янги реклама роликлари, клипларда суратга тушди. Ғуломжон Ёқубов, Зулайхо Бойхонова каби халқ артистлари эътиборига тушиб, уларнинг айни пайтда мусиқий каналларда намойиш этилаётган клипларида рол ўйнади. Шунчаки, юртимизда ёш истеъдодларни қўллаб-қувватлашга шунчалик эътибор ва ғамхўрлик қаратилаётган бир пайтда, газета орқали санъатга кириб келаётган, маҳорати бор ёки Масрур Усмонов каби ўз ижод йўлини топган, меҳнати билан мухлис орттирганларни халқдан айро қилиш, йўлига тўғаноқ бўлиш жуда хуник ҳол. Бу хуник ҳолларни гўзал кўринишга айлантириш вақти келди. Ҳозир 10 дақиқа инстаграмда ўтириб 2 бетлик суратлар билан газета тўлдирадиган, ёки йўқ жойдан иғво чиқарадиган давр эмас. Ўқувчи ҳам, тингловчи ҳам, томошабин ҳам зийрак. Ҳақиқий санъатни сохтасидан ажратишга қурби етади. Бу ёғига ОМАД ҲАМКАСБЛАР!

 

Парвиз ФАТТОЕВ

 

17-Ноя-2014 01:31
Бўлим: Baxs| Tanqid | Janjal | Чоп этди: writer | Тег : Masrur Usmonov, Sharof Sharapov
ТЕГИШЛИ МАВЗУЛАРДА:

1 bir bola   (17-Ноя-2014 05:05)
Ахир ҳатто ер юзида иносн бармоқ излари ҳам ягона эмас
Источник: http://www.sayyod.com/news/darakchidan_ranzhiganlar_masrur_va_parviz/2014-11-16-3284
Parviz Fattoyev!
Butun boshli ilm-fanni hamda Qur'onda yozilgan so'zlarni bitta gap bilan yerga ko'mib qo'yibsizku!!!
bir narsa yozishdan oldin, ozgina o'ylash kerak, qidirish kerak. Bir narsani boshqasiga qiyoslayapsizmi, asos qilib olingan narsa 100% aniq bo'lishi kerak, yo'qsa qiyoslash o'rinsiz bo'ladi.
Yer yuzidagi insonlar barmoq izlari yagona, bir-biriga umuman o'xshamaydi. 
P.S. Sayt administratorlari, bu habar ham izsiz yo'qolib ketmaydi degan umiddaman...

2 IBRATCHIK   (17-Ноя-2014 07:33)
shou biznesda bo'ladigan oddiy ikir chikir gapla.manimcha bunaqa gap so'zla har doyim bo'sa kere chunki mani fikrimcha shou biznes mish mishlarsiz,uzun quloq gaplarsiz qizumas.Parvizga omad ijodini parvozlar.

3 Sevdoshka   (17-Ноя-2014 09:38)
bara kalla Parviz TATU ni yuzini yerga qaratmagan talaba omad sizga Parviz

4 boshqa bola   (17-Ноя-2014 11:08)
Даракчиниям бошкасиям фикри тугрими ёнотугрими билмадиму концерт колдирилганини осонгина айтиб кетилмокда шахсан узим гувохман Истиклолга Эътирофга чипта олиш учун борганимда бир аёл 23 та чиптани энди нима килай укитувчилар кирмокчи эдик деб кутариб юрибди хуп у аёлни чиптаси кучини йукотмас баъзи вилотдан мехмон булиб келганлар энг якин концерт деб сотиб олишган ёки айнан концерт учун келишган булса нима килишади энди пойтахтга бир ой мехмонхона бром килиб колишсинми ё хамма ишини ташаб пойтахтга катнаб юраверсинми барибир чикишига ишонмасамам фикримми ёздим савол жавоп килиш жараёнида факат ижодкорри макташ ёки ачиниш эмас мухлислани кадр кимматиния химоя килиш керак бетараф журналист узр билан хаммаси узгариб колмайди

5 Bekhzod   (17-Ноя-2014 14:55)
bir bola, O'zingiz ham aniq manba bilan asos qilib yozsangiz bulardi. Birovning kamchiligini topish oson, o'zimizniki ko'rinmaydi !

