Бош сахифа » 2010 » Ноябрь » 14 » 3 кунлик аншлаг концерт тугади. Лола сахнада йиқилди...
07:17
3 кунлик аншлаг концерт тугади. Лола сахнада йиқилди...


"ХОНАНДА ЛОЛАНИНГ КОНЦЕРТИДАН + САҲНА ОРТИ БАТАФСИЛ РЕПОРТАЖ”

(Сахнадаги дастурдан суратлар бу ерда)

  Сарой ичида Лоланинг турли суратлари баннер қилиб осилган бўлиб одамлар унинг ёнида суратга тушишарди.

                      1-кун

                           11.11.2010

 

Саҳна ортига кириб борганимизда,  тайёргарлик жараёни жуда қизғин кечаётган эди. 

  Лола ҳар бир ишни ўзи диққат билан текшириб, атрофдагиларга керакли топшириқларни берарди. Бунда мухим рольни Тарона студияси директори, хар нарсада бош-қош Даврон Муқимов хам бажариб турди.

 

Лола жуда ҳам ҳаяжонда, гоҳ ёш актёрларга саҳнадаги ҳатти-ҳаракатларини тушунтириб берар, гоҳ баъзи нарсаларни атрофдаги яқинлари билан тортишиб, ўз фикрини билдирарди.

У ҳатто гримхонасидан гитара олиб чиқиб, уни чалишни ҳам машқ қилиб олди.

 

Лола (илк кунда сахнага чиқишдан аввал): - (жилмайиб) Жуда ҳам ҳаяжондаман. Чунки бу узоқ кутилган концерт. Мен бу кунни жуда узоқ кутдим. Биз бу кунга жуда ҳам диққат билан тайёргарлик кўрдик. Ҳаммаси яхши ўтади деб ўйлайман. Зални, мухлисларни қўллаб-қувватлашларига умид қиляпман. Мени ҳозир ҳис қилаётган кучли ҳаяжонимни, фақатгина мухлисларимнинг менга ҳадя қилишадиган илиқ меҳри, муҳаббати ўчира олади. Мен жуда ҳам бунга умид қиламан ва концерт ҳаммага ёқишини ҳоҳлайман. Концерт билан "бу оламда севги ҳукмронлик қилиши”ни айтмоқчиман.

           

Концерт бадиий раҳбари шоира, бастакор ва хонанда Шаҳноз ҳам жуда банд. Бугун Шаҳноз учун ҳам масъулиятли кун. Ахир у хонанда Лоланинг кўплаб қўшиқлари муаллифи, ҳамда бугунги концерт масъулияти, унинг ҳам зиммасида.

 

Шаҳноз (шоира, бастакор, хонанда): - Ҳаммамиз учун севимли бўлган Лолани бугун концерти. Хонанда саҳнани соғинган, мухлислар ҳам соғинишган. Ҳозир биз учун жуда ҳам  масъулиятли пайт. Ўйлайман-ки, ҳаммаси яхши ўтади. (жилмайиб) Ҳаммамиз, бир оила бўлиб ҳаракат қиляпмиз. Концертда кўплаб рақслар бор, янги рақс гуруҳлари, янги шоу балетлар бор. Масалан, профессионал даражадаги рақс устаси Қодир Мўминовни "Ўзбекистон” гуруҳи қизлари қатнашишади. Овоз режиссёри ва чироқлар Игорь Иосис, саҳна рассоми Сергей Чернов, либослар устаси Артём Дробыш, стилист Мадина, визажист Оля. Ҳаммаси профессионал даражада бўляпти.

Лолани ўзи ҳақида айтадиган бўлсам, (самимийлик билан) янги альбомини бошлади, янги қўшиқлари чиқади. Ўзи эса, ўша-ўша ҳаракатчан, яна ҳам масъулияти ошган, албатта тажриба ҳам ошган. Мухлислари ҳам уни қўллаб-қувватлашади деб ўйлайман.

 

            Концертни бошланиш вақти яқинлашиб, Лола кийим алмаштириш учун кириб кетди. Биз эса, концертдаги либослар устаси Артём Дробышни фикрларини билишга қизиқдик.

