Добавлено (20-Июн-2013, 23:58)
---------------------------------------------
Ko'zing kulsin-shodlik nuridan,
azoblaring kuyib,kul bo'lsin,
Onajonim-O'zbegim elim,
darhonangda faqat to'y bo'lsin.

Karnay surnay ovozi tutsin,
fayzi bo'lak ko'chalaringni,
xumoriman-taralsin xar yon,
yopgan tandir kulchalaringni.

Do'st-yorlaring kulgisi yangrab,
quvonch qo'shib xonadoningga,
ketmas davlat bo'lib kirsin baxt,
changib qolgan g'aladoningga.

O'gil-qizing yaxshi kunida,
savlat to'kib,o'zing bosh bo'lgin,
nabiralar ot bo'ling desa,
kishnab turgan ulug' yosh bo'lgin.

Tilaklarim eng asillari,
senga bo'lsin armug'on elim.
To'ylar qilib,charchama sira,
ko'rmagin xech bemahal o'lim.

Ko'zlaringda ko'rmay o'tayin,
bir tomchi xam alamli yoshni,
istasang gar bog'labon belim,
damlab beray Qarshicha oshni.

Faqat sen kul,yayra,siqilma,
bu dunyoni olma nazarga,
yur o'glim deb arava kabi,
sudra meni,eski bozorga.

Bozoringda mast bo'lib qolsam,
zirang xidi olsa aqlimni,
o'z uy-o'lan to'shaging,deya,
eslat menga,ota naqlimni.

Duolaring bo'lsin ijobat,
Ona Halqim-ko'ngli muloyim,
toki dunyo turguncha tursin,
O'zbek degan noming Iloyim.

Добавлено (21-Июн-2013, 01:09)
---------------------------------------------
2012.01 Noyabr Gurgaon,New Dehli,Medanta Hospital.Yetti soatlik jarrohlik operatsiyadan so'ng onamni jonlantirish xonasiga kochirishibdi.Yerga xam ko'kka xam sig'may kutayotgan edik.Kirish uchun maxsus qog'oz olib,onamni oldiga kirdim.Bu zalni qanday ta'riflashni bilmayman lekin ayni o'sha vaqtda xuddi fazoda uchib yurgan kosmik kema bortida yurganday tasavvur qildim o'zimni.Zal bir necha oynali xonalarga bo'lingan,xar bir xonada esa enliligidan mexmonxona twin bedi ni eslatuvchi karavotlar...Karavotlarda esa xuddi o'zga sayyoradan qaytarilgan missionerlar reabilitatsiya o'tayotganday...Onam yotgan shishali xonani qidiradi ko'zlarim.Xam qo'rquv xam umid bilan yonaman.Va nixoyat doctorning Kabilova bu yerdalar degan gapidan chap tomonimdagi plastic parda yopilgan shishali palataga qadam tashladim.Oh bu qadamlarim huddi 100 yillik sekin qadamday,oyoqlarimda kuch qolmagan edi.Xozir onamni ko'raman...Miyamda ming xil xayol...Doctor nima der ekan.Parda qiya ochilgan edi...onamni karavotga kochirib bolishibti...Onajonim.na til na xarakat bir dunyo shlanklar,og'iz,burun,qorin yurak va bir dunyo apparatlar.....Ko'zimdan yosh quyiladi...Bir unga va bir monitorga tikilaman....Monitor esa "Onang tirik ko'ngling to'q bo'lsin mana mendagi shkalalar uning yurak urishidan deyayotganday.Doktor esa meni ovutayotgan bo'ladi.Atrofga qarang do'stim,biz bir kunda 80 ga yaqin jarrohlik operatsiyasini o'tkazamiz...Buni xech qo'rqinchli joyi yo'q.Oyoqdan to'rtta tomir sug'urib,yurakka tikdik......To'rtta tomir olib yurakka tikdik..Yurakka tikdik....Qulog'im shang'illaydi...Onamni oyoqlariga o'ralgan xuddi bronjeletni eslatuvchi malla rangdagi maxsus dag'al matolarga tikilaman...oyoq panjalari esa jonsiz....Onajon seni azobga qo'ygan o'glingni kechirgin.Shu birgina so'z miyamda aylanadi.Ertaga ertalab ko'zlarini ochadilar,bugun esa borib dam olinglar erta tongdan shu yerda bo'lsanglar bo'ldi,ko'zlarini ochganlaridan,o'zimiz telefon qilib chaqiramiz.....Dam olish...Bir umr tepamda turgan,isitmam chiqsa ming o'lib tirilgan zotni o'lim bilan olishib yotgan chog'ida yolg'iz qo'yib dam oladigan o'gilga la'nat bo'lsin.

Добавлено (21-Июн-2013, 01:13)
---------------------------------------------

                   "Onamning anvoyi jannati isi"

