Кино оламидаги фильмларга назар соладиган бўлсак, режиссерларимизни фикрлаш фантазияси фақат ё йиғлатиб, ё фақат кулдириб пул топишдан иборатдек.

 Ўйлантириб қўядиган, кўзни қувонтирадиган, дилни энтикадигани, таассуротлар оғушига олиб, йиллаб майлику, хеч бўлмаса ойлаб кўз олдингиздан кетмайдиган сахналар....йўқ...

 Фантазия ва илхом майли, лекин бунинг омили  фикрлаш доирасига тақалсачи...Ижодий фожеа! Нахотки ижодкорларимизда шундай муаммо?

 Яна йиғлатишниям жуда бир "из пальца высосанные” (узр таржимасини тополмадим) даражасини танлаб эмас, ўйлаб топишади. Шундай лавхалар бўлганида атрофга қараб томошабинлар рости хам йиғлаётганини кўриб додлаворай дейман.

Йиғлаяпти, демак таъсир қилди? Йўқ, йиғлатганингиз асли қайси аудитория вакили? Қайси аудиторияни ривожлантиришимизда гап.  Натижани хам  натижадан фарқи борда.

Ахир бу ТЎҒРИ НАТИЖА ЭМАСКУ! Тўғри, йиғлатиш натижасини амалладингиз, лекин нима учун? Натижасичи?

 Режиссерни маъсулияти ЙИҒЛАТА билишда эмас аслида, воқеани мутлақ реалдан фарқли даражада СИНГДИРИШдаги маъсулиятни нахотки сезишмайди? Ўша эртакда хам мантиқан узвий боғлиқлик, ёки бирон лавхага "оправдание” бўладию, бизни ДРАМА деб дод солинган фильмларда уни тополмайсиз. Неа! Хичқачон!

Унда фильмни фантастик денг. Абстракт фантастика билан чатиштирилган нави денг. Билмадим, балки Нобель мукофоти берилар бундай янгиликка.

Аслида бизнинг шоу-бизнес ва кино олами махсулотларини АКСАРИЯТИ Нобель мукофотига номзод.

 Йиғлатиш ва кулдириш аслида осон! Жудаям осон. Хўп деяверинг.

Фақат катта бир фарқ бор, НИМАГА?

Ўткир юмор ёки ақлли хазил деган тушунча бор, ўз тубида шундай бир маъно ётадики, кула туриб ўйланиб қоласан. У нарсага бошқача кўз билан қарай  бошлайсан. МАНА ШУНИ эплаган ижодкорда МАХОРАТ  мавжудлиги исботланади.

Агарда у юмор натижасида одамларга таъсири хам бўлса, бу унинг ГЕНИЙлигидан далолат...Узрку...гений тугул... махоратни кашф қиляпмизми ўзи?

Йиғлатиш...

Бир фильмдаги ёш қизалоқнинг оқибатни тушуниши ва катта инсонлардек фикрлаши аслида бизни йиғлатиши эмас, истерик кулдириши керак. У қизалоққа бўлган ёш болакайнинг фашистдек хатти харакатларию умуман ўсиб-улғаяётган ўзбек Чикатилоси дейиш мумкин. Вахоланки ўша Чикатило хам жуда оғир ва босиқ...хуллас роса писмиқ бўлган аслида у ярамас.

Мавзуга қайтамиз.

Халқни йиғлатамиз...

Осон буям, тўғри тушунаман, кимда қандай...халиги..”моральный орг...”.

...хм нима десам экан...мазза қилиш дейлик, ким кулиб кайф қилади ким додлаб.

Бу хам бир патологияде. Йиғлашни назарда тутяпман. Азобланишдан завқланиш бу энди жа бир халиги...рухий садомазо...хуллас.

 Лекин, шартми шу йиғидан мазза қиладиганлар учун бу патологияни ривожлантириб?

 Майли йиғласин, лекин яна ўша савол, НИМАГА? Мақсад қани? Уни натижаси нима?

Биласизми, бирон нарсани ўйлашдан аввал бизнесменлар қандай фоизда фойда кўришини ўйлайди. Бу нормал холат. Ижодкорларимиз бизнесмендек. Фақат "Кассани кўтаради”ми-си мухим.

"Мана бу актер ёки актрисани юзи  билан , бачкана кулдириш, ёки хинд эмоциялари билан бойитилган мутлақ нореал ходисалар билан тўлдирсак, бўлди” натижа-касса кўтарди....

 Ўртоқлар, ижодкорсизларку... Ижод олами ижодга чанқоқ! Бу ном маъсулиятни ва оқлашни талаб қилади!

Халқ ижоддан таъсирланмаяпти!

 Маънавий озуқа, тарбиявий ахамиятга эга деб бонг урасизлару, натижаси сезилмаяпти! Йўқ-ку.

Ахир асосийси натижаку! Бирон нарса бошлашдан аввал уни молиявий натижаси эмас, ижодкор номингизга хам мос тарафидаги фоизиниям тўғри қўяйлик. Титрда "Бизнесмен фалончиев” фильми деб ёзмайсизларку, режиссер ва сценарийнавис номиниям ОҚЛАШ керакмасмикан?

Хар бир инсон хаётда ўз мақсадини, олдига  АНИҚ қўйиб, аниқ ва равон интилиши мухим. Худди ўзига касб билган номни хам аниқлигини сезиб тушунган холда.

Ўзимдан келиб чиқсам, шу сатрларни битар эканман...умуман шу сайтдаги мақолалар, тахлил ва танқидларимни ёзишдан аввал, аниқ ва равон ўз олдимдаги мақсадни хис қиламан. Нима беради? Таъсири ва натижаси хақида. Мана шу саволни бериб ўқиган одам тушунар, бошқаси шунчаки ё танқид қивуради, ё кўролмади, ё нимага шу қизга ё шу актерга ёпишвогансан? Хуллас  ё ўша  Дарвинни назариясига гумон билан қараш учун туртки бўладиган изохлардан қулоқларим остига маърашни эшитаман. Ўзимни ижодкорман деб кўксимга уриб бонг урмайман, лекин харакат қиляпман. Аниқ, равон, теран назар билан мақсад ва натижа устида тушуниб ишлаяпман.

Шу тушунчалардан келиб чиққан холда, ижод оламига назар солар эканман, қўйидаги мавзудаги мақола мохиятига хам саволларим кўп.

Нима беряпмиз халқга? Қайси фильмдаги, қайси лавха ёки учар сўзлар халқда кенг тарқалди?

Мана оддий тахлил, бирон қўшиқ хит бўлса хаммаёқда сўзларидан фойдаланилади.

Қайси фильмни қайси сўзлари хит бўлди?

Халиям ўша "Ана сюрпризу мана сюрприз, ана кир ювадиғон мошинаю, мана телебизор!”, "Бу сиз? Сиз ўша...”, "Хайдалиш куйини чалинг” ва хоказо...

 Яна қайтараман, бугунги давр ўтмиш ижоди билан яшамоқда...

Келажак қайси давр билан яшайди?

 Қайси фильмларни келажак учун қолдиряпмиз?

 Бугунги чўнтак ғами муаммоси натижасида, келажак ижодий хирмони бўш!

Яна ўша гапим: Бир вақтлар орол хам денгиз бўлган экан...

Тушунган тушунди.

Тушунмаганга...   қум борми Ижодистонда?!