Biza 3 oycha qiz qidirib yurdik, holam bitta qizni etib qoldilar, bir qarindoshimizning yosh qizlari bor ekan. Shu yilning kotta Hayit bayramida o’sha qizning uyiga mehmonga bordik, va manga u qizni ko’rsatishdi. Yosh, chiroyli, mehmonlarga chaqqon xizmatlarini qilib, qarashib yuribdi, maqtasa arzidigan lekin boshida ko’nglimga unchalik o’tirmadi. Uyga kelib o’yladim “otam olamdan o’tganlar, onam 67 yoshdalar, oilada 5ta farzandmiz, opam va akalarimni oila tashvishlari..., oyimlar ko’p qiynalganlar, eng kichkina akamlani hayotlari o’xshamagani sabab ularni yana uylantirish arafasidamiz, oyimlar qo’shaloq to’y qilib birato’la bo’ynimdigi yukdan qutuliy diganlar, bugun ko’rsatishgan qiz ham yaxshi, ancha obro’li, fayzli oilani farzandi, ham qarindoshimiz, ishonchli oila, 3 opa-singilning eng kichkinasi”...

Qiz bilan uchrashuvga chiqdim... gap so’zlarimiz birbiriga to’gri keldi...  Qarindoshligimiz uchun ularam bizani surishtirishmadi, bizayam ulani surishtirmadik, yana uchrashdik va to’yga rozi bo’ldik.

Bir kuni qiz manga bir aybim bor didi, “15 yoshimda agarotda opalarim bilan o’ynab yurib reshotkadan qochib o’tvotgan paytim yiqilib tushganman, o’rtamdan ko’p qon ketgan, adam, oyim, opalarim hamalisi voximada o’zlisi qonni toxtatishga xarakat qipketishdi, doxtirga oborishmagandi, oyim oborilik disala adam oborishdan andisha qiganlar shekili uyni o’zida jaroxatimmi tuzatishdi, ammo bitta kotta muammo qogandi, bokiraligimga ziyon yetganmi yo’qmi bilmimiz, vaqtida doktorga bormaganmiz, ushandan tashvishdaman” didi, va bu yig’lab gapirgan gaplarini onasi xam, holasi xam, opalari xam tasdiqlashdi. Va qiz hechkim bilan bo’lmagan dib qasam ichishdi hammalisi. Man esa yoshlari ulug’ oyimlani o’yladim “adam yo’qlar, hozirgi qiyin zamonda akam bilan qo’shaloq to’y qilishimiz ozgina yengilroq bo’ladi, akamgayam qarindoshdan qiz topilib bo’lingan, agar yo’q disam hozirgi ishonchsiz zamonda yana qattan qiz qidiramiz, o’zimizni qarindosh, tarbiyali oila, aldamasa kere” dib bu yaxshi qarindosh oilaga ishondim, Hudoga tavakkal qildim.

Fotixamiz bo’ldi. Nikoximiz 2 oktyabrga belgilandi. Zaksga bordik, do’xtirlardan o’tishni boshladik, man ishdaligim sababli u do’xtirladan o’zi o’tib chiqdi. Manam o’zim o’tdim. Doktor qog’ozida hammasi yaxshi edi, zaksga doktor qog’ozini oborberdim. Zaksdan o’tishni 30-sentyabrga belgiladik, va 26-sentyabr kuni pasportlarimizi va zaks pulini opkelishimizi tayinlashdi. Boradigan kunimiz u qiz holasi bilan ippadromda to’ylik bozorni qilib chiqishdi va man jiyanim bilan ularni bozordan opketdik, abetlanib o’tirganimizda ular tashvishga tushib qolishdi, qiz kashilogini bozorda yoqotib qo’yibdi, ichida sotkasi pullari va pasporti borakan. Srazu ippadromga qaytib bordik, radiosiga e’lon qildik, militsiyasiga etdik, qaysi sotuvchini oldiga kirishgan bo’sa hammasiga kirib chiqdik, yoqolgan pasportni topish uchun hamma xarakatlarni qildik. 3 kundan keyin zaksdan o’tishimiz kereligi, bizani to’yimiz bo’votgani, yoqolgan passport juda zarurligini chuntiridik ippadrom raxbariyatiga, ular astoydil yordam beramiz diyishdi, va topilsa xabar beramiz dib nomerlarimizni opqolishdi. Zaksga borib bo’gan voqeani chuntirdik, va ular mani pasportimi opqolib bizaga domla nikoh o’qishi uchun spravka qiberishdi va passport topilmasa uni yengisini tiklab kelib zaksdan o’tishimizga 1 oy vaqt berishdi.