 

Артём Дробыш (либослар устаси): - Биз хонанда Лола билан 2-3 ҳафта олдин бирга ишлашни бошладик. Биринчи ишлагандаёқ бир-биримизни ишда нимани ҳоҳлаётганлигимизни тушундик ва бир тўхтамга келган ҳолда, қисқа вақт давомида, концерт учун либослар тайёрладик. Бизга ёрдамга, жуда ҳам кўплаб тикувчилар жалб қилинди. Лола жуда ҳам хотиржам, босиқ, яхши инсон. Уни ҳурмат қиламан. У билан биринчи марта бирга ишлашим бўлса ҳам, бирга ишлаш жараёнида қийинчиликлар бўлмади. 

          

             Саҳнада "Тарона рекордс” садолари янграб, парда кўтарилиб, чироқлар порлади. Саҳна ортидагилар ҳам қарсак чалиб, қийқириб юборишди.

          Таймер ишга тушиб, 00 сонлари келгач Лола билан боғлиқ видеолавхалар бўлди.

  Концертни Лола "Муҳаббатим” қўшиғи билан сахна тагидан катта лоладан чиқиб келиб бошлади.

(Сахнадаги дастурдан суратлар бу ерда)

 Саҳна ортида ҳамон ҳамма ўз иши билан банд. Ҳар бир қўшиққа рақс гуруҳлари навбатма-навбат чиқиб туришарди.

             Лола 4 хил либосда қўшиқлар куйлади.

             Хонанда Лоланинг болалар билан боғлиқ бўлган қўшиқларидан бирида, саҳнага кўплаб болалар ҳам таклиф қилинган бўлиб, улар саҳнага чиққанларида, ота-оналари саҳна ортида, ўзгача қувонч билан қўллаб-қувватлашди.

             Саҳна ортидаги энг ноқулай ҳолат, бу микрофонни ўчиб қолиши бўлди. Шунингдек, саҳна ортидагиларни айтишича, «Қолайми» қўшиғига харакатдаги декорацияда  ёзилган сўзлар "ёниши” керак экан. Лекин, репетиция даврида кўп ишлатилганлиги боис аккумулятори "ўтириб” қолган. Бу камчиликни концертни иккинчи кунида бартараф этилиши айтилди.

Диджей столида аслида ўтирган холда чиқиши керак бўлган Лола биринчи куни улгура олмади. (Сурат репетиция чоғида)

             Концерт ниҳоясига етгач ҳам, Лолани соғинган мухлислар Лолани бир муддат давомида олқишлаб, гуллар узатишдан тўхтамадилар. Ниҳоят, саҳна ортига қайтган Лола кийим алмаштириш учун гримхонага йўл олди. Унинг, концертнинг илк кунидан кейинги фикрлари билан қизиқдик.

 Лола   - (кулиб, ҳаяжонланиб) Жуда ҳам ҳаяжондаман, негаки концерт ҳозиргина ниҳоясига етди. Лекин, таъсуротларим жуда ҳам ижобий. Чунки, мен ҳозир мухлисларимнинг илиқ меҳру муҳаббатларидан қувват олдим. Бу кунни, бу концертни жуда узоқ кутгандим. 5 йил танаффус давомида мухлисларимни жуда ҳам соғинган эдим. Шунинг учун ҳозирги таъсуротларим, туйғуларим тушунтириб бериб бўлмайдиган ва таърифлаб бўлмас даражада. Катта бахт мени тўлдириб турибди. Ҳар бир қўшиғим, ҳар бир қўшиққа саҳналаштирилган номерлар ҳаммаси чин юракдан қилинган. Лекин, ўзим ҳаммаси 100 фоизли даражада ўтди деб ҳисоблай олмайман, негаки мен ўйлайман-ки, агар чиндан ҳам профессионал бўлсанг, янада яхши бўлишига интиласан ва сен учун ўз ишинг ҳеч қачон идеал бўлмайди. Ҳар доим ўзингни хатоларингни топиб, мукаммалликка интиласан. Мукаммалликни чегараси йўқ. Концертдан кўнглим тўлгани эса, биринчи навбатда, мени жуда ҳам илиқ кутиб олишгани учун ҳамма мухлисларимга раҳмат! Лекин, мен яна ҳам кўпроқ ҳаракат қилиб, мухлисларимни янада ҳайратлантираман ва қувонтираман. (кулиб) Албатта, жуда ҳам ҳаяжонландим, бироз қўрқдим ҳам. Лекин, мухлисларни қувватлашлари ёрдам берди.

