Биринчи воқеа:

2013-йил декабрьда бир хонанда йигитни устида бизга арз қилиб келган қизни офисда ўша хонанда билан юзлаштириб бу хамма жараённи видеога олгандик. Энди у видеони кўрсангиз...эхеййй...

Хонанда йигит бу қизни  эндиликда  эрга тегиб фарзандлик бўлиб қолганидан фойдаланиб "эринг келса гаплашаман" деб гўёки қизни сирларини эрига айтиб бериш билан оғзини ёпишга харакат қиларди. 

Костюм шимдан то клиплари харажатларигача тўлаган ва буни у хонанданинг атрофидагиларидан ўша клип режиссеригача гувохлигини айтган қизни нияти аслида пулларни қайтариб олиш холос.

Хуллас икки тараф бири дугонаси билан  ва бошқаси эса маъмури билан келган холда роса ташашишдию, бироқ охири хонанда тан ола туриб бу масалани ўзаро хал қилишларини айтади. Унинг хам айтган гаплари хайратланарли.  Қиз уни севиб қолганию, рашк ортидан бу нарсаларни қилаётганини гапириб берар экан, ундан аввал аслида бошқа хонанда у қизни катта пулга "кийдириб" кетганини айтиб негадир унга келганида "принцип"га кетаётганини билдиради. Ха энди сенга келиб чарчагандирда. Хамма артистлар шу бўлса деб))

2000- долларчалик қарзи бўлган хонанда кам-камдан бўлсада қарзларини бериб келган, бироқ деярли қарзни ярмига келганида қизни телефон қўнғироқларига жавоб бермай қўйган ва шу сабаб у қиз бизга келиб барчасини айтиб берган.

Иккинчи воқеа:

Бир машхур гурухдаги йигитча билан боғлиқ машмашада у ўзига севдирган қиздан хаттоки мошина олдирганигача воқеани бизни электрон почтамизга ёзиб бу хақида хамма исботи борлигини билдириб офисга келишни айтдию нимадир бўлиб ўз-ўзидан йўқ бўлди. Ё уйдагиларидан қўрқдими ё оиласи билан шарманда бўлишни истамадими билмадим.  Балки хали яна пайдо бўлар...

Учинчи воқеа:

Яқиндагина офисимизга бир машхур хонандани устидан арз қилиб келган содда қиз айтиб берган воқеалар ва уларга аралашган одамларни эшитиб хайратландик. 5000 доллардан зиёд пулларини у хонанданинг клиплари, онасини операцияси, хонандани ўзини Хиндистондаги операцияси (бу хақида ОАВ хам хабардормас)  ва хаттоки уйига харажатигача қилиб берган содда қиз айби уни шунчаки севиб қолганию, ўша гўёки хонанданинг унга тинмай  эркалаб ёзган сўзлари бўлган.

У хонанда хаттоки ўзини онасини номидан хам ёзганига нима дейсиз? Қизча бечора эриб кетган ва нолийвурадиган севимли хонандаси учун истаган харажатлари учун пулларни топаверган. 

Вақт ўтиб ўша хонанда билан учрашган қиз аслида у хонанда эмас унга тегишли одам эканлиги аниқланади. Кутилмаганда у қизни мошина рақамларини эслаб қолиш қобилияти бўлиб неча мартта ундан келиб пул олиб кетишган бўлса ўша машина рақамлари ва унда пул олиб кетгани келган йигитни тасвирлаб хам бера олди.  Хонанда масалани хал қилишини айтиб кейин эса истасанг ариза ёз деб ўзини четга олади. Хонандани бу қизга берган маълумотига кўра у йигит аслида шу хонандани инстаграмда профилини очган қандайдир бир хакер эмиш.

Бироқ у хакер хонандани сингиллари, расмларигача, оила аъзоларини исмию сингилларини фарзандлари боласини исмигача қаердан биларкин? Юқорида биринчи  воқеа каби бу фирибгар хам қиздан пул олишда клип харажатлари деб кўрсатар экан, у қизга ўша режиссер билан бўлган ёзувларни тақдим этган. Бизда хам бор улар, қизиғи у фирибгар шу хонандани шахсий сухбатларини қаердан олган? Бу масалада саволлар жуда кўп. Айниқса гўёки у хонанда тўйларидан тушган барча пулларни  Таронага  тўлаётгани учун иши юришмаслигию ва маст холатида гўёки хонанда Шахзодани хақоротлаб кейин Тарона билан муносабатлари бузилганигача... Қайси сайтларга уни танқид қилишмасликлари учун у хонанда  пул тўлашигача хамма сухбатлар телеграмдаги ёзувда тақдим этилган.  У хонандани синглисини бола олдиришигача бу қиз шунга хам пул берганию ва уни синглисини таниқли актер хомиладор қилиб қўйганию...хуллас сериал ва детектив бу воқеадан дам олади.