30-oktyabr kuni domlaga nikoh o’qittirdik. 2-oktyabr kuni to’yimiz bo’ldi. Nikoh judayam zo’r o’tdi, chimildiqda irim sirimini qilib hamma chiqib ketdi, yolg’iz qoldik.... Hudoga tavakkal qildim, va u bokira chiqmadi. Alloh taqdiriga shukur qildim. Ertasi kuni esa kelinning hayzi keldi, 5 kundan keyin hayzi tugadi, uyimizda issiq suv yo’qligi sabab cho’milomadik, yaqinlik qilomadik, suv kelishini kutdik. Oyim ma’lum sabablaga ko’ra Toshkendamasdilar.  Kelinni akam va kenayimga topshirib 3 kunga ularni ko’rgani ketdim. Qaytib keganimda akam uyga opkeldila va uyimizga kirmasimizdan oldin bir tashvish bor shuni hozir etishim kere didilar. Man kelishimdan 1 kun oldin kelin ko’cha sipirgani padezga chiqibdi va sipirgini tashab ketib qopti, uyimizdigila peshingacha uni qidirishgan, va peshinda uni o’zi oyisiga tel qilib man chorsudaman dibdi, ertalab uni jin chalib o’zini bilmagan holda bozorga ketib qoganakanmush, uni abetda uyidigilari tashab ketishibdi, va xozir uyda ekan.

Akam esa kelin nimadandir qo’rqvotganini, nimanidir bekitvotkanini sezib telefon detalizatsiyasini internetdan teksihrganlar, va ketmaket begona bitta nomer, o’sha nomerga tel qilib kimmi raqamiligini bilibdilar va kelinga etibdilar. Kelin sir boy bermapti va akam “man hammanarsani bilaman, o’sha bolani topdim, u mani qo’limda, agar rovdga oborsam u bola hamma aybni sani bo’yninga qo’yadi, qamalib ketasan, yaxshisi o’zin bor xaqiqatni et” dib qo’rqitibdilar. Kelin qo’rqib bor xaqiqatni etib bergan, akam diktofonga yozvolishgayam ulgurganlar.

Xaqiqat shunaqa bo’ganakan. “15 yoshida yiqilganida uni bokiraligiga hechqanday zarar yetmagan ekan, sal teparog’idan qon oqqan ekan, u 16ni kollejida o’qirdi, o’qishiga borib keladigan avtobusini konduktori bilan tanishib qopdi, va yigit u qizni o’tgan yili sumalak paytida oyim bilan tanishtiraman sani dib o’z uyiga oboribdi, yigitni uyida oyisi yo’g’akan, ozgina kutishibdi va hechkim yo’qligida qizni yigit zo’rlab qo’yibdi. Va o’sha yerda qizga o’zim sanga uylanaman deb va’da beribdi. Ular birbirini yoqtirib gaplashib ketishibdi. Yigit uylangan va ajrashgan ham bitta bolasi bor ekan. Yigit qizga hozircha uylanomasligini chuntiribdi. Bu qiz esa to mani ko’rguncha kimlar bilan qanaqa munosabatda bo’ganligini Hudo biladi. Bu shubxam xaqiqatligiga sabablar juda ko’p...

