Алишер Файзнинг 6 кунлик концерт дастури 19-майдан 24-май кунигача давом этди. Алишерни устози  Озодбек Назарбеков уни сахнага  етаклаб чиққанига роппа-роса 10 йил бўлганини Алишер бу йилги дастурида айтар экан, хали 90 йилдан кейин хам шу сахнада қўшиқларини куйлаш орзуси борлигини билдиради. 

Мазкур  репортажимизда атиги 24 минутлик видеода концертни хис қилдиришга сабаб бўлгувчи дастурдан видеолавхалар кетма-кетлиги хам тақдим этилади. 

Бошловчилик  қизиқчи Ботирхўжа  Имомхўжаев   зиммасига бўлди. 

Бу йилги дастурда доимгидек қизиқ мавзулар борасида қўшиқлар куйланди.  "Гилос"дан тортиб "Тожмахалга олиб бораман" ваъдасию ва "Елкамга мин,  зиёратга кетдик она"  деган  қўшиқлар хам. Менга "Кечир" қўшиғи ёқди.  Сўнгги пайтлар урфга айланганидек устозлар ижодига назар Алишерни хам четлаб ўтмади ва  у Комилжон Отаниёзовнинг қўшиғидан куйлади. 

Алишер дастур давомида унинг қўли доим кўксида бўлиш сирини хам очади: Қўлимни кўксимга қўйиб юрагим уряптими йўқми шуни текшириб кўраман,   чунки бу хаммаси тушга ўхшайди, уйғониб кетишни хохламайман!

Танаффусда Ботирхўжа Имомхўжаев ва Маъмуржон Холмедовларнинг томошабинлардан уйланмаган йигитларни бири билан ихтиёрий равишдаги импровиз "Совчи" сахна кўриниши  томошабинларни кулгудан бир неча маротаба портлатди)  Биринчи кунгисида Маъмуржонни парики тушиб кетди хам)

Дастурдан видеолавхаларда бу сахна кўриниши хам мавжуд. 

Мухлислар хонандага дўппи кийгизиб  анъанага айланган чопонни хам кийдиришди. Хуллас концерт қоидаси хаммаси ўрнида. Фақатгина шу дастур тўлиқ  жонли ижро бўлмагани  ва сўнгги пайтдаги урфга айланган дуэт бўлмаганини айтмаса хаммаси жойида.  Сахнага чиққанига  10 йил бўлганини хисобга олса жонли ижродаги концертига менимча узоқ вақт қолмади...лекин бу борада  агар устози изидан кетиши бўлса унда...билмадим)

Алишер Файзнинг шундай табассум сохиби бўлмаганида унинг шу дастурдаги айтган оптимистик фикри ярашмаган бўлармиди:- Бир орзу, тилак уйғондики... Бир 90 йил ўтсада, хамма шу ўтирган жойида  ўтирса , 100 йил олдин бир қўшиқ айтиб бергандим деб айтиб бериш насиб қилсин илойим. 

Танаффусларидан яна бирини унинг шогирди Ёқуб Ахмедов ўз  қўшиғи билан тўлдирди. 

Алишернинг (фотографларимиз объективлари илғаган) юлдузли мехмонларидан  илк куни "Хўжа" гурухи солисти Иззат  Ибрагимов ўз оиласи билан ва Достон Убайдуллаевлар бўлди. 

Иккинчи куни Зиёда... 

Сўнгги куни Дилноза Кубаева, Халима Ибрагимова, устози  Озодбек Назарбеков, 

Муниса Ризаева ва Гулсанам Мамазоитовалар хам бўлишдию, бироқ дастурни кузатмай, Алишерни табриклаб кетишди. 

Ютубда томоша

Майтуб тасксда томоша

Волидаси билан 

Суратлар муаллифлари: Абдурахмон Садиков ва Баходир Матёқубов. Видео: Шахло Қодирова.