6 Afruza   (17-Ноя-2014 16:00)
kutib qolamiza

7 Bek-Uzbekistan   (17-Ноя-2014 18:40)
Parviz Fattoyev ga ijodiy Parvozlar tilab qolaman,Ajoyib jurnalist.

8 YASEMIN   (17-Ноя-2014 19:00)
Masrur Usmonov yaxwi ijodkor

9 Jama   (17-Ноя-2014 19:40)
Ustoz Sherali Jörayevni Bir ölkaki dgan ashulasi faktku bunga. Yana özmniki dgan, Xalq bladiku, nega Motsart Betxovennikiga öxshamagan, kamsitiwmasu ovozi xirilap qogan, wamolagan bösayam konserti qoldrgandan nima foyda, baribr jonlimasu

10 Muxlisa   (17-Ноя-2014 20:31)
XURMATLI JAMA, AGAR BILSAYIZ FONOGRAMMA DEGANI TO'LIQ OG'ZINI QIMRLATADI DEGANIBAS, MUZIKA FONOGRAMMA BOLADI QUSHIQNI OZI AYTADI PARVIZ FATTOYEV YAXSHI MAVZU KOTARISIZ KORSATUVIZI ANONSINI KORAYAPMIZ OZI QACHON ENDI TEZLASHTIRING

11 Muxlisa   (17-Ноя-2014 20:41)
MANA BIR OLKAKI QO'SHIG'IGA SSILKA ESHITIB KORILA UMUMAN BOSHQA NARSAYU NIMA KERE BIROVI YOMONLAB http://www.youtube.com/watch?v=PgX3-wtLLS0

12 Sardor   (17-Ноя-2014 21:24)
Мен шарх ёзишга эрикаман,шунинг учун жуда кам ёзаман.Маколани укиб чикдим, Масрур Усмоновни танимасдим шу "Ёдингдаму" кушигини эшитдим ёкди,Mp3 вариантини тополмадим камида 1 ой истадим адашмасам, хуллас ютубдан клип кучирадиган программа скачать килиб, яна у клипни Mp3 киладиган программа скачать килдим,шу-шу ашулани эшитиб тураман.Агар шароит булса кирардим концертига (сабаб Киргизистонликман) шунга илож йук.Журналист болани бармок излари хакида бир оз уйлаб исбот билан ёзишга маслахат берардим.Аллох муборак китоби булмиш Куръонни киёмат сурасини 3-4 оятларида мархамат килиб айтади,"3)Инсон Бизни унинг(чириб,тупрокка айланиб кетган)суякларини харгиз туплай олмас,деб гумон килурми?.4)Йук,Биз унинг бармок изларини (хам) тиклаб жойига келтиришга кодир булган зотдирмиз." 
  Бу ерда акцент айнан бармок изларига каратилгани бежиз эмас,Аллох хар бир бандасини узгача холда мукаммал килиб яратди,яни бармок изларини бир-бирига ухшатиб куймади бу исломий илм исботи.Барчага Аллохнинг рахмати булсин Ассаламу алейкум!!!

13 bek88   (17-Ноя-2014 21:31)
omad

14 IBRATCHIK   (17-Ноя-2014 22:33)
Jama va Boshqa bola nikidagi yozilgan kommentlaga qushilaman.Tomog'i o'g'risa qo'shuchi konsert qoldruvrsa nima bo'ladi?bazi akterla otam onam olamdan utgan kuniyam saxnaga chiqib ro'l o'ynagaman dib etishadi ,a bunaqa pochti san'atkorla ovozi bo'gilib konsert qoldirilib halqqa murojat qimidmi?yoki e'lon bo'ganmidi qoldirilganligi to'g'risida?konsert qoldirilishiga bowqa sabablayam bo'gandir....

15 Jama   (18-Ноя-2014 01:59)
hoz bu xa ögrladm, owa awladan oldm dsa, bu haqdagi piar yöqoladide, piarni uwap turwchun tan omyapti. Sekn bu sohani tawasayam bölardi, buni yöli bowqa, biznesmi qgani yaxwro, picoqa ilinadgan joyi yo na ovoz na sanat.