Fotixamiz bo’pti va to’yimizga 10 kuncha qoganda o’sha yigit yana jonlanibdi, zaksga boradigan kunimiz qiz ippadromda pasportini o’sha bolaga berib qo’ygan va to’ydan bir kun oldin qochib ketishni rejalashtirishgan ekan. Yigit yana eplolmapdi, to’y o’tdi. Chimildiqda huddi umuman teyilmagan qizlardek o’zini tutgandi, hayajonlari, badaniga birinchi marta teyilgandek titroqlari... man usha kuni unga xechkim teymaganligiga ishonchim ortgan edi. Hullas qiz haqiqiy aktrisa bo’lib chiqdi. Man oyimni oldilariga ketganimdan foydalanib yigitni jizzaxdigi paxtadan chaqirtirvobdi, va ertalab sipirishga chiqish baxonasida yigit bilan moshinaga o’tirib qochib ketishibdi. Yigitni uyiga borishgan, yigitni akasi “bu kelinlik uyidan qochib keganakan, ertaga militsiya sanlani qattan bo’sayam topadi sani qamatvoradi, borib uyiga tashab kel, bosh og’rig’ini nima qilasan” dib yigitni urishibdi, yigit qizni tashab uyidigilariga qiziz mani boshqa bezovta qimasin dib ketib qopdi. Bizani uyimizdigilaga esa qizni chorsudan topishganini etishgandi. Yigit qizga qattiq xaqoratlar bilan boshqa bezovta qimasligini tayinlagan, qiz yigitni bu qarorlaridan qattiq shokka tushgan va o’zini qo’lga olib kelinlik uyida man bilan umrbod baxtli yashashga qaror qilgan ekan.”

Bu xaqiqatlarni eshitib mani ichimda olov yondi, mehr, ishonch o’rniga qattiq nafrat egalladi, akam, opamni  gaplaridan keyin o’zimga keldim, shayton vasvasalaridan chekinib Alloh bandasi musulmon ekanligimga va Alloh sinovlariga shukur qilib uyga kirdim. Spalnida kelin yig’lab turgandi, shirin gaplar gapirdim. Kelin mani hichnarsa bilmagan dib o’yladi. Hammamiz o’zimizni bosvogandik. Chiroyli gaplar bilan moshinaga o’tirdik, va borgunimizcha unga “tovba qigin bu gunohlaringa Alloh kechirimli balki kechirar’’ dib qulog’iga nasixat qilib bordim. Uyiga olib kirdim, bor gapni ota-onasiga etdik va kelinga uch taloq berdim va uydan chiqib ketdik.

Qizning bu gunoxi kasriga butun qarindosh urug’ yuzi yerga qaradi. Qizni uyidigilari o’sha yigit bilan shunchaki birbirini sevib qolishgan dib o’ylashgan ekan, qizni otasi esa yosh qizimni ajrashgan yigitga bermiman digan ekan. Qizni zo’rlaganini va shundan keyin zinolar davom etganini esa hechkim bilmagan ekan.  Yigitni topib kelishibdi, yigit barini tan olibdi va baribir qizga aybni qo’yib kerakmas bu qiz dibdi, yigitni rasa urib tepib tashashibdi, yigit qizdan butunlay kechib ketib qopdi. Qizni otasi o’z farzandini oqq qildi. Qizdan butun qarindosh urug’lar vos kechishdi. Qiz endi hechkimga kerakmas. Uning bir soatlik kayfi ikki dunyoga yetadigan azobini tuhfa qildi. Otasining boshi qattiq egildi. Uni oilasi, qarindoshlari butun el yurt oldida sharmanda bo’ldi.

Mani Allohning o’zi asragan ekan, to’yimiz qo’shaloq bo’lgandi, harajatlar unchalik achintirmadi. Hali zaksdan o’tmagandik, pasportim toza qoldi. U bilan yaqinlik qilishga ulgurmagandim, ko’nglim hotirjam bo’ldi. Allohning sinoviga shukur qildim. Hayotning bu qattiq ogohlantiruvidan saboq oldim. O’zimni qo’lga olib Allohdan so’rab yurgan dindor qizni so’rashda yana davom etvomman. Tez orada o’zimga munosib qiz topib yana to’y qilamiz InshaAlloh!

