Бу сухбат тасодифан ижтимоий тармоқда кечди ва воқеа муаллифи рухсати билан сайтга чиқмоқда. Ёшлари 44га кирган окамиз сайтимизга хориждан кирар эканлар.
-Англияда ўқиб, кейинчалик Америкада ишлай бошладим. Карьера ва оёққа туриш харакатида уйланишим роппа роса 40 ёшимга тақалди. Тўғри, унгача умуман рохиблардек турмуш тарзини кечирдим демайман. Вақтида роса юрганман, йигитчилик. Лекин хақиқий мухаббатни сезмагандим. Агар Тошкентга учиб келганимда, аэропортда бир қиз билан танишмаганимда, балки халиям уйланмаган бўлардим.
Тасодифни қарангки, у мендан тескариси, Америкада ўқиб, Англияда ишлаган экан. Шу куни у хам Тошкентга таътилга келаётган экан. Мен 40га тўляпману у эса 31га. Тақдирлар нақадар ўхшаш... у хам оғир оиладан оёққа туриш учун умрини карьерага бағишлаган.
Иккимиз Тошкентдаги аэропортдан чиқиб, уйга шошиш ўрнига, яқин орадаги кафега кириб, бироз дам олиб кейин тарқалишни лозим топдик. Бошқа тарафдан иккимизни ичимизда шу менинг тақдирим шекил деган савол бир-биримизни ушлаб турарди.
Тошкентда телефонларимиз йўқ ва интернет манзиллари билан алишдик.
Уйга келганимдан ишонасизми бир соат хам ўтмай, уйдагилар уйланмасдан хеч қаерга кетмаслигимни айтишди. Эртаси куни бўлажак рафиқам билан учрашдим.
Уёғи шиддат билан ва силлиққина кечди. Икки тарафга хам маъқул келиниб, тўй бошлавордик.
Тошкентда ярим йил қоладиган бўлдик, ота-онамни хизматини қилиш орзу хаваслари дегандек. Ярим йил ўтар ўтмас Америкага кетдик... Орадан 4 йил ўтдики фарзандлик бўлмаяпмиз...
Иккимиз бу орада Америкада хам, Тошкентда хам текширтирдик, иккимиз хам соппа соғ.
Ўзбекчилик... ота-онам бошқаси билан турмуш қуришимни мана сўнгги 4 йил ботиниб айтишмоқда, келинниям ушлаб турмайлик, сенда бўлмаса унда бўлар, икковингдан бирингни фарзандли бўлиш имконияти бошқа турмушда бору, бу кетишда шундоқ хам ёш ўтмоқда деб атрофдагилар хам айтишди...сиқилиб кетдим. Қаёқдаги пиёнистаю кўча тентирайдиган лўлиларгача фарзандлигу бизда эса йўқ.
Хотинимни яхши кўраман жудаям, у хам мени. Нима қилишга хайронман. Шифокордан табибгача, табидан домлаю эскичагача хаммасини қилдик... бефойда.
Балки эски қилган гунохларим учун бу дунёдаги жазоимдир деб ўйланиб қоламан, нахотки бошқа йигитлар ёшлигида юришмагану фақат ман юрганимга шу нарса деб хам ўйлайман...
Одамлар фикри хеч бўлмаса далда бўлар...
Sayyod:- Дарров гунохлар эсга олинади а?Яқиндагина бир шахсий фикримни ижтимоий тармоқларда статусга қўйгандим: "Харакат қил, интил лекин, агар насиб қилмаган бўлса, Худони ишига аралашма!"
Уйланибсиз, демак харакат ва интилиш бўлди. Буёғига табиб майлию, домлага қум борми? Пешона деймизу лекин, харакат қилиб интилиш бўлса, армон хам бўлмайди лекин, пешонада бефарзандлик бўлса, унда эскича тақдирни янгитдан оқ вароқдек ёзақол деб бермайдику. Домлалар тақдирларни қайтадан ёзганида, бу дунё бўлмасди...
Бу ёлғон дунёдан наригиси хақиқий, ва бу ерда фарзандсизлик берилган бўлса ачинманг, пешона. асосийси харакат қилдингиз, суннатни бажардингиз.
Бошқа тарафдан 4 йил бу жуда катта муддат эмас. Достон Убайдуллаев "5 йил ўтиб ота бўлдим" қўшиғини тинглаганмисиз? Одамлар 10 йилдан кейинам фарзандлик бўлишади, бу хам пешона, бу хам тақдир. Хозир рафиқангиз билан шошиб ажрашсангиз... хар иккингиз дилингиз оғриб, турмуш қуриб бахтли бўла оласизларми? Бировнинг бахтсизлигига бахт қуриш қийин нарса.
Шифокорлар иккингизни соғ дейишибдими, фикримча ажрашманг. Вақти соати бор хали.
Унгача эса, ўша гапим: "Харакат қил, интил лекин, агар насиб қилмаган бўлса, Худони ишига аралашма!"
Одамлар нима дейди?
