Bir boshdan gapiradigan bo`lsam, 7 yil oldin bizdan baxtli oila yo`g`idi. Oilada 4 farzandmiz. 2 ta akam men va singlim. Onam mehribon onajonim borlar. Afsus dadam 3 yil oldin vafot etib kettilar. Sababi esa………... Katta akam Xudoni irodasi bilan nogiron tug`ilganlar. Yoshlari 34 da. Hali uylanmagan. Nogiron bo`lsayam institutga 1chi yilning o`zidayoq o`z kuchi bilan byudjetga kirib ketgan. Chunki dadam rahmatli o`qimishli inson edilar. 2 chi akam esa… soppa sog 5 yil topshiribam o`qishga kirolmadi. Sababi judayam dangasa edi. Oson pul topish ilinjida ish qilaman deb juda katta pulga tushib qoldi. Bu judayam katta pul edi. Har kuni uyga har xil odamlar kelib qarzlarini so`rab domni boshlariga ko`tarib to`polon qilib ketishardi. Dadam bechora qo`rqib qolardilar ularni vajohatidan. Akam dadamni krayni qilib o`zi boshqa shaharda yallo qilib yurardi. Buyam yetmagandek ota onamning ruxsatisiz oq fotihalarini olmasdan bir ayol bilan  yashashardi… Dadam katta akamga deb olgan uyni, yashab turgan uyimizni mashinamizni sotib akamni qarzlarini to`ladilar. O`zimiz usha pullardan orttirib juda bir eski hovlini sotib oldik. Noshukurlik qimiymiz harholda makonimiz bor. Usha voqealardan keyin dadam 2 marta infarkt bo`ldilar. Sababi dadam judayam oqko`ngil  insonidilar. Qarindoshlar kelib, dadamga o`g`lingni o`zi to`lasin qarzini deb qo`yishmasdi. Lekin dadam akamni juda yaxshi ko`rardi. 

Akam bu orada o`sha xotini bilan ajrashib ketti. Undan o`g`li boridi.  Ishonasizmi alimentiyu pampersigacha dadam to`lardi. Hozir usha bola 6ga kiribdi. Usha xotini bilan 1 yilam yashamadi. Qaytib kelib biz bilan yashadi. Ishonasizmi dadam bechora har kuni urishardi ish top deb. Erkakmisan menga yordam berasanmi  yuqmi deb baqirardilar har kun akamga gap kor qilmasdi. Tushgacha sasib uxlardi. 

katta akam nogiron holida pul topib kelardi. Katta akamga dadam indamasdilar chunki u "detskiy paralich” bilan tug`ilgan. Buni nimaligini bilsangiz kerak. Qarzimiz juda kopligi uchun uniyam vaqtida uylantirolmadik.

 Dadam 2011 yil 56 yoshlarida to`satdan o`tib qoldilar. Doktorlar yurakdagi tomirlar yorilib ketishi oqibatida deb aytishdi. Dadam oxirgi paytlar ichkilikka mukkasidan ketgandilar. Dadam o`lganigacha usha akamni boqdi. dadam o`lganlarida akam 29 (!) yoshda edi. Dadamdan 2 oydan keyin universitetni bitirdim. Diplom olgan kunim rosa yig`ladim. univerni bitiriboq ishga kirdim. 

Ishonasizmi dadamdan keyin meni oyligimga yashadik. Akam bn kop urishardim sen ham ishla deb. Xullas baribir ishlamadi. 

Yana bir qiz bilan tanishdi. U akamga pul berib turarkan. Xullas akam alfonsga aylandi. 1 yil oldin usha qiz bilan bir ish boshladi. Ishniyam qarz hisobiga boshlashdi. Yozda usha qizga uylandi. To`y ham qarz bn o`tdi. Men xafa bo`lgan joyim katta akamni uylantiris kerak edi birinchi. U xudbin o`zi uylandi. Katta akam becharo og`iz ochib gapirolmaydiyam. Ayam ham men ham singlim ham kichik akamdan qo`rqardik. Dadam o`tganlaridan keyin quturib ketgandi. Ayamga ham baqiraveradi. To`yi iyunda bo`lgan bo`lsa, sentabr oxirida ular biz bila urishib kvartiraga chiqib ketishdi. 

