“Бировни оиласини бузма хонанда!” деб номланган видеоинтервью атрофида ижтимоий тармоқларда  ўзиям оловли тарзда мухокамалар ёнмоқда. Бироқ,  аввало бу видеоМАВЗУ сифатида ва мана шу ният билан  сайтга қўйилган. Уни мақолада хам ёзганман ва видеода хам гапирганман. Қайсидир хонандани шарманда қилиш ниятида бўлганида унинг аниқ исми келтирилган бўларди ва ундан ташқари бу интервьюдаги қиз мазкур воқеа юзасидан интервьюни сўраб ярим йилча давомида бизга мурожаат қилган. Охири ўша хонандани номини келтирмаслик  шарти билан ва бу мавзу долзарблигини инобатга олган холда бошқа эркаклар хамда шундай бир кунлик хаёти билан завқланаётган аёлларга ИБРАТ сифатида, унинг ортида қандай оғриқлар ётганини нима оқибатларга келтиришини реал воқеа асосида   нафақат санъат оламига балки атрофимизда қанчадан-қанча шундай оилалар бўлгани учунам УМУМИЙ таъсирини ўйлаб  тақдим этишни истадик. Вахоланки у қиз бошиданоқ у хонандани исмини айтишни истади, биз эса бунинг хуқуқий тарафларини инобатга олиб  хамда мавзу бир одам шахсига урғу бўлишини истамадик.

Бошқа тарафдан: Ўша хонандани номини очиқлаганимизда бошқа салбий оқибатлар    келиб чиқарди, зеро у аёлни қанақанги шаллақилиги бизга аён. Шартта хоразмда кийиб юрган лозимини сандиғидан кавлаб топиб бошига кийиб олиб чунонам оғзидан кўпик сачратиб соч ёйиш маросимини ўтказардики. У лозимни оав ва хуқуқ тартибот органлари олдига эса салла қилиб ўраб ўзидан жабрдийда ясаб олар даражадаги айёрлигиниям уни таниганлар жуда яхши билишади.

  Бизку майли ўрганиб қолганмиз, шундайлар билан тенглашибам рости 9 йил ичида қайсидир тарафлама  безам бўлиб кетдик.  Халиги қиз эса хали ёш, турмушга чиқмаган у аёл уни устидан ёзиб яна нималардир қилиб   қизни  қаддини букиб қўярди.

Ўзингиз ўйланг, видеони кўрган бўлсангиз нимаси мухим? Умумий таъсирими ёки у аёлни номи ва фақат мавзу унга урғу бўлиб кейинги жанжаллар билан асосий кўтарилаётган долзарб мавзу силлиқланиб ёпилиб кетишими? Ха фақат шу эканда деган тушунча билан секин эътиборни бир одамга ўгириб  бошқалар оппоқ бу аёл фақат ёмонлигича қоларди.

Йўқ, мавзу умумий! Хаммага тегишли. Оиласини оғзидан юлиб жазманига ташиётган барча суюқоёқ эркакларгаям  ва айниқса бировни муқаддас оиласини билиб-билмай бузаётган  бир кунлик фохишаданда бешбаттар бўлган  аёлларгаям  тегишли! Зеро ўша фохишалар хам бир мартталик “шартномаси” билан  “акт проделанных работ”ини  ёпиб хайрлашади, халиги   аёллар эса бутун бошли оилани умрига завол бўлмагунича сўриб ётади.  Зулукдек сўриб ётади яъни.Фохишаликни энг қиммат ва паразитар тури.

Кимгадир тегиб кетадими, ачиб кетадими, шунча практикасидан кейинам  қотиб кетмай энди шилинадими барибир бу мавзу умумий таъсир қилиши учунам қолади ва у аёл номи келтирилмайди!  

Тушунарли бўлди деган умиддаман.