 

Бу вақтда бир қанча мухлислар ва томошабинлар саҳна ортига ўтиб, хонанда Лола билан суратга тушишни кутиб турган эдилар.

 

Бу орада, концертга келган меҳмонлардан хонандалар Шаҳзода, Нилуфар Усмонова, Шаҳриёр ва Манзура ҳам саҳна ортига ўтдилар.

Саҳна ортига ўтишлари билан, саҳна ортида пайдо бўлиб қолган баъзи мухлислар, кутилмаганда хонанда Шаҳзода билан суратларга туша бошладилар. Шаҳзода эса бу ҳолатдан жилмайиб, мухлисларни талабларини қайтармаган ҳолда, улар билан анча вақт суратларга тушди.

 Шахзода: Лола жуда хам яхши тайёрлангани кўриниб турибди, хамма нарса профессионал даражада. Рақслар, декорация... Лола қаттиқ хаяжонланган бўлса-да, яхшигина харакат қилди.  Менга "Ромео ва Джульетта” сахна кўриниши манзур бўлди.

Манзура (хонанда): - Лолани ижодини жуда ҳам яхши кўраман. У мен учун жуда қадрли ва жуда ҳам ҳурмат қиламан. Яхши хонанда ва гўзал актриса. Уни ижросидаги фильмларни кўрганман. Уни бу концерти менга жуда ҳам манзур бўлди. Қизиқарли ва ҳаммаси уйғунлашган. Айниқса, костюмлар ва декорациялар бир-бирига монанд, унинг ҳатти-ҳаракатлари, рақслар ҳаммасига яхши тайёргарлик кўрилган. Қайтганига 3-4 ой бўлганига қарамасдан, шундай тайёргарлик, ўз мухлисларига эгалиги ҳамда, концерт ҳам ажойиб ўтганлигига қойил! Концертда ҳар бир номерга ўзига хос индивидуал ёндошилган. Менга ҳамма номерлар ёқди, жуда ҳам кўп яхши таъсуротлар олдим. Лолани ҳамма мухлисларига бу концерт жуда ҳам ёқди деб ўйлайман.

 

Манзура ўзгаргандек.


Шу тарзда хонанда Лоланинг 3 кунлик концертини, биринчи куни ниҳоясига етди. 

 


2 кун.

12.11.2010

 

2 кун деярли ўзгаришсиз, лекин биринчи кунга қараганда сахна орти сокин равишда ўтди.

"Қолайми” сўзларида икки харф ёнмай қолди. Лола бу куни сочларини жингалак қилиб пешонасини очиб олган кўринишда намоён бўлди.

Лола мухлислардан нафақат гуллар балки совғалар хам қабул қилди.

"Бунча бу опани хамма яхши кўрмаса?"

 Лола билан суратга туша олмаган бир қизалоқни овутиш қийин кечди.(сурат жуда таъсирчан)

Шу куни ТВМ хам репортаж уюштирди.




3 кун.

13.11.2010

3 кун хам диск ва плакатларни мухлислар сотиб ола бошлашди.



 

Мехмонлардан Рашид Холиқов ва Райхон ташриф буюришди.





Лоланинг  холаси Гульсина ва Лоланинг қизи Шахина

Лоланинг 3 кунги сочлари жип-жингалак))) ва бу сафар пешонасини очмаган.

"Ромео ва Джульетта” сахнасига уланиб кетган "Нега ачинмайсан” қўшиғига сахна кўринишида, йигит қиёфасидаги актер раққосалар билан сахнани тарк этишар экан, орқага қараб йиқилди. Лекин буни кўпчилик сезмаганининг боиси у айнан мусиқа садоларига тактига тушиб йиқилди, жуда омадли ва чиройлик йиқилиш)))

Миллий қўшиқ ва рақсида Лола бехосдан сирпаниб кетиб ёнбошлаб ўтириб қолди, лекин тезда туриб яна рақсга тушиб кетди. Бу холат жуда тез вақт оралиғида ўтканлиги боис сезилмади хам. Қандайдир жуда оз сонияларда ўтиб кетди.


 

Райхон фарзандлик бўлса жуда ярашар экан. Чин дилдан фикрим.


