Эх  хонандалар, хонандалар...

Қинғир ишнинг жавоби бор барибир. Ёлғоннинг умри қисқа.

Мини-диск пайдо бўлгач тўйга хонанда понт ва суратга тушиш учун келиши оддий холга айланиб, улар учун қўшиқни мини-диск куйласа хам, оғзини (нагло) қимирлатиб туришига хам негадир хайрон бўлмай тикилиб турдик.

Лекин хамма нарсанинг хам охири бор, айниқса ёлғоннинг якуни тезроқ келаркан.

Бугунги кунда тўйлар хонандаларсиз ўтказишни бошланганлиги хақида шу хафтанинг ўзидаёқ нечта таниш ва одамлардан эшитиб хам хайратланаяпман ва хам (кўпроқ) хурсанд бўлаяпман.
Тўйда барча ўзбек ва хориж санъаткорларини дискларини қўйиб дискни ўтказиш бошланди. Албатта бу ўзига хос фонограммага қарши протест кўриниши эмас, шунчаки одамлар катта пулга хонандаларни чақиришларини мантиқига нихоят тушуниб етишяпти чоғи.

Оддий дискларда хонандаларсиз ўтган ўзбек тўйидан бир танишим:
-Ишонасизми хонанда келмагани умуман сезилмади. Тўйга хар-хил қизиқ шоу ва жонли мусиқачилар таклиф қилинган бўлиб, кечани қизиган пайтлари Озод дейсизми, Юлдуз дейсизми, Шахзодами хаммасини ашулалари шунақанги кетма кетлик билан махорат билан қўйиб борилдики хеч ким хонанда қани демай мазза қилиб рақсга туша бошлашди. Биргина диджей шунақанги зўр олиб бордики мазза қилдик. Одамларни рухияти ва ўйнаётганларга қараб танлаб орасини узмай роса қизитди. Ёшлар кўпайганида бирдан машхур хориж хитлари билан аралаштирганида тўй дискотека бўлиб кетди. Эхеей тўйда хуллас Модерн Токинг, Шакираям, Брежневаям "келди" хуллас. Манам шунақа уйланмоқчиман, уйдагиларгаям маъқул келди.


Нилуфар, уй бекаси 38 ёш
-Қаранг хам тўйда хамма артистларни қўшиғи бўлибди, кейин қанча пул ёнгга қолган. Зўрку. Ўғлим 16га етди, уйлангунча урфга кирса керак, ўша хонандаларни дискига кетадиган пулга уларни асал ойига жўнатамиз.

Дилором ая 60 ёш
-Вой зўрку. Артистлар жонли ижро қилишса тўйга келишадиган бўлса бошқа гап. Мана шу янги дисклик тўйни қонуний расман чиқаришса бўларди, энди хар холда қуда тарафдан уялмай шартта айтардикда ана қонун чиққан артист келмайди деб.

Нозима Рахматуллаева 27 ёш юрист
-Яхши ўйлашибди. Эконом катта бўлади. Исрофгарчиликни хам олди олинади. Қонунга келсак, бунда қонун бузилмайди, чунки тўй бу оилавий байрам ва унга чипталар сотилмайди, дискда исталган хонандани диски билан тўй ўтказса бўлади. Фақатгина дисклар лицензион ва қонуний тарзда сотиб олинган бўлиниши керак. Диджей агар диск қўйиб турганига пул олса унинг хам лицензияси бўлиши керак, агар тўйда джиджейликни хонадон эгаларидан кимдир шунчаки қўйиб туриш билан ўз зиммасига олса лицензия шарт эмас.

Одил Рўзиев тадбиркор 42 ёш
-Тасаввур қилинг мехмонларга ёзиладиган дастурхон нархи билан хозирги битта машхурнинг келиши хам бирдек бўлиб турса. Ундан кўра икта тўй қиламанде, битта зўр диджейга майли шу 100-200 доллорни атарман. Зўр нарса ўйлашибди.

Сирли қолишни истаган бир мини диск қўядиган йигит
-Қанча санъаткорлар навбат талашиб бир-бири билан муносабати бузулиб кетди. Мини диск ўчиб қолишлариям кўп бўлган, энди тўйлага бизлар керак бўлмаймиз. Бир тарафдан яхши свет кетиб қолсаям жонли куйлашади.

Бир шоу-бизнес оламидаги мансабдор инсон фикри:
-Тўппа тўғри, тўйлар хозир 21да тугашни бошлаяпти, одамлар аста секинлик билан кета бошлагач "Кетмай туринглар хозир Озод келади" деган гапи кулгулик. Ахир тўй Озодники эмас, икки ёшники бўлса, хонадон эгалариники бўлиб Озодни кутишадими?

Деярли хар куни тўй ўтказиладиган ресторандаги официант:
- Тўй бошланганидан озгина ўтмай халиги баданга ароқ қирганидан кейин ким келди фарқи йўқ бўлиб кетади, ашула бўлса бўлди. Машхурлар асосан мактаб ёшидаги қизларга суратга тушиш учун керак бўлади. Шунинг учун диск қилингани яхши, мактаб ёшидагилар   хар хил ичганларниям камроқ кўришади. Энг асосийси оёқ тагида камроқ ўралашиб, вохлироқ уйларига бориб ухлашади. 


Мана шунақа гаплар!
Янги давр, хонандаларсиз тўйлар ва эконом даври келмоқда!
Аслида хам санъаткорнинг жойи сахнада, ёки тўйда бўлса жонли ижрода!
Мини дискни энди текинга хонандаларсиз айлантирамиз!

Сизларнинг фикрингиз қандай?