Салом Сардор ака, саййод мухлислари. Жуда бир катта муаммо эмасу лекин фикр билдирасизлар деб ўйладим.

Нима десам экан хуллас оилада 8 фарзандмиз. Битта акам бор 7  қизмиз. Каттамиз ўғил. Онам яна ўғил кўришни холаган бўлса керак. Отам ишларди онам уй бекаси. Етишмовчиликда катта бўлдим. Қийинчиликларда ўсдик. Инглиз тилини жуда яхши кўрардим. Репетиторга қатнатишга уйда пул йўқ эди,  ўшанда 5-синф эдим.

Битта маошга яшардик шунчамиз. Онам сотувчилик билан шуғуллана бошлади. Гуруч ун бошқа шахардан олиб келиб бозорга олиб чиқарди. Ойимга жуда инглиз тилини ўргангим келади десам ўқитувчингга айтиб кўр пулига хисоблаб гуруч олиб келиб бераман деди. Ўқитувчим фақат бир ойга деди кейингисига пул олиб келасан деди. Бир ой қатнадим. Ойим пул беролмиман қўй шуни деди. Тушунаман айбламайман. Лекин ўксиндим қатнаган дугоналарими дафтарларин кўчириб ўргандим улар қизғанмасди.

Унақа мисоллар кўп эди. Дадамни маоши кечикса оч ухлардик. Ойимни савдоси бир бўлса бир бўлмасди роса қийинчиликларда яшаганмиз. Чиройли кийиниб юрмасдим лекин мениям яхши кўрганлар бўлди. Ойим хам дадам хам етишмовчиликдан асабий эди. Энди тушунаман хаммасин. Ўшанда ойимга қаттиқ хам гапирганман нега туққансиз боқолмасангиз обермасангиз хохлаган нарсамизни деб. Ич ичимдан ўзимга сўз берардим яхши пул топиш учун яхши ўқийман ишлайман ва кўп фарзандли бўлмайман деб. Қаранг,  8-синф қизман шуни ўйлаганимда.

Яхши ўқидим мода қувмадим енгилтаклик қилмадим. Бой йигитларга қизиқмадим. Ишлаб пул топиб ўргандим. Уйдан пул сўрамадим. Магистратурани хам битирдим ўз кучим билан. Лекин инглиз тилини яхши ўрганолмадим олдимдан кўп чиқди. Яхши жойга ишга кирдим,  оилали бўлдим. 1-фарзандимни туққандан сўнг озгина пулдан қийналдик. Эримни маошига катта оила қараб турарди. Алохида чиқдик. Лекин ўғлим 5 ёшга етгунча бошқа фарзанд туғишни хохламадим. Уни яхши кийинтирдим едирдим , яхши хусусий боғчага жойлаштирдим. Рус инглиз тилларини математикани ва мусиқа спорт хаммасига обордим. Ўғлим хам иқтидорли.

Ойим хар уйга борганимда нега туғмайсан, ёшсан дерди. Опа- сингилларимнинг, акамнинг фарзандлари кўп эди. Лекин мен қўрқардим. Иккинчи фарзандимга хомиладор бўлганимни  билмай қолдим. Олдириб ташлайман деганман. Эрим жинни бўлай деди. Қайнонамни хам эшитгим келмас. Ойим эшитиб олдирма болам  фарзанд керак деди. Ичимда алам бор эди. Эрим қарши турди. Яхши қарайман бу бола керак дегандан сўнг туғишга қарор килдим. Хозир у хам 5  ёш. Эрим айтиб чарчади ахир ўзинг биласан деди.

Бошқа фарзанд кўргим келмайди. Дугоналарим қиз туғиб ол энди деса юрагим зириллайди негадир. Болаларни ёмон кўрмайман. Ўғилларими яхши кўраман жонимдан, хамма гапларини эшитаман, қизиқишларини тушунаман, талтайтириб хам қўймадим. Зориқмай ўсяпти. Баъзида ўйлайман ойимлар хам шундай яшаса бўлардику. Болалигимни эслагим келмайди. Онам яна туғиб ол  дегани деган. Ойи қандоқ таъминлайман десам ўзлари катта бўлади дейди. Насибасини Худо етказади дейди. Кўнглим оғрийди шу гапдан. Қизли бўлишни хохлайман лекин яхши яшашга шароит яратиб беролмасам қийналиб яшаса менга ўхшаб деб қўрқаман. Ношукур эмасман ўйламанг. Шунчаки кўп орзуим армон бўлиб  қолиб кетган. Йиғлаган куним кўп  бўлган. Болаларим иккита бўлса хам йиғламай, ўксинмай орзуларига етиб баркамол ўсса дейман. Болалигин менга ўхшаб эслагиси келмай яшамасин дейман. Хечкимни айбламоқчи эмасман. Мен онамни хам дадамни хам жуда яхши кўраман улардан қарздорман бир умр. 

Д.

Sayyod: -Таваккал қилмаганни аромони ортади. Шунча орзуларингиз армон бўлибдию шунда хам хулоса қилмабсиз. Армонлар сафига қиз кўрмадим дегани хам кирсинми? Фарзанд Худо неъмати. Имконингиз бўлса Худо берса хурсанд бўлинг. Одамлар тирноққа зор. Болани насибаси ўзи билан келади. Икки фарзандни эплаётган учинчисини хам эплайсиз. Ношукр бўлманг, болаликдаги қийинчиликлар сабаб фарзандларингизни келажагини бут қиляпсиз, ўша қийинчиликлар тоблагани учун хам ўзингизда бўлмаганини фарзандингизга мухайё қиляпсиз. Шунча қийинчилик эвазига қаранг, Худо фарзанддан қисмабди! Уларни ризқини шундай бут қилиб берибдики сизнинг армонларингиз уларда йўқ. Қани шукрона? Ахир оилалик бўлган одамни ташвиши ўтмишидаги армони билан эмас, ўша армонларни фарзандлари орзусини рўёбга чиқариш билан алиштирмоқ бахти биланку! Худбин бўлманг, ўтмиш ўтди, келажак фарзандлар учун!

Одамлар изохда нима дейди, кузатамиз.

Эслатиб ўтамиз, хар якшанба мухлислар куни бўлиб, ўз муаммо ёки кўнгил кечинмалари билан бўлишиб, кенг омма билан хал қилишга имкониятингиз бор.       

sayyod@gmail.com почтасига   воқеа ёки муаммоингизни ёзиб юборишингиз ёки   +99894 695-21-21 рақамига қўнғироқ қилишингиз мумкин ёки шу номерга sms хамда телеграмдан воқеангизни юборишингиз мумкин.    

 Бунда сизни телефон рақамингиз кўринмаcлиги ва сизни воқеангиз аноним тарзда чоп этилишига кафолат!

Диққат! Сайтга чоп этилиб бўлинган мактуб кейин талабга биноан олиб ташланилмайди!

Воқеангиз сайт орқали кенг оммага чиқиши ва халқдан турли маслахатлар бўлишини билиб туриб жўнатдингизми, ўзингиз кутмаган ва ёқтирмаган маслахатни олиб кейин олиб ташланг дейиш мантиқсиз!