3 кун хам тугади лекин дуэтдошдан дарак бўлмади. Сирни  фош қиламиз, сирли дуэтдош Шохруххон бўлиши керак эди, афсуски дуэтни охиригача амалга ошира олишмади. Қайсидир бир вақтда Лолага тарона ёқмаган, янги таронани дуэт тарзида куйлаш учун эса вақт етмаган.

3 кундан бери суратга тушавериб чарчамаган концертдаги раққоса ва актерлар хеч хам Лола билан суратга тушишдан чарчамай шу 3 куни хам "Вай дот Лола билан суратга яна тушмасам армонда дунёдан ўтаман”  реалити шоусини давомлайверишди.


Концертдан сўнг "Ювиш” маросимида, 3та торт кесилиб болалар ва концертда хизмат қилганлар мехмон қилинди.

  Даврон Муқимов)))


 Лоланинг онаси Гулнора опа.





Шаҳноз (шоира, бастакор ва хонанда): - Бу гал Лола санъатга қайтгани учун ҳам, эски қўшиқларидан фойдаланилди. Лекин, декабрь ойида янги альбом чиқади. Ҳали номи номаълум бўлса ҳам, унда 11 та қўшиқ бўлиши аниқ. Улардан фақат 3 таси саҳнада айтилди. Энг янгиси "Сенга” деб аталган. Жасур Абдураҳмонов мусиқаси ва аранжеровкаси, сўзи "Беном” гуруҳиники.

Лолани мухлислари меҳр-муҳаббат билан қўллаб-қувватлашяпти. Энди бу ёғига Лола ҳам уларга муносиб бўлса. Мухлисларга барибир ишонаман. Улар ҳаққоний, барибир инсонни ҳатти-ҳаракатидан кўзидан, гап-сўзидан қанчалик ўзгарган-ўзгармаганлигини билиб олишади. Лекин, қўшиқлар ўзгарса керак, негаки, барибир дунёқараш ўзгарган, (жилмайиб, самимий) чунки Лола икки фарзандни онаси. Ўйлайман-ки, ҳаммаси жойида бўлади. Концертни Худога беҳисоб шукур, шундай чиройли ўтказиб олдик, бундай кейин ҳам худо ҳоҳласа шундай бўлсин. Бошқа санъаткорларга ҳам, шундай омадли концертлар тилаб қоламан. Энг муҳими, жамоа бўлиши керак экан. Ташкилотчилар, умуман ҳамма ўз ишини, ўз вазифасини билса, ҳамма иш тез битар экан. Бизда ҳар доим шундай. "Sayyod. сom” сайтига ҳам беҳисоб миннатдорчиликлар билдирамиз.

 


Лоладан ҳам концерт давомида туғилган бир неча саволларга жавоб тариқасида,  қисқача интервью олинди.

 

Саида: - Концертдан сўнг таъсуротларингиз? Концерт cиз кутган натижани бердими?

Лола: - (жилмайиб) Ҳа, концертдан кўнглим жуда ҳам тўлди, негаки концертга мени севимли мухлисларим келишди, мени ижодимни севадиган, кузатадиган ва мени кутишган, соғинишган мухлисларим. Зал 3 кун давомида томошабинларга, мухлисларга тўла бўлди. (самимий) Бу уларни менга бўлган меҳру муҳаббати исботи. Биринчи навбатда улар сабабли, мени умидларим амалга ошди. Биринчи навбатда мени қўллаб-қувватлаган ҳамма-ҳаммага каттадан-катта раҳмат! Мухлисларимга, шоу балетдаги раққос йигитларга, мен билан ишлаганларга, ҳамма иштирокчиларга миннатдорчилик билдираман. Уларсиз бу концерт бўлмаган бўларди.

 

Саида:-Концерт давомида сочингизни 3 хил (причёска) турмаклаттирдингиз. Бу режалаштирилганмиди?

Лола: - (кулиб) Ҳа, режалаштирилган эди. Чунки, ҳар бир кунга янги сюрприз. Мен ўзи ҳар доим, томошабинларга ва мухлисларимга сюрпризлар қилишни яхши кўраман.


Саида: - Саҳнада кутилмаганда йиқилиб тушдингиз?

