Узоқ ва катта қизиқиш билан кутилган Бразилияда 2014 йили бўлиши кутилаётган Жахон чемпионати саралаш бахслари доирасидаги Миллий терма жамоамизнинг  Ливан жамоасига қарши учрашуви  бугун  "Бунёдкор” стадионида бўлиб ўтди.  Ўйин соат 18:00 да бошланди..

    Стадионда туриб,  жамоамизни  қўллаб  қувватлаш  истагида  бўлганларнинг  сони  кўплигини чипталарнинг охирги дақиқага қадар талаш бўлганидан хам билиш қийин эмас.

     Ушбу ёдда қоларли футбол учрашувини томоша қилган мухлисларнинг ўйин хақидаги фикрлари жуда ижобий. Ўйинни кузатган бир мухлис, "Ўйиннинг биринчи бўлими бирмунча суст бўлганига қарамай, ўйинниг  иккинчи ярмида жамоамизнинг жуда чиройли ва махоратли ўйинларини гувохи бўлдим.  Улар ғалабага хақиқатдан хам лойиқ ўйин намойиш этишди” деб фикрини билдирди.

    Ўзбекистон жамоасига ғалабани олиб келган ягона гол сохиби , жамоанинг энг иқтидорли футболчиларидан бири Сервер Джепаров бўлди. У ўйиннинг тахминан 64 дақиқасида Ливан дарвозасига тўп киритиб, жамоамизга мухим бўлган ғалабани олиб келди.  

    Ўйин ўз якунига етганидан сўнг, миллий жамоамиз футболчиларини  Ўзбекистон футбол федерацияси рахбари Мираброр Усмонов ва Гулнора Каримова  кутилган ва хаққоний эришилган ғалаба билан табриклашди.

Эслатиб ўтиш жоиз, Гулнора твиттерда махсус викторина ўтказиб ғолибларга, шунингдек хайрия ишларидаги фаоллардан жами 100 кишига ушбу матчга чипталар тарқатганди. Улар орасида санъат вакиллари хам бор эди. 

   Ушбу мақолани тайёрлашда, интернет сахифаларини анчагина кузатганим боис, бир қанча қўшимча ва қизиқ бўлган маълумотларни хам келтириб ўтмоқчиман)

   Ўзбекистон терма жамоаси хозирда 11 очко билан ўз гурухида пешқадам бўлиб олди. Ушбу гурухнинг кейинги ўринларини Жанубий Корея (10), Эрон (7), Қатар (7) ва Ливан (4)  жамоалари  эгаллашган. Бразилияда 2014 йили бўлиб ўтадиган Жахон чемпионатига қадар жамоамизни яна икки мухим ўйин кутмоқда. (13 июнь куни Ўзбекистон терма жамоаси ва  Жанубий Корея жамоалари ўртасидаги учрашув, ўйин Жанубий Кореяда бўлиб ўтиши кўзда тутилган,  18 июнь куни эса Миллий жамоамизни Қатар жамоаси билан учрашув кутмоқда. Ўйин Ўзбекистонда бўлиб ўтади.  

   Балки бу яхши хабар бўлиши мумкин, аниқ  билмадимку, лекин жамоамизнинг Жахон чемпионатига йўлланмани қўлга киритиши учун ушбу учрашувлардан бирида қўлга киритилган ғалабаси хам етарли бўлармуш)))  Шундай бўлсада, Ўзбекистон терма жамоасига келаси барча ўйинларида фақат ва фақат ғалабани тилаб қоламиз!

                          Ўзбекистон  ─  Ливан      :    1  ─   0 

                        Ура! Ғалаба муборак, Ўзбекистон!  

 Видеони ютубда кўрмоқ

Майтуб тасиксда томоша

                                                                                            Шахло Қодирова тайёрлади.