Сайтимизга мурожаатдан:

-Ўзбек опера ва балети йўқолиб кетаётгандек... Алишер Навоий номли опера ва балет катта театри  мана 4 йилдан бери таъмирлашда. 4 йил хам таъмирлаш мумкинми? Гап-сўзларга қараганда, таъмирлашга ажратилган пуллар йўқолаётгани сабабли, театр йилдан йилга шу холатда ўтиб, қанчадан қанча опера ва балет ишчилари уйда ўтиришга мажбур бўлмоқда экан.  

Сайтимиз ходимлари мазкур холат юзасидан Алишер Навоий номли опера ва балет театрига йўл олишди.

Бош мухандис:

Маблағ  ажратилиб, хозирда эса бу маблағ йўқолиб қолаяпти деган гап нотўғри, бунинг тескариси. Маблағ  ажратилган албатта,  лекин у буюртма берган одамнинг қўлида турибди. Бу иш давлат идораси бўлмиш Глав. НПУ тарафидан амалга оширилган.  Маълум миқдорда маблағ  берилган, бу қурилиш босқичма босқич  давом этгани сабабли маблағ хам шунга қараб бўлиб бўлиб берилади.

 Хозирда эса биринчи бочқисидан хам  маълум миқдордаги сумма берилмай  қолган.  Маблағ берилмагунигача эса иш хам тўхтаб қолади, шунга қараб  биз ишни давом эттирамиз.  Иш давом этаяптику, лекин жуда суст. Мен ўзим бу ерда бир йилдан буён бош мухандис лавозимида иш олиб бораяпман.  Қурилишнинг биринчи босқич ишлари учун хали яна тахмиман бир миллиард сўм миқдордаги маблағ берилиши керак. Умумий маълумотни эса беролмайман, чунки бу масалани прокуратура ўз назоратига олган, улар хам аралашиш даражасида иш кетаяпти. 

"Пул берилгану, қаергадир йўқ бўлди” деган гаплар нотўғри, хозирда текширувлар кетяпти, биз ўзимизнинг хақлигимизни исботлаб хам бердик. Бинонинг битиши кейинги йил сентябрь ойларига мўлжалланган, агарда сахна учун чет элдан буюуртма берган махсус жихозларимиз келсагина. Чунки хозирда замонавий опера театри талабларига жавоб бериш учун, автоматлаштирилган жихозлар зарур. Агар улар келмаса, яна ишлар чўзилиб кетиши мумкин.

  Бу маълумотлар сизлар ёритадиган мавзу эмас, чунки анча жиддий идоралар шуғулланиб, хамма учун умумий келишувга келишга харакатлар бўляпти.

 Қизиқ а, пуллар билан муаммо бўлмаса нима учун прокуратура аралашган экан?) Бош мухандис бир неча бора пуллар билан боғлиқ муаммо хақидаги гап сўзларни инкор эта туриб, прокуратура аралашганини қўшиб қўйиши зиддият туғдирмоқда.

Нима бўлса хам мамлакатимизнинг хашаматли катта театри тезроқ ишга тушиб, санъатнинг мухим бўлагидан бири опера ва балет яна ўз мухлисларини хушнуд этишини кутамиз.

Нодира Махмудова ва Шахло Қодировалар тайёрлашди.