Dunyolarga sig'mayman. Sevib turmush qurganmiz. Erimni juda sevaman, og'ir bosiq, kamgap, judayam mehribon inson. Bir-birimizga ishonardik.

Turmushimizga 5 yil deganda kutilmagan voqeadan o'zimga kelolmadim. Kompyuterda ishlarim bor edi. Erim  kompyuterda utirgan ekan. Bir pasga berib turing desam mayli dedi. Ishlarimni bitirib pochtamni tekchirmoqchi bulsam erimni pochtasi yoqig' ekan. Tekshirish odatim yo'q  edi lekin qiziqishim ustun kelib kelgan xatlarni qarasam hammasi ish yuzasidan ekan.

 Bir payt  arxiv agent@mail.ru ga kirsam judayam ko'p  qizlarni ismi turibdi. Sekin bittasiga kirsam 5 oy oldin yozishgan ekan, jonim sensiz yasholmayman, xafa buma yuragim seniki shunaqa gaplar. Qaltirab ko'zimga yosh keldi, qancha o'zimni bosmay qo'limdan kemasdi. Chidolmadim erimga bu nima desam nega tekshirasan deb jahli chiqdi.

5 oy davomida yozishib yurgan, boshqalari ham shunga uxshash. Erim agentta bulaveradi, hech birini ko'rmaganman dedi.  Hech ishonolmayman. Eshitardim shuni deb oylalar buzilganini, baxti ochilganlarni lekin buni hech hayolimga keltirib ko'rmabman. Boshqa inson bilan yashayotganday bo'p qoldim.

Janjallashib qoldik ota-onamnikiga 2 kunga kettim lekin hechkimga aytmadim. Ichimga chiroq yoqsa yorimaydi, jinni bulayozdim 5 yil yashab qanaqaligini bilib bumaskan insonni. Kechirim so'radi hammasini o'chirdi, agentni ham. 

Erimni judayam sevaman, o'zimga qarab yuraman, ishlayman, farzandimiz ham bor. Hayronman juda yaxshi yashardik, urushmasdik, pulga ham zoriqmasdik.

Nega degan savol qiynaydi hayolimdan ketmaydi hech. Ruhim sindi erimga ishonchim yuqoldi.
Uydan qochib ketgim kelib turadi.
Nima qilay?

Дилдора (исми ўзгартирилган)

---

Sayyod: Шахсий фикримни айтсам... Хеч нарса қилманг. Инсон айбни аввал ўзидан изламоғи керак. Эрингиз интернетдан мухаббатни излашгача тушибдими, демак сиз керакли диққатни бермаяпсиз. Ўша гапим: аксарият қизлар турмушга чиққач, "ўзини қўйворади" ва оддий бир зерикарли тусга киради. Эркак аввалги ўзига қараб юрадиган қизни кўрмай боради. Инсон зоти ва аниқса биз эркаклар овчимиз, бизни хамиша диққат марказида ушлаш керак.))

Бошқа тарафдан бу шунчаки интернет, шунчаки виртуал равишда қандайдир бир эрмакдек қабул қилганингиз маъқул. Так будет легче жить дальше вам обоим ! Оила муқаддас, шуни эрингиз тушуниб бориб оилани сақлаяптику, агар у интернет охвохлари керак бўлганида қайтанига дўпписини осмонга отиб, бориб у қиз билан муносабат қурарди. Хаммада хато ўтади, асосийси тушуниб етибди, йиғиштирибдику.
Инсон кечиримли бўлиши керак, зеро Оллох кечиргувчи, бандасига ким қўйибди кечирмасликни? Инсон ўша хато ва гунохи билан инсон, тушуниш хам керак.
Асосийси ўша нарсани қайтармаслик учун уни хис этиб яшанг. Эрингизга диққатлироқ бўлганингизда хис қилиб яшаган бўлардингиз, демакки шу интернетга куни қолмасди.
Яна билмасам. Асосийси мен оила тарафдориман!
Муносабатларда хамиша курашиш керак, оила эса муқаддас, демакки унинг синовлари ва муаммолари хам қанчалик қийин  бўлмасин, шунчалик сабр ва бардошлик ва айниқса уни сақлашга саъйи харакат хам шунчалик кучли бўлмоғи керак.
Қолган гап мухлислардан.

---

Эслатиб ўтамиз, хар якшанба мухлислар куни бўлиб, ўз муаммо ёки кўнгил кечинмалари билан бўлишиб, кенг омма билан хал қилишга имкониятингиз бор.  kamilovsardor@gmail.com почтасига иложи бўлса кирилл харфларида воқеа ёки муаммоингизни ёзиб юборишингиз ёки (+99890) 321-23-41 рақамига қўнғироқ қилишингиз мумкин.