Лола: - (бироз ҳазил билан) Менимча, шунчалик қонимда адреналин ошганидан бўлса керак, шундай кичик хатоликка йўл қўйдим. Лекин, бу мени чалғита олмади. Аксинча, янада жонлантирди ва кайфиятим ҳам янада кўтарилди.

 

Саида: - Кимларни совғалари кўпроқ ёдингизда қолди? Гулдасталардан-чи?

Лола: - (самимий) Гулдасталар жуда ҳам кўп бўлди. Совғалардан эса, менга концертни 2 кунида бир мухлисам совға қилган портрет сурат жуда ҳам ёқди. Исмини била олмадим. Мен ва қизчамни бирга чизилган сурати, чиройли рамкада.  (жилмайиб) Уни уйга олиб бориб қўйдим. Гулларни ҳаммаси ҳам жуда чиройли. (кулиб) Айниқса, ҳадя қилинган лолалар.

 

Саида: - Концертдан кейинги режаларингиз?

Лола: - (жилмайиб) Бу фақат бошланиши, катта йўлга старт дейишим мумкин. Узоқ ва муваффақиятли йўлга дея умид қиламан. Биз янги альбом ёзишни бошлаймиз, ишлаймиз, гастроллар бошланади. Ҳаммаси энди бошланаяпти, ҳали ҳамма ишлар олдинда.

 

Саида: - Сиз ўзингиз нима деб ўйлайсиз, кечаги Лола билан бугунги Лола ўртасида қандай фарқни сезяпсиз?

Лола: - Фарқ албатта, жуда катта. Негаки, орадан анча вақт ўтди. 5 йил! Охирги концертимдан сўнг, 5 йил ичида жуда кўп ўзгаришлар юз берди. (жилмайиб) Она бўлишга ҳам улгурдим. Ўйлайман-ки, бу ҳар бир аёл учун энг катта бахт! Айнан, шу ўзгаришлар ҳам улғайишга ва янада мулоҳазали бўлишга ундайди. Балки, шунинг учун ҳам ички дунё ва ҳаётий қарашлар ҳам ўзгаради.

 

Хонанда Лоланинг узоқ танаффусдан сўнг, кутилган 3 кунлик концерти ўз ниҳоясига етди. Концерт юқорида айтиб ўтилганидек, турли кутилмаган ҳолатларга, қувончлару гулдасталарга бой бўлди. Лола 3 кун давомида саҳнада мухлислари, томошабинлар учун бор маҳоратини намойиш этиб, қўшиқлар куйлади, рақсларга тушди. Ўзгача декорациялар, қўшиқларга саҳналаштирилган композициялар, рақслар барчаси ўзига хос бўлди. Албатта, баъзи кичик камчиликларни инобатга олмаган ҳолда. Ахир иш бор жойда камчилик ҳам бўлади дейишади.

Лекин, энг муҳими, меҳнат, ҳаракат, ижод ва ишонч!  Мухлислар ишончи  ва Лоланинг уларга бўлган ишончи!

Ўйлаймиз-ки, икки тараф ҳам кутилган ишончни оқлашди! Лола ижодга қайтганини исботлади! Эндиликда уни чинакам ижод йўли кутмоқда . . .





ВИДЕО! ЭРТАГА!

 

 

 


Феруза Фаттохова  Саида Вахобова

 

 Sayyod 


 

 
Бўлим: Yangiliklar | Кўрилган: 17370 | Чоп этди: Sayyod | Теглар: lola

Нравится
Барча изохлар: 35
1 Giyos   (14-Ноя-2010 00:32) [Материал]
Tezroooooooq!

2 shahlo   (14-Ноя-2010 00:37) [Материал]
besh kettim lolaga, yeqilib tushgan bo'sayam turib yana sakrab oynadi, o'zini yoqotib qo'ymadi. koncert zo'r bo'ldi, faqat yengi ashulalar deyarli bo'madi

3 Mda   (14-Ноя-2010 01:24) [Материал]
lollll

4 Лали   (14-Ноя-2010 08:14) [Материал]
Сайёд а сколько вам заплатили за репортаж?
Без обид и без задних мыслей просто репортаж отличный, подробно все и читабельный. Многие длинные репортажи скукотище читать, а ваши суперские, мне ваши цены за услуги интересны. Например, за работу на концерте Лолы сколько заплатили?