Onamni New Dehliga olib borgandan keyingi besh kun men uchun yillarga tatigulik kunlar bo'ldi.Jarrohlik ertaga amalga oshiriladi degan xabarni eshitishim bilan oyog'larim qaltiradi,xuddi xozir onamni jarrohlikka olib kirishsa-yu....Astag'firulloh.ichimda duo qilaman.Onam esa nursizlanib borayotgan ko'zlari bilan menga termulib,rozi rizolik so'raydi.Onamni quchog'layman.Eng ulug' hid dimog'imga uriladi.Bu Onamning xidi.
Bu xidni jannatda topa olarkanmanmi?Agar hadis izoh berishicha Jannat onalar oyog'i ostida bo'lsa demak,Jannatul Firdausdagi eng iforli islarning ulug'i Onalarimizning xushbuy islari bo'lsa kerak InshaAllah.
Onamning farang atiri bilan qorishib ketgan tanasidagi dori isi orasida yana bir ta'riflab bo'lmas is borki bu xidini xidlab to'ymayman.Bu xidni esa miyam xuddi kiborgday taniydi va meni bir zumga eski ayvonimizning qaldirg'ochli shiftidan tortib,musichalarning yozning issig'ida xovlimizning soya joyiga qo'nib biroz tin olib,kukulashlarigacha,to'rt tomoni temirdan yasalgan va o'rtasiga yoz kirishi bilan tekis taxtalar tahlab dadam beton supamizga chiqarib terib yasaydigan eski so'rimizning odam chiqqanda g'irch-g'irch qilishiyu,onamga yordam bo'lsin deb beshikda yotgan egizak singlim va ukamni alla aytib tebratayotgan raxmatli buvimning yuz qiyofasigacha,beshikni xar borib kelganda mayin yelpig'ichdan taralgan shabadaday yuzga urgan salqinligigacha,qurbonlikka deb atab bo'glab qo'yilgan xovlimiz to'ridagi qo'chqorning g'arch-g'urchlab tikan chaynashidan tortib,bir paytlar yoshlikda dadam ekib tagini sug'orib,teshalab turgan pomidor ko'chatlarini xidlarigacha,yozning oynadek toza yulduzga boy kechalarida,bedapoyalarning isi aralash chigirtkaning chirillashigcha aniq tiniq esga soladi,"esga soladi"bu joyda uncha to'gri so'z bo'lmasa kerak,aynan o'sha xid,iforlar qorishib,lekin miya ularni maxsus alohida alohida ajratib ola olish bilan birga,ko'z oldimga o'sha go'daklik muhrlangan kino lentalarni bir zumga tiriltira oladi.
Bilmadim bu qanday ifor,butun bir insonning umr yo'lini bir soniyada ongning xamma kataklaridan yig'ib kelib,quloqqa aniq taniq eshittira olish qudratiga ega.
Ba'zan o'rni kelganda umrimning asl mag'zi bo'lgan hotiralarimni bunaqangi darajada aniq ta'riflashga ongim oqsab tilim esa kerakli metaforalarni topa olmay pand beradi,lekin onamni isini tuysam,dunyo xovlimizday bo'lib ko'rinadi.O'sha eski xovlimizday,U xovli esa endi o'tmish xotiralarim kitobining eng zalvorli sahifasida saqlanadi.
Butun yoshlikdagi eng ma'nodor yoki qaymoqqa botirilgan nondagi mazaday,go'yoki,yoshligim xotiralarining eng unique sana't asarlarini bir biriga omuxlashtirib,tiriltirib berish qudratiga ega komplexlashgan tarzda tayyorlangan mo'jizaviy essentsiyaga o'xshaydi bu Ifor.
Buni tushuntirib berish esa juda mushkul,lekin menimcha xar bir farzand onasini quchoqlab onajonim deb bag'riga bosganida bu xisni tuysa kerak,bu xid esa farzandni minglab onalar ichida o'z onasini ajratib olish imkoniyatini bersa ajabmas.Lekin farzand sifatida ko'p xollarda bunday xislarni juda o'tkazib,tagiga oldirib xis qilamiz.

Добавлено (21-Июн-2013, 01:35)
---------------------------------------------
Mirzabek Holmedovning she'ridan ta'sirlanib ....

Asli,umr oqar daryo,
mehri dilga,nurday ziyo,
izlarin qilgin to'tiyo,
Onajoningni topolmaysan.

Oshingni ham yig'lab eysan,
boshingni toshga urgaysan,
keyin kimni Ona deysan?
Mehriboningni topolmaysan.

Ko'zlarini izlagaysan,
so'zlarini so'zlagaysan,
armon qilib bo'zlagaysan,
Onajoningni topolmaysan.

Go'rday bo'lib qolar uying,
dolday cho'kar adl bo'ying,
yig'lab o'tkazarsan to'ying,
Onajoningni topolmaysan.

Fayzing ketar,huvillaysan,
yetim bo'lib uvillaysan,
qalampirday lovullaysan,
Onajoningni topolmaysan.

Mushtiparing bo'lsa ertak,
yig'laganing kimga kerak?
oqibatin qilma ermak,
Onajoningni topolmaysan.

Aka-uka,opa-singling,
ovutolmas g'arib ko'ngling,
ardoqlagin,ko'ngli mungling,
Onajoningni topolmaysan.

Ayvonlaring yi'glar g'arib,
barakang ham ketar arib,
yosh boshginang qolar qarib,
Onajoningni topolmaysan.

Ko'z yoshingni yashirolmay,
tobutidan tushirolmay,
oyog'iga bosh urolmay,
Onajoningni topolmaysan.

Lapanglasa tobut yo'lda,
yurib oldda,tayoq qo'lda,
orzularing bo'lar burda,
Onajoningni topolmaysan.

Kafan quchsa yuzlarini,
tuproq o'psa ko'zlarini,
qarg'ab umring ro'zlarini,
Onajoningni topolmaysan.

Tirigida suygin do'stim 
Onajon deb kuygin do'stim,
erta dema,qo'ygin do'stim,
Onajoningni topolmaysan.

Mirzo she'ri ilhom berib,
Alisher bul so'zni terib,
aytsa,muzlar ketdi erib,
Onajoningni topolmaysan.