Биринчи воқеа каби бу қиз бизларга барча исботларни тақдим этиб видеога хамма воқеани гапириб берди. Қизиғи хар иккала воқеада бир таниқли клипмейкер режиссер гувох бўлган. 

Хонанданинг маъмури билан боғланганимизда тез орада бу масалани хал қилишларини айтдию бироқ жимлик...қиз эса бизга яна қўнғироқ қилиб ёрдам сўрамоқда. Зеро хонандами ё уни атрофидагилардан биригами пулларни тўлаш учун у  тилларигача сотган ва у тилларини йўқотдим деб уйдагиларни алдаган экан. Уйдагилари эса ишонмай сезиб қолишибди. 

Биласизми бундай воқеалар кўпаймоқда ва "бор ариза ёз, бизга нима?" деганимиз билан санъат оламидаги "альфонслик" мавзусини кўтариш керакку. Холатлар кўпаймоқда...артистларми уларни атрофидагиларми ёш қизларни катта пулларга чув тушириб кетишмоқдаку. Улар хам кимнидир синглиси, боласи...

Айни дамда бу воқеалар юзасидан фото, видео ва тақдим этилган далилий материаллар санъат оламини назорат этувчи махсус хизмат ходимларига тақдим этилиб тегишли текширувлар, бундай ишларни бартараф этувчи профилактик ишлар хамда иштирокчиларни номини очиқчасига маълум қилган холда  сайтда  видеоларни қўйиш  юзасидан харакатлар олиб борилмоқда. 

Балки яқин кунлар бошқаларга дарс сифатида очиқчасига мажлис қилиб бу хаммаси кўтарилиб хаммаёқда эълон қилинар, балки ЎЗТВга махсус кўрсатув ва балки сайтимизда хам чоп этилар, буни  энди тегишли ходимлар хал қилишади. 

Қонундан хабардор бўлганимиз сабабли бу мавзуни кенг оммага борича ўша видеолари билан очиқлаб  тақдим этишда балки (!) қонунга хилоф тарафлари бўлиши мумкинлигини  инобатга олиб тегишли идоралар билан хамкорликда ечим изламоқдамиз.  Бошқа тарафдан эса бу холатлар кўпайганда кўпаймоқда ва кўз юмиб хам кетиш нотўғри.

Шу сабаб тегишли ходимлар шуғулланиб, лозим топишса профилактика сифатида учун хам очиқланади. Зеро машхур инсон билан боғлиқ нарсаларни нафақат ютуқлари балки ўша хатою айблари хам кенг омма кўз ўнгида бўлишини артистлар жуда яхши билишади. 

Хуллас қизлар артистларни қўшиғини тинглангу гапларини эмас!  Нима бўлса хам у артистми бошқами қизболани йигитга   пул беришини ўзи нотўғри! Аввало қиздан пул сўраганиданоқ у қандай эркаклигини қиз фахмлаб , қўпол қилиб айтганда "бор-эй ашулангни айт" девориши керак эди. 

Барибир қизларда хам айб бор. Ашула ва клип гипнозигаямчи шартта кўндаланг қилиб Тўхтаниёз ота колбасаларини паррак паррак қилиб тўғраб ташласангда.  ...кимни севяпсан ўзи...нимаси учун? Кимдир ёзган шеърини ишончлик қилиб куйлагани сенга аталгандек қабул қилдингми ё монтаж ва фотошоп кучи билан гўзаллашган кадрларгами?

Сенга артист пул ишлатиб совғаю гулларга кўмиб ташлаганида хам аввал совчи жўнатишига қараб кейин ўйлаб кўриш керак. Унгача қиз болага нолиб пул сўраган эркак эркакми? Артист бўлсаямде...  

Ха, энди...

Бугунги машхурлик завқи нахотки эртага оилалик бўлиб ўзи хам қиз болани катта қилишдек келажагини тасаввур қилишга қаршилик қилса? Қайтар дунё дегани борку. 

Худога ишонамиз, ундан ишониб омад сўраймизу,  жазосини хам беришига ишонмас бир кунлик бандамиз-а? 

Шу каби воқеалар гувохи ёки жабрланувчисига айланган бўлсангиз,  сайтимиз рақами +99894 695-21-21. Телеграмда хам шу рақам. Хабар, янгилик, видео ва суратларни хам юборишингиз мумкин. Истагингизга  кўра анонимлик кафолатланади.