2015 йил аълоларини аниқлаш учун санъат оламидаги бир неча  вакиллар ва айрим журналистлар фикрини анкета тарзида йиғиб, хамда мухлисларни изохлардаги фикрлари ўрганилиб аниқ бир тушунчага келдик... Бу хам бўлса 2015 йил ўзбек санъатида энг ижод  тарафлама фақир кечган йил бўлибди. Шу сабаб хам умумий қилиб айтса "ЭътиБОР"-2015-УЗР!

Бир қанча йўналишларда ЙИЛ номига  муносиб бўлганларни аниқлашни иложиси бўлмади. Хусусан эстрада йўналиши бўйича  энг яхши эркак ва аёл хонандалари хам номзодлари бир тўхтамга келинмади. Хитлар йўқ, бироз оммалашган қўшиқлар бўлса хам улар  плагиат ёки  қайта куйланган... шулар хисобига йил хонандаси  деб кимнидир айтиш  адолатсизлик бўларди.

Миллий йўналишда хам йил аёл хонандасига мос бўлганини аниқлай олмадик.  Гулсанам ижоди концертигача сезилган бўлса, Хулкар Абдуллаевага фақатгина бир “Пака пак” учун йил хонандаси дея эътироф этилиши нохақлик бўларди.  

Шунингдек йил гурухи номига монанд ярқ этилгани хам бўлмади. 

Фильмлар оламидаку умуман янгилик йўқ. На биронта қиёфа кашф этилди ва ё эскиларидан биронтаси аъло ишлагани йўқ.  Фильмларни ўзи кам, бўлгани хам эътиборга молик бўлмаяпти. Сценарийни ўзи йўқ. Фақат чехралар хисобига ёки пул ишлаш илинжидаги харакатлар сезилмоқда. Айниқса режиссерлар жуда суст. Балки шу учун хам анкеталарда йил режиссери хамда актер ва актрисалари кўпчиликда бўм-бўш бўлди. Лекин йил фильми аниқ. 

Қолганини рўйхатдан ва айримларига  қўшимча изохларидан тушуниб оларсиз.  

Демак,  Sayyod.com версияси бўйича йил аълолари  "ЭътиБОР"-2015  :

Йилнинг миллий йўналиш  бўйича  аъло эркак хонандаси

Масрур Усмонов

 Йил давомида  миллий йўналишда кўпроқ шижоати сезилган ва  “Онажон” ва “Ўпасим галди” қўшиқлари оммалашган хонанда.

Йил қўшиғи (эстрада)

“Лолажон”-Музаффар Мирзарахимов

Шахсан ўзим йил давомида ва хали хануз кўчалардан шу қўшиқни кўп эшитаман. Қизиғи радиодан эмас, кўпроқ одамлар ўз машинасида қўйиб юрганини кўп эшитдим. Рости хам ажойиб тарона  ва бунга у лойиқ.

Йил қўшиғи (миллий)

“Жим туринг”-Ботир Қодиров,  

Йилнинг  аъло дуэти

Гулсанам ва Фаррух Раимов-“Куёв”    

Ажойиб ижодий тандем! Бундай муносиблик ва махорат билан куйланган дуэтни хозирча кўрмагандим.

Йилнинг   аъло шоу-концерти

Райхон  

Фильмлар мавзусида кечган ва аксарият қўшиқлари жонли бўлган Райхоннинг бу йилги шоусига эътиБОР қаратмай  илож йўқ. У росмана ажралиб турди.  Райхон ўзбек эстрадасида концертни шоу тарзида қилиб бериш бўйича етакчи хонанда.

Йилнинг  аъло миллий  концерти 

Малика Эгамбердиева (жонли)

Йил концертларидан  миллий йўналишдагиларга албатта жонли ижрода куйлаганларни хисобга олдик. Гулсанам ва ёки Озодбеклар бу йўналишда аъло бўлсаларда ёш бўлишига қарамай шу икки устозига қараганда илк концертини жонлидан бошлагани учунам Малика Эгамбердиевани лойиқ кўрилди. Шу тарафлама у бошқа устозларга хам ўрнак бўлди. 

Йилнинг аъло мусиқий альбоми 

Озодбек Назарбеков-“Буюклар бисотидан; Захириддин Мухаммад Бобур”

Йил кашфиёти-янгилиги

Шахзод Муродов

Йил клипи

Сардор Рахимхон-“Тушларимга киринг отажон” 

Йилнинг  аъло бастакори

 Иқбол Мухаммаджонов

Йилнинг аъло аранжировкачиси

Тимур Рахмонов

Йил стилист имиджмейкери

Февзи Ягьяев

Йил раққосаси

Шодиёра Омонова,

Аъло клипмейкер

 Тимур Примкулов

Йил фильми

  «Ажал жодуси»

Аъло кўрсатув

“Кўзгудаги биз” (Тошкент телеканали)

Аъло тележурналист

 Дилшода Матчанова  (“Наво” телеканалидаги “Хаёл манзили” кўрсатуви бошловчиси)

Йил фотографии

Мухиддин Али  

Йилнинг  хурматга сазовор ижодкори

Баходир Ахмедов

2016 йил ижодда қайноқ янгиликлар, хитлар ва "Вах" ила "Ваув"ларни кутамиз.