Нафақат биз учун балки Россиянинг шоу-бизнеси учун хам Пугачева хоним сизни танлагани кутилмаган янгилик бўлди. Батафсил айтиб берсангиз.

-Икки ойларча аввал "Радио-Алла”дан менга қўнғироқ қилиб Алла Пугачеванинг интервьюсида иштирок этишимни таклиф этишди. Бу радиолойихада Алла Пугачева бир соатлик эфирда янги чиқиб келаётган ва ёки ўз ижодида мустахкам ўринга эга артистлар билан жонли мулоқотда бўлади. Ўша пайтлар Москва шахрида бўлганим боис албатта розилик билдирдим.

Шундан кейин икки кунлар ўтиб Алла Пугачева билан радиода сухбат қурдик. Шундан сўнг мени "Алла иқтидорларни изламоқда” кастингини финал босқичига таклиф этишди. Айнан ўша ерда Алла Борисовна менга ўз совғасини тақдим этди. Бу қувончли сюрприз бўлди.

 Радиодаги Алла Пугачева билан сухбатни кўчириб олиш:

1-қисм

2-қисм

Биз учун албатта бу катта қувонч ва ғурур хиссини уйғотади. Лекин худди шу хиссиётни Россия шоу-бизнеси хам хис қилаётганига шубхам бор. Хозирда энди нималарни хис қиляпсиз? Чўчиш? Россия оммаси олдидаги маъсулият ёки?

-Менимча айтарли фарқи йўқ. Албатта Россия катта ва одамлари хам кўп. Лекин у ерда хам, бу ерда хам турли мусиқани тинглайдиган одамлар бор холос. Шунинг учун чўчиш хиссини сезиш учун сабаб йўқ. У ерда хам хамма ердаги каби шундай одамлар.

Европадаги ютуқларни Россия шоубизнесидаги ютуқлар билан таққослаб бўлмайди. Балки Севара Европадаги ўз аудиториясини топа олмагандир? Эндиги режалар қандай? Севарани Европадаги ўзбек фолькини тарғиб этилиши алохида хурматда эди, Россиядаги фаолият қай тарзда кечади энди?

-Нима учун Россияда куйлаётганим, бу балки Европада уддасидан чиқа олмаганим учунми деган савол мени уялтиради. Яъни мамлакатлар ва уларнинг тингловчиларини таққослашлари хақида айтяпман. Аксарият МДХ вакиллари каби мен хам рус тилида сўзлаша олганим учун, ўзбек тилида куйлаганимдек рус тилида хам бемалол куйлай олишим оддий хол. Ва мен аввалроқ русийзабон альбомимни ёзмаганимдан афсусдаман. Сўнгги «Так легко» альбомимдан ташқари яна бир шундай альбом ёзаман, ва бунинг устида хозир ишламоқдаман.

Европага тўхталадиган бўлсак:  Яқинда Европа ва АҚШда менинг ижроимдаги ўзбек халқ классик қўшиқлар жамланган албомим тақдим қилинади. Уларни ўзбек классик қўшиқлари усталари билан биргаликда ёздим. У ердаги "Тортадур” қўшиғига ишланган клипни youtubeдаги сахифамда томоша қилишингиз мумкин. Бу альбомим икки ой ичида тайёр бўлади.  Мазкур альбомни Ўзбекистонда хам  топиш мумкин бўлади.  Шунинг учун худудлараро узилиш йўқ. Бундан ташқари янги эстрада альбомим устида хамон ишламоқдаман. Оханги жуда оғир, жуда бир попса хам эмас. Кейинги йил тугатсам керак. Бу альбомим чиқишига қадар сизга кўпроқ батафсил маълумотлар тақдим қиламан.

Яқиндагина "Бу оқшом” қўшиғимни фильм учун ёздим.  Бу қўшиқ Зиёд Эшонхўжаев томонидан анча аввал ёзилган. Менга бу қўшиқ жуда ёқади ва Зиёдга менинг "версия”м хам ёқди. Бу хақида маълум қилиш учун хозирда омадли ижод қилаётган Москва шахридан қўнғироқ қилди.  Шунингдек ремикслар ва қайта аранжеровка қилинган қўшиқларим, хамда чиқишлар иштирокларимдан ДВД хам тақдим қилинади.

-Йўқ, умуман бундай туюлмаяпти. Сизга шундай туюляптгандир. Ўзим истаган иш билан машғулман. Янги қўшиқлар ёзяпман, чиқишлар билан иштирок қиляпман. Яна нимани исташим мумкин? 6/8 турдаги тўйбоп қўшиқлар билан бир умр тўйларда хизмат учун ижод қилишимни истамассиз? Мана шуни рейтинг деб атай оласизми? Бунинг учун сизларда мингта артистлар бор. Мени ўз холимга қўйиб истаган нарсамни қилишим учун рухсат берсангиз.