Аноним қизлар сайтимизнинг таниқли лойихаси бўлган "Севганимга аталган нома"дан мисраларни куйлашди))

Тасодифни қарангки, бу сафарги ойнинг 4-санаси айнан "Пайшанба-мухаббатлик" рукни кунига тўғри келган ва афсуски анчадан бери сайт юзини кўрмаётган "Севганимга аталган нома"  лойихам тарихида бу учинчи қўшиқ бўлди. Биринчиси Али Отажонов-"Беғуборим" ва иккинчиси Нарминнинг "Кечмас" қўшиғидаги мисралар шу рукнимдан эди.

"Шайдо" гурухининг бу "Соғинч" қўшиғини тинглаб ундаги нақ икки жойида "Севганимга аталган нома"даги икки машхур монологдан парчани топинг ва изохда кўрсатинг. Топганга совға йўқ, шунчаки ўзимга  қизиқ)))

АЛОХИДА УРҒУ БИЛАН ТАЪКИДЛАЙМАН: Бу қўшиқдан кейин мазкур гурухни сайтимиз ва ёки менинг шахсий промоимдаги лойиха деб ўйлашлари аниқ! Аммо рости, бундай эмас! Бу гурухга алоқадорлигимиз йўқ, шунчаки "Севганимга аталган нома"ни  "Шайдо" гурухи қизлари ёқтириб кузатиб боришаркан ва улар куйлашдан аввал  рухсат сўрашди. 

Ўз ижодий тарихида 4-октябрь, Қурбон Хайити куни соат 22:44да илк "Севаман" қўшиғини премьера қилган сирли "Шайдо" гурухи ўзбек  шоу-бизнес тарихига хам илк аноним гурух сифатида кирмоқда.

Хар ойнинг 4-санасида соат роппа-роса 22:44да "Шайдо" қизларидан янги қўшиқ премьераси! Ва ноябрь ойида  гурух қизлари ўзларининг иккинчи "Бор овозинг билан" номли  қўшиғини сизларга тақдим этишганди. (манбаа)

Шу икки қўшиғидан кўпчиликка манзур келган қизларни йўналиши янгилик бўлмоқда эканлигини мухлислар эътироф этишмоқда.  Танқидлар хам албатта бисёр, айниқса талаффуз борасида. Билмадим, улар изохлардан етарли хулоса қилишган бўлса керак. 

Эслатиб ўтаман:

Сиз бу гурух қизларини на суратини ва на ўзларини кўрмайсиз! Тўй, концерт  ва тадбирларда хам кўринишмайди. Клип ва суратлар хам кутманг! Фақат муаллифлик қўшиқлари хар ой тақдим этиб борилади. Айни дамда гурухнинг 3-4та қўшиғи бор ва қолганлари илхомга қараб ёзилмоқда.   Гурух хақида фақат шугинани айта оламан. Бошқа маълумотлар йўқ ва бўлмайди хам. 

Тасиксдан кўчирмоқ 4мб

Муқобил тасиксдан

Саундклауддан 

Ютубда