Сибирьдаги ахоли интернет олами ва твларда бонг урилаётган,  Туркияда аварияга учраб,  тўшакка михланиб ётган Умутни таниб қолишди. 

27 ёшлик Павел Куклин Томск вилояти, Копылово қишлоғида яшаган экан. 

Бир неча йил аввал у рости хам йўқолган ва уйдагилари харқанча қидиришмасин топа олмшмаган.

Болаликдан яхши хулқи билан таниш, эрта оиласини тарк этиб уйланган ва бир қизлик бўлгач, Шимол тарафларга пул топгани ишлашга кетади. Шу билан ундан дарак бўлмайди.

 Онаси Татьяна Куклина ўғлини анча қидириб , хатто эскстрасенсларга хам мурожаат қилгану, бари бефойда.  Павелнинг хотини эса аллақачон эрини унутиб яна қайта турмуш қурган.

 Павелнинг онаси ўғли хақидаги хабарни билгач, зудлик билан Москвага учиб кетди. У ердан Туркияга учади. Лекин қишлоқдагилар онаси  ногирон ўғлини қайтариб келгани билан эплолмасликларини айтишмоқда.

Павелнинг отаси ичкиликка муккасидан кетган, синглисида хам хаммаси жойида эмас,  икки қизи билан шу оилада яшайди ва шундай бутун бошли бир оилани тебратиш фақатгина она Татьянани зиммасида.

Афсуски яшашлари хам атиги арзимас нафақагагина холос.

Павел уйига қатгач оёққа туриш имконияти шиддат билан пастга қараб кетади. Туркияда эса унга яхши қаралмоқда, парваришлаш аъло даражада. Бекорга Павел эрта уйини тарк этмаган, ишлаб пул топиш мухим бўлган, энди эса ногирон ва тўшакка михланган холда бу уйга қатиши фожеанинг бир бўлаги...

Павелнинг уйдагилари эса бу тушунчага қарши, улар нима қилиб бўлмасин Павелни қайтариш истагида. Онаси хатто ДНК экспертизасидан хам ўтиши кўзда тутилган, сабаби у онаси эканлигини расман тасдиқлай олиши хам керак. Кейин эса элчихонадан Россияга Павелни қайтариш кўмагига мухтож бўлади. 

Томск вилояти милицияси эса бу холатга ишонқирамайроқ қарашмоқда. Сабаби Павел Куклин 2004 йилдан бери йўқолган хисобланади, Туркиядаги авария эса 2008 йил содир бўлган.

Бошқа тарафдан у оиласини эрта тарк этгани, 2004 йилдан то 2008 йилгача ишлаб юрган хам бўлиши мумкин, у холда нима учун ўзи хақида оиласига 4 йил мобайнида хеч қандай маълумот бермагани, қандай қилиб Туркияда пайдо бўлиб қолгани хам мавхум. Ишонқирамайдиган милицияни эса  шахардан чиқиш учун рухсатнома виза берлиганликни текшириш каллага келмаган кўринади. Туркияга чиқиш хужжатлари тўри келсагина аниқ бўлиши табиийку.

Туркиядаги Гулсум ва унинг оиласи эса хозирча Умутни хақиқий оиласига дуч келганича йўқ, вахоланки ўнлаб одамлар биз унинг оиласимиз деб дъво қилиб кўришдию лекин тасдиқланмаган. Қизиғи у оилалар асосан Туркиянинг турли тарафларидан пайдо бўлишни бошлаган.

Россия ва Туркия аро реал сераилга айланаётган воқеалар ривожини кузатамиз, Умут Павел бўлиб чиқармикан ё яна сирли Умутлигича унинг хақиқий тарихи очилишига умид билан қолармикан?

Нима бўлганда хам, аввало йигитга оёққа туриши, кейин эса тилга киришини тилаймиз. Умутми, Павелми , соғайиб кетсин, қолгани бир гап бўлар.