5 Farzona ♡♥♡♥♡♥ DK ♡♥♡♥♡♥   (14-Ноя-2010 10:17) [Материал]
Sayyod aka Manzurani ko'rib tanimabman yozib qo'yganizni ko'rib keyin tanidim. Lolani oansi Gulnora opa bo'sa SHahzoda keyingi oansi a to'rimi ? Ha etgancha Rayhonni rasmini qo'rqmasdan ovoribsizmi . Hayron qoldim.Lolaga kelsak tan berdim konsert shlyager zo'r manga yoqdi

6 Нодира   (14-Ноя-2010 10:46) [Материал]
Лолани онаси Гулнора опа чиройлик аёл экан, жуда ёш куринаркан, Лола онасига ухшаркан. Койил

7 Adham   (14-Ноя-2010 10:49) [Материал]
Sardor aka nima uchun pocham haqida yani lolani turmush o'rtog'i haqida hech qanday ma'lumotlar yuq? nohitki u konsertga tashrif buyurmagan bulsa???

8 bonita   (14-Ноя-2010 10:54) [Материал]
UJAS! Chto tvorit'sya s pevicami,otvetite mne pojaluysta! Pochemu oni takie ujasnie? Manzura takaya strashnaya stala,a Rayxon pomoemu zabila odet' s nizu,aj v kalgotkah prishla:-D,prosto Laja:-)

9 Madin   (14-Ноя-2010 11:33) [Материал]
Не видно муж Лолы? А где он? Сказали что он снова выйдет с цветами, чтобы поздравить Лолу!!!

Ммм да почему сняли в фото с низу ))? Что ничего одеть что ли, сказала бы я дала прокат свою юбку )) !!! Манзура вообще испугала меня, вы специально фотографировали ее так что? Она же была красивая?!!! Почему Шахзода вышла замуж за женатого и у него куча детей, вообще не понимаю, что в Узбекистане не нашлось жениха подходящее Шахзоде??!


10 1234   (14-Ноя-2010 12:22) [Материал]
lolani dadasi kim surati bormi bu yerda shahzodani turmush ortogi yani

11 x   (14-Ноя-2010 14:33) [Материал]
Manzura vapwe qo'rqin4ili bo'p qopti ko'rip qo'rqip kettim tavba. lekin kansert zo'r bo'ldi

12 PirastoY   (14-Ноя-2010 16:08) [Материал]
Reportaj juda zo'r!Sayyod jamoasiga kotta raxmat!

Manzura juda qo'rqinchli bo'b qobdi... =((


13 SAYYOD_I_LOVE_YOU   (14-Ноя-2010 18:11) [Материал]
RAYHON VA SHAHZODA YANA QORA KIYIMDA!NILUFARNI KONSERTIDA BIR HIL OQ KIYIMDA EDI.KELISHIB OLISHGANMI BU IKKI DUGONA))RAYHONNI KIYIMI
AYNIQSA ETIGI CHIROYLI EKAN))LEKIN MANZURA LABINI SHSHIRIVORIBDI STRASHNAYA))MASHA MALINOVSKAYAGA OHSHAB QOPTI

14 toxaclub   (14-Ноя-2010 18:27) [Материал]
lolaga faqat omad

15 armonli bola   (14-Ноя-2010 22:17) [Материал]
judayam xursandman

16 nilushka   (15-Ноя-2010 05:13) [Материал]
Rahmat zo'r tayorlapsila lekin Manzurani korinishi yahshidiku nima bop kepti qorqinchili bopqopti Rayhon bn Shahzoda hardoimgiday go'zal

17 hayronbek   (15-Ноя-2010 08:20) [Материал]
manzura kundan kun nimala bo'lib ketyapti,,ha undan keyin rayhon juda kalta yupka keyibdimi....

18 naima   (15-Ноя-2010 12:19) [Материал]
Здраствуйте! Лоле очень идут кудрявые волосы... А тот малыш, что у Райхон на руках чей? Не Лолен малыш...?

19 Sabina   (15-Ноя-2010 13:11) [Материал]
Rayhonni shirinliginii DA unga judayam yarasharkan! RAyhonni qolida kimmi qizi, Lolanikimi?