  hozirgi zamon qizlari ko'zlarini ochishsin, yigitlar ko'zini ochsin.  es xushini yig'sin qizlar. Ota onalar ogoh bo'sin, yoshlar zinodan tiyilsin, qiz bilan yigit yolg'iz qomasin, shaytonga kuchi yetmi qolishi mumkin, bir soatlik kayfi uchun ikki dunyo azobiga qoladi, Do'zoxda o'tgan bir kuni bu dunyoda ko'rgan butun umrlik azobining 70 barobariga teng. Parklada, kinolada birga o'tirib 1 soatlik kayf qilishi ikki dunyo do'zoxiga yetadi. Otaga oqq bo'lishning o'zi do'zoxga yetarli, qizlar otasini yuzini hechqachon yerga qaratmasin. Nafsini tiyib o'z juftini kutsin, kerakmas sevgi. Man haligacha shokdaman. Lekin bunaqa qizlar judayam ko'payib ketganini bilardim unchalik etibor qimasdim, o'zimi oldimga keldi shunaqasi, qattiq azobakan. Zinoning oqibati daxshatli ekanini yaxshi chunmaganakanman. Hammamizga Alloh hidoyat bersin, Omin! 

Raxmat sizga Sardoraka!

Бобур (исми ўзгартирилган)

Sayyod:  Кечагина, араблардан бири ўз қизини тошбўрон қилдиргани видеосини интернетда кўргандим. Видеода Аллохга тавба қил дея қизини ўзи қўлларини боғлаб чуқурчага солган. Кейин хамма қатори у хам тошбўрон қилган. Сабаби қизи ўз эрига хиёнат қилгани экан.

Биласизми, ўша пайт қаттиқ шокка тушдим. Қиз айбини тан оляпти,  лекин барибир жуда вахший кўринди. Отаси ўз қўли билан қизини қатл қилди.  Мен ва албатта сизлар бу нарсани қила олмаган бўлардик (Худо кўрсатмасинам аввало!), бироқ менталитет тушунчаси бор ва улар шундай қатъий тушунчалар остида тарбия кўриб ўсган.

Хозирги сизни воқеангизни ўқиб яна ўша видео кўз ўнгимга келди. 

Билмадим, барибир у видеодаги холатни, минг шариат дейишсин бу  тариқа жазолаш турини  оқлай олмайману, бироқ шу отасини хам тушунаман. Жуда оғир нарса бу ШАРМАНДАЛИК деган тамға!

Сиз бир соатлик кайф дебсиз, қаердан биласиз неча соату неча кунлик бўлган эканки? Жиззахдан югургилаб келиб, ўзини уйига жин урганмас, нафси типирчилаган келинни олиб келган халиги эшшакмия йигитчи?  Қани улар шу куни яқинлик қилмаганига кафолат? Бекорга югургилаб келиб уйига олиб келмагандир? Ё шахмат ўйнашганмикан?

Шунча пайт учрашиб ўша бошида бир маротаба бўлиб, буёғига бекинмачоқ ўйнашмагандир?

Келинда айб катта, бироқ баб-баробар ўша йигитида хам! Қилар ишни қилибсан, уйланишинг шарт эди нима қилиб бўлса хам, шунисини хам эплолмадингми нега келин бўлган ва энди бировни хасми бўлганга тегдинг? Қиз чақирса югуриб келаверадими? Бўлди энди сан бировни хотинисан деса олам гулистонку! Лойиғини олибди тепки еб. Барибир халиям бўлса уйланиши керак унга.  Иккисига жазою мухим ечим бу улар бир бири билан турмуш қуриши шарт!

Бу ердаги бир холат менга ёққани қизга қараганда сиз йигит киши бўла туриб тегинмаган холда қолибсиз!

Бу хамма қизларга ибрат бўлгувчи воқеа бўлса керак. Бир вақтлар  мақола ёзгандим:  "Йигит орияти қиз иффатидан устун!" деган . Ўша мақоламга оид хаётий воқеа. 

Сизга Худони берган буюк мукофоти хали олдинда бўлсин. Сизга хали шундай бир халол оқила муслима қиз учрасинки бу ўтилган хаёт дарсини мутлақо унутиб юборинг. 

Эслатиб ўтамиз, хар якшанба мухлислар куни бўлиб, ўз муаммо ёки кўнгил кечинмалари билан бўлишиб, кенг омма билан хал қилишга имкониятингиз бор.       

sayyod@gmail.com почтасига иложи бўлса кирилл харфларида воқеа ёки муаммоингизни ёзиб юборишингиз ёки  (+99894) 644-67-11 рақамига қўнғироқ қилишингиз мумкин ёки шу номерга вацап.