Usha kungi urishni to`g`risini aytaman men boshladim. Er xotin oshxonada televizor ko`rib utirishganakan togrirogi xotini oyogini uzatib yotgandi. Ahamiyat bermasdan o`tib kettim erini oldida yotsa nima qipti deb. Lekin keyinroq katta akam ham borib televizor koraman deb usha xonaga kirib utirdi. Ishonasizmi hali 4 oylik kelinchak katta akamni ko`rib o`rnidan turmadi. To`grirogi nogiron akamni mensimadi. Yanga turib utiring desam bezrayib boshim ogriyabdi deydi. Miyamga qon guppilab urildi. Akam xotini oldida muttahham miq etolmiydi xotiniga. 4 oy ichida qanchadan qancha janjallar bulmadi deysiz. Judayam beforasatakan. Ayam akamga, sen aralashmasang o`zim tarbiyalab olaman degandilar. Lekin xotin ayamni har bir gapini akamga chaqtirardi. Ayamga baqirardi akam keliningizga nima dedingiz deb. 4 oy yashagan bo`lsa usha kelin 5 yoki 6 marta ovqat qilgan. Singlim hamma ishni o`zi qilardi. Ayam keliniga aytib ham qildirolmasdi ishini. Chunki akam mensimagan onani kelin mensirmidi. Yana yangam bizga nima deydi.. akangizga doim ayataman onangizga meni oldimda baqirmang deb deydi.. Akam xo`p derkan.

Dadamni o`ldirdi akam,  ayamni o`ldirishiga yo`l qo`ymaslik uchun ularga qarshi  chiqa boshladim. Baqirma ayamga derdim . keyin men bilan urishib ketardi. Xullas hozir bir ozim 4 kishi uchun ishlayabman. Ro`zg`ordan orttirib singlimni repetitorga berganman. Akamni hech qachon kechirolmasam kerak. Chiqib ketayotgan kuni ayamga hammangdan kechdim deb ketibdi. Pichoq borib suyakka qadalgani uchun ayam ham bu uyga qaytib qadamingni bosma dedilar. 

Hozirgi uyimizni ham akamda qarzi borlar topib kelishgan. Eshik taqillasa yurak hovuchlab turamiz. Hatto bittasiga akam uyni dokumentini beraman zalokka deganakan. Uyni dokumentlarini so`rab kebdi. Bermadik.  Boshim qotgan. 

Birgina orzuim katta akamni uylantirish, unga munosib ish topish. O`zimni o`ylashga vaqt ham hohish ham yo`q. har kuni uyda sovchi, hatto o`zimdan kichik yigitlardan ham so`rab kelishadi. Shu kichik akamni deb oilamiz parokanda bo`b ketti. Hozir ishimni tashlab katta akamni olib Rossiyaga ishga ketsammikin deb turibman. Baribir bu yerda akamga mos ish topilishi qiyin. Hayotimizni boshqattan boshlamoqchimiz.  Singlim ham hayotdan bezgan. Opa ketaylik bu yerdan butunlay deydi. Shu kichik akamni hech qachon ko`rmasam deydi uyam. Nima qilishgayam hayronman.  

Raxmatli dadam kundalik yozardilar. Bechora dadam bor dardini daftarga aytgnakanla. 3 ta katta kanselyariski daftar yana bitta kichik daftarni to`ldirib yozib ketibdilar. Daftarni  orqasida kimdan qancha qarzi borliginiyam yozib ketganlar. Dadam akamni qarzlarini uzaman deb juda ko`pchilikdan qarz olganakanlar. Dadamni bizning shaharda hamma hurmat qilardi. Ishonasizmi utganlaridan keyin 1 tayam odam dadamning qarzlarini so`rab kelmagan. Biz kimdan qancha qarzi borligini yaqinda daftarlarining orqasiga yozib ketganlaridan bildik. 

Dadam oldindan bilganakanlar uzoq yashamasliklarini. Xudo xoxlasa nasib qilsa kimdan qarz olgan bo`lsalar hammasini qaytaraman. Lekin kichik akamni kechirolmasam kerak. Dadam nevrit bo`lib og`zi qyshayib sal narsaga yig`lab yuboradigan kasalga chalinganlarida ham dadamga rahm qilmadi akam. Bularni ko`rish judayam og`iridi.  2 kursligimda dada o`qiwni tashlayman, ishlayman deganimda. Dadam hayajonlanib  judayam qattiq, o`ksib o`ksib  yig`lagandilar. Qo`rqib ketgandim o`shanda……

Kelin bo`lsam dadamdan oq fotiha ololmasligimni o`ylasam……. Mana shu bizning hayotimiz.