Сентябрь: Озода хонадонида тўй, жонли ва гала концертлар... - 31 Августа 2013

Сентябрь: Озода хонадонида тўй, жонли ва гала концертлар... Yangiliklar

-Сентябрь ойи байрам тухфаси Насибахоним Абдуллаеванинг "Ёшлар" телеканалидаги "Олтин микрофон" дастуридаги жонли ижросидаги қўшиқларидан бахраманд бўлиш билан бошланади.

1 сентябрь соат 19:30да "Ёшлар" телеканалини томоша қилишни унутманг!

Дарвоқе, Тошкентдаги "Букенгем саройи"да истиқомат қилувчи халқ артистимиз, жорий йилнинг 14-15 ноябрь кунлари яккахон концертини тақдим этишни режалаштирган. Батафсил маълумотларни бироз кейинроқ тақдим этамиз.

Хозирча, концертда Насибахонимдан қандай қўшиқларни тинглашни исташингизни изохларда қолдиришингиз мумкин, концерт дастур режаси тузилишида у инобатга олинишини Насиба опа маълум қилдилар.

-6 сентябрь, куз фаслининг илк жума кунида "ФАХРЛИ ИНСОН" хайрия лойихасини тўлиқ турида давомлаймиз. Хабарингиз бор, 2-август куни фақатгина мазкур лойиханинг моддий турини ўтказиб, Рамазон ойи бўлгани туфайли қон топширилмаганди.

Қон топширишдаги бир ой танаффусни билдирмаслик учун, қанча кўп ихтиёрий донорларни таклиф қила олсак, шунча яхши.

6-сентябрьдан доимгидек тартибга кўра, аввал қон топшириш акцияси соат 14:00дан то 17:00гача Қон марказида (Манзил: Тошкент шахри, Ш.Руставели кўчаси 138 уй манзилида кутамиз. Ориентир: Жанубий вокзал мостига етмасдан "ҚОН МАРКАЗИ".) ва соат 17:00дан 18:00гача шифохонада моддий хайрия тадбирини ўтказамиз

(Манзил: Тошкент шахри, Қатортол кўчаси 42а уй, ориентир: Қатортол "оптовик" олдидаги кичик чорраха олдидаги Халқ банки ёнидан кириб кетиладиган кўча. Гематология институти, Лейкоз билан оғриганлар шифохонаси. ).

Батафсил маълумот учун манба ва тел: +99894 6446711

-10 сентябрь куни хонанда Шерзодбек ўзининг илк яккахон ва юз фоизли жонли концертини "Истиқлол" санъат саройида тақдим этади.

Бу концертга хам лутфан таклиф этилганлар қаторидан бўлганимиз боис, жонли репортаж билан бўлишишимиз эхтимоли жудаям юқори)

-21 сентябрь куни "Ўзбегим таронаси" гала концертида хит тароналар сохиблари мукофотланадилар.

Бу маросимнинг расмий ахборот хамкори сифатида сайтимизда концертдан он-лайн репортаж бўлиши кутилмоқда.

-25-сентябрь куни Озода Саидзоданинг хонадонида тўй! Май ойида ваъда қилинган турмушга чиқиш муносабати билан тўй эмас, у онлар ноябрь ойларига кўчирилганлигини маълум қилишмоқда.

Озоданинг волидаси Раънохон опанинг 60 ёшли юбилейлари ва Озоданинг синглиси Нилу (Барби)нинг ўғли Абдуллохнинг суннат тўйи , шу куни соат 18:00да янги қуриб битилаётган ховлисида бўлиб ўтади.

"Асл хонанда" реалити шоуси мазкур ховлининг подволидаги медиа-бўлимида суратга олинганлигидан хабарингиз бор.

Тантана хозирги кунда модага айланган ресторанларда эмас, ўша бир вақтлардагидек ховлига файз киритишдек тарзда шу ховлида бўлиб ўтади.

Мазкур тўйга таклифноманинг қутичадек ва ичида бирон мукофот туридек кўринишиданоқ, бу оддий тўй бўлмаслигини тахмин қилса бўлади. Зеро, ховлига қурилаётган декорация туфайли ховли деворларини қайта таъмирлаш ва балки янаям юқорироқ кўтариш керак бўлиши мумкинлигини хабар қилишмоқда.

Шунингдек, Нурсаидовалар оиласининг шу кунги мехмонлари Туркия, Хиндистон ва Озарбайжондан хонандаю созандалари бўлиши кутилмоқда.

Яна айнан шу ойнинг бошида сайтимизда видеолар:

-Нарминдан премьера "Кечмас",

-"Шантаж" лойихаси Фаррух Соипов билан . Озодбек Назарбеков, Юлдуз Усмонова ва Шохруххонга ижодий ва жонли уруш эълон қилган актернинг самаралари билан танишамиз!)

-Канизанинг театр мюзикли "Келинлик" премьераси. Бош ролларда: Али Отажонов, Зухра Солиева, Халима (қизиқ) Ибрагимова , Севара Солиева ва Фарзона.

31-Авг-2013 03:05

Бўлим: Yangiliklar | Чоп этди: Sayyod | Тег : Ozoda Saidzoda, Sherzodbek, Nasiba Abdullaeva

ТЕГИШЛИ МАВЗУЛАРДА:

Озодадан янги тарона!

Озода-Унақамасда. Мп3

Озода Саидзода - Хилол. МП3

Қисқа сатрлар: Ғуломжон, Ўлмас ва Озода!

Юлдузга 200 метрлик совға, Озоданинг 150.000$-лик альбоми. Қисқа сатрларда

Порядок вывода комментариев:

Ёқдими?