16 Bir bola   (18-Ноя-2014 02:06)
Bekhzod, hozirgi internet asrida manba surayotganizni uzikulgili, bilasmi? Bu birovni kamchiligini topish emas, tanqiddir. Biz uzbeklarda tanqid qilsa, darrov kamchilik deb yoqasidan olamiz. Oddiy bir misol, nima uchun biopassportga utilyapti, chunki barmiq izlari har bir odam uchn uziga xos... Ozgina uylash kerak, fikrlash kerak, yoki hech bulmasa Qur'onni uqish kerak. .sytgancha, Qur'onni uzi eng xolis manbaku....

17 mr_stranger   (18-Ноя-2014 03:44)
Haqiqiy muxlislar o'lmas qo'shiqlarni eslaridan chiqarishmaydi, uni har ohanga solib kuylasangiz ham asl aslligicha qolaveradi.
“Мана бу қўшиқни
Сиз мана бундай қилиб
айтгансиз” деб исботласа
кўнглим хотиржам бўларди..." deb 100% ishonch bilan aytaolganizga qoyilman, axir siz 6 yoshingizga4a mashxur hofizimiz taronalarini tinglagansiz, naxotki sezish shunchalar qiyin bo'lsa. Keyingi safar "Yodingdamu" qo'shig'izni 11 yoki 18 marotaba aytib ovora bo'mastan, shartta Sherali Jo'rayevning "BIR O'LKAKI" qo'shig'ini aytib beraqolin muxlislarizga, o'shanda adolatli bo'ladi. Mana sizga isbot>>> http://download.files.namba.kg/files/88825601

18 guli   (18-Ноя-2014 05:58)
dushanba kayfiyatni ko'tar yo'mi sardor aka? wink

19 Navruza   (18-Ноя-2014 14:48)
Masrur Usmonov o'z kuchi, mehnati bilan muxlislarini yig'a olgan sanatkor. Qo'shiqlarini eshitganda albatta nimalarnidur o'ylashga majbur qiladi. Odamlarga xam xayron qolamande. Nima yetmidi ularga, sho'x kuylashsa milliychilikdan chiqib ketibdi deyishsa. Agar sokin taronalar kuylansa qaysidur ustozlarni qo'shiqlaridan o'g'irlangan deya tuxmatlani yog'dirishadi. Ushbu maqolani o'qivotganimda bitta gap e'tiborimni tortdi "ҳатто ер юзида инсон бармоқ излари ҳам ягона эмас". Bir insonda uchragan barmoq izi qaytib xech kimda takrorlanmaydi. Shu sababli bu o'xshatish noo'rin. Masrur Usmonovning muxlislari esa bu tuxmatlarni o'zlariga bir sinovdek qabul qilishlarini so'rardim. Shuncha gaplardan keyin kimga ishonish kerakligini o'zlari xal qilishadi.

20 Jama   (18-Ноя-2014 18:01)
muxlisa manga orgatwiz wartmas, man kansirvatoryani bitirgamman, aqllilik qmen. Sz etkan narsani etwi mumkn kaka qb etadide faqat, owanchun fanagrama etkani yaxwi, Masrurni oziyam oqisa maqsadga muvofiq boladi. Azizam dgan awlani ruschasni ewtudm, uni avtori km o'zi. Ustozi ashulasidan shu darajaga erishib, yana erkakdi iwni qmapti bu bola, sanatkorga tow otiladi dpti kmdr, sanatkorga otilmidi, bularga otiladi

21 Dilshod   (19-Ноя-2014 11:57)
Yodingdami qo'shigi Sherali Jo'raev qo'shig'idan olinganligi shu saytda audio isboti bilan qo'yilgan edi bir paytlar. Odam tan olishni bilish kerak, erkak bo'lish kerak! Bu bilan hich obro'ai kamayib qomasdi.

Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [460]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1012]
Muhlis Minbari [214]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [66]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [582]
Tabriklar [168]
Taqdimot [46]
Hayriya| Akciya | Tadbir [238]
Turk shou-biz [16]
TV | Teatr, Kino.uz [121]
Yangiliklar [767]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 34
Мехмонлар: 34
Рўйхатдагилардан: 0