Эслатиб ўтамиз, хар якшанба мухлислар куни бўлиб, ўз муаммо ёки кўнгил кечинмалари билан бўлишиб, кенг омма билан хал қилишга имкониятингиз бор. sayyod@gmail.com почтасига иложи бўлса кирилл харфларида воқеа ёки муаммоингизни ёзиб юборишингиз ёки (+99894) 644-67-11 рақамига қўнғироқ қилишингиз мумкин.
ajrashmay bola asrab oliyla katta savobga qolasila ketidan
Ollox beradi nasi busa albatta bu Xudoni sinovi sabir qiling Ollox sabirliyla
bilan birga.Odam kungliday insonni uchratish juda qiyin taqdir silani uchrashtrgan
oilalaringni buzamayla maslaxat shu.Ollox bermasayam boriga shukur qilib asrab olgan boolaringni
boqib tarbiyalab Kamolga etkazsayla savobga qoladi har bir bola ,har bir farzand Olloxni omonati.
Nima qisaylaham savob ish qiliyla,etimxonadigi bolla ham etim bulay deb tugulmagan yoki ula ayibdor ham imas, bola begunox.Savobli ish qilishdan charchamayla.Xudo xoxlasa nasib qilsa man ham 1 dobna etimxonadigi bolladan birini
asrab olish niyatim bor.uzimga 2 ugil 1 qiz, xujaynim 4 ta busin diydi boqib olamiz dedim.Ajrashmiyla.OK. Xudo diyla
Xudo so'raganga beradi albatta, o'g'rigayam, to'g'rigayam beradi
Ёшим 41да, 24 ёшда уйланганман, аёлим мандан 2 ёш кичик. Биз 7 йил бефарзанд булиб юрдик. Медицина томондан салгина муаммо демаса (жинсий аъзо шамоллаши), хаммаси яхши эди. Биз хам ким нима айтса шуни килиб, табибу, домла ва фолбинларга бориб юрганмиз, худони узи кечирсин. Тушкунликка тушиб, хар хил маслахатларни эшитиб хам юрганмиз. Масалан, биринчиси ажрашиш - гирт бегона одамлардан маслахат. Уларга барибир, санга ёкадими ё ёкмайдими бунака гаплар. Иккинчиси бола асраб олиш, сунъий урчитиш...Хаётимизни катта муаммоси бошкалар учун ё эрмак (маслахатчилар жуда купайиб кетаркан) ё пул ишлаш учун яхши бахона булди. Узи юриб, четдан бола ортириб олган бир аёл боласини бизга бериш куйишни уйлаб-планлаштириб юрган хам экан. Биз факат узимизни фарзандимиз булишини орзу килиб яшадик. Бола асраб олиш савоб иш, лекин бегона фарзандни асраб олишни кандайдир кунглимга сигдира олмасдим. Хуллас 4-5 йилдан сунг хар кандай даволанишларни ва харакатларни йигиштириб, худо деб хотиржам хаёт кечира бошладик. 7 йил деганда киз фарзандли булдик ва сал вакт утиб иккинчи кизимиз хам тугилди. Энди худо берса угил фарзандли хам булиш орзуимиз.
Хат ёзган акамизга сабр-токат тилайман. Ва иншаоллох, фарзандли булганингизда бизга билдиринг албатта, хурсандчилигингизга шерик булайлик!!!
ALLOH TAOLO AYTGAN SO'RA BERAMAN DEGAN LEKIN MEN XURSAND BO'LARDIM AGAR NIYATIMGA YETMASAM CHUNKI ALLOH TAOLO VADA QILADI duoyingizni agar xoxlasam shunday beraman Agar xoxlasam 2 baravar qilib beramam AGAR XOXLASAM OXIRATDA OLIB QOLAMAN DEGAN.. BALKIM DUOYINGIZNI ALOH 2 BARAVAR QILIB BERAR ALLOHU A'LAM. Alloh Sabrlilar bilan birgandir
Eslang " Ibrohim alayhisalomning tarixini bilsez kere?! Alloh taolo Ibrohim alayhisalomgaxam 81 yoshlariga kirganlarida Farzand bergan bunga nima deysiz?! Va uni meni yo'limda qurbonlik qil degan.
Shunda Ibrohim Alayhisalom men sizni Alloh yo'lida Qurbonlik qilaman deganlarida "INSHOALLOH SABRLI EKANLIGIMNI KO"RASIZ" deganlar. SABR SABR SABR.
Alloh sabr aylagan qulni sevadi,
Mo‘min yuksaladi sabr etgan sayin.
Alloh sabrlilar bilan birgadir:
“Innalloha maas-sobiriyn...” :)
Yana bitta narsa: Kareraga berilgan bo'lsangiz, siz manimcha juda ham ko'p siqilgansiz va siqilasiz. Kareraga berilgan odamlar ko'pincha uhlasha olishmaydi chunki boshqa odamni yutug'i ular uchun mag'lubiyat bo'lib tuyuladi. Bu normal holat! Shuning uchun, Ollohga tavakkal qiling. Hammasi yahshi bo'ladi. Iltimos, ajrashmang chunki AIRPORTda sevgan yoringizni topdingizmi, demak Ollohni nazaridasiz. Omad!!!