20 Zoyi   (15-Ноя-2010 15:04) [Материал]
вай, люди, что творится с губами певиц? Манзуру как будто пчелы в губы покусали, а Райхон пока только комары, но скоро пчелы и до нее доберутся :))))))

21 KrasavchiK   (15-Ноя-2010 18:13) [Материал]
Mana buni kansert desa bo'ladi, aniqrog'i bo'larkanu shunaqa haqiqiy kansert bersa !

Qoyil !!!


22 Лейла   (15-Ноя-2010 21:28) [Материал]
МАНЗУРА всех шокировала своими силиконовыми губами! Какой ужас! Кто одевает наших звезд! Имидж Манзуры кКОШМАР! Нилюфар Усмонове пора бы похудеть! Вообще не похожи на звезд!!! Лолины костюмы тоже не совсем стильные! Я В ШОКЕ!

23 Шахнози_нозик   (15-Ноя-2010 21:31) [Материал]
Лолани ойиси чакки эмас!

24 MS   (16-Ноя-2010 17:18) [Материал]
salom.Lolani konserti zo`r bo`ldi.

25 Наргиз   (17-Ноя-2010 02:27) [Материал]
Мать Лолы отличная женщина)) знаю не по наслышке. А где Шахрух (муж Лолы), где свекровь и свекр?

26 graf   (17-Ноя-2010 10:09) [Материал]
Lolani otasi ya'ni Zilola opani turmush o'rtolarini rasmlarini chiqaring!Iltmos
Ответ: Турибдику, суратларга яхшилаб қаранг ёзилганку Шахзода, ўғли, Лолани синглиси Асал ва Шахзоданинг турмуш ўртоғи дейилган.

27 dilya   (17-Ноя-2010 17:15) [Материал]
janob Sayyod lolani konsertini videosini kuymiyapsizku 3 kundan beri kutvoman, ertaga dib yozib kuygandiz!!!

28 Sitora   (18-Ноя-2010 22:22) [Материал]
L_O_L_A_G_A O_M_A_D! ! ! ! !

29 Kamella...   (19-Ноя-2010 23:14) [Материал]
gap yoq suratlardan bilinib turipti kansert chiqgani barakalla.

30 NIGI   (21-Ноя-2010 00:41) [Материал]
BITTA SAVOL KONSETGA BORGANLAGA LOLANI ERI KONSERTGA KELDIMI?

31 aslan   (21-Ноя-2010 14:14) [Материал]
manzura takaya *******a ya prosta shoke a rayxon poxoja na ***** u neyo shto netu bryuk

32 JALOL   (22-Ноя-2010 02:31) [Материал]
MAN KONSERTGA TUWDIM KANSERT JA UN4LI VADA QILINGANIDE ZOR BOMADI NO YAXWI YOMONAMAS. BUNDANAM YAXWI BOLADI DIB OYLOVDIM

33 Jasurkhan   (22-Ноя-2010 14:08) [Материал]
Man konsertga tushdim LoLa oldingidnam chiroylisiz. Xurmatli Sayyod.uz ning adminlari konsert disklari qachon sotuvga chiqadi?

34 Shahnoza   (02-Дек-2010 10:54) [Материал]
Manzurani chiroyligiga havas qilardim...bechara vopshe qo'rqinchli bo'pketipti,hammasi plasticheskiy operatsiyani asoratlari. rayhon kalgotkida ha ha ha...toba qildim. Bitta Nilufar i Shahzoda chiroyli. Nilufar oddiy, Shahzoda har doimgide juda maftunkor........ Lolayam o'zgaribti.Ijodiga 5+ .Rayhonam shundan o'rgansa bo'larmidi,ham ijod ham shahsiy hayotni...... Lekin Lolani eri ko'rinmadi,u haqida umuman etilmadi. Sayyod buni ham kutamiz sizdan

35 Yujin_X   (10-Мар-2011 18:05) [Материал]
namuncha buyoga hamma g'iybatchila yeg'ilganman. silani kommentilani o'qib jahlim chiqib ketti. hammani o'zini dunyo qarashi hammani o'zini ko'rinishi bor. silaga nima???? hamma chiroyli O"Zbegimga gap yo' hammaga OMAD tiliman. MAnzuragayam, Rayhonagayam, SHahzodagayam va Albatta Lolagayam:)

dth="100%" cellspacing="1" cellpadding="2" class="commTable">
Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

YUQORIGA!