ХОНАНДА ПАРИЗОДНИНГ  «ЯНГИ ЙИЛ» ҚЎШИҒИГА СУРАТГА ОЛИНГАН ВИДЕОКЛИПДАН РЕПОРТАЖ

Бугун "Ўзбекфильм” павильон-ларидан бирида, ёш хонанда Паризоднинг "Янги йил” қўшиғига видеоклип суратга олинди. Суратга олиш ишлари, тунги соат 24.00 да бошланди.

Суратга олиш майдонига кириб келганимизда, баланд қилиб қурилган катта оқ фонга кўзимиз тушди. Видеоклип айнан, шу оқ фонда суратга олинаётган бўлиб, арча ўйинчоқлари ва зарлар билан безатилган эди. Майдончада байрам шукуҳи, ҳамма қувноқ кайфиятда ва Янги йилни нишонлаётгандек кўринишда эдилар.

Суратга олиш майдонида ижодий гуруҳдан ташқари, хонанда Паризоднинг яқинлари, дугоналари ҳам бу клипда, оммавий саҳнада суратга тушаётган эдилар.

Паризод (хонанда): - Бу клип ғояси ойижоним Дилбар опадан чиқди. Аввалига бошқача қилмоқчи эдик, чунки, клип режиссёри Жонрид акадан оқ-қизил кўринишда, суратга олиш ғояси билдирилган эди. Лекин, кейин ойижоним шу кўринишни ўйлаб, клип режиссёрини чақириб, маслаҳатлашдик ва шу кўринишда суратга оладиган бўлдик. Қўшиқ шеърини ўзим ёздим, мусиқаси ҳам ўзимники. Клипда икки хил кийимда бўламан. Бу клипда мени яқинларим, жиянларим, дугоналарим ҳам суратга тушишмоқда. Клип режиссёри сифатида Жонридни танлаганимизни сабаби, мен уларга ишонаман. Улар аввалги клипларимдан бирида оператор бўлганлар. Улар суратга олган кўп клипларни кўрганман ва менга маъқул бўлган.  

Оммавий саҳнадан сўнг, майдончада танаффус эълон қилинди.

            Клип режиссёри Жонрид билан суҳбатлашдик.

Жонрид (клип режиссёри): - Паризодни аввалги клипларидан бирида оператор сифатида қатнашган эдим. Унда Жасур Шаметов режиссёрлик қилган эди. Бу "Янги йил” қўшиғининг клипини, трек йўналишида суратга олмоқдамиз. Янги йилга атаб, байрамдек (оқ фон ва зарларга ишора қилиб) суратга олинмоқда. Клип Янги йил қувончини етказиш учун суратга олиняпти, деса ҳам бўлади. Клип учун оқ фон бугун кеч соат 18.00 дан бошлаб, 5 соат давомида қуриб битказилди. Бу клипни бошқа, Янги йил мавзусидаги клиплардан фарқи, бошқа клипларда Арча, Қорбобо ва Қорқиз бўлади. (кулиб) Бизда эса улар йўқ. Клип фотоаппаратда суратга олинмоқда. Бундан олдин ҳам бир неча клипларни фотоаппаратда суратга олганман.

            Клипни суратга олиш ишлари давом этарди. Шу пайт кутилмаганда, хонанда Паризоднинг дугоналаридан бири бармоғидаги тилла узугини (бармоғига бироз каттароқ экан) йўқотиб қўйди. Суратга олиш гуруҳидагилар узукни роса излашди, лекин афсуски, узук топилмади.

            Бу орада Паризод кийимини алмаштириб чиқди ва яна суратга олиш ишлари давом этди.

Суратга олиш майдони ҳар доимгидек совуқ, ижодий гуруҳ иссиқ кийимларда. Хонанда Паризодга эса албатта, юпқа кийимларда, совуқда суратга тушиш осон бўлмаётгани билиниб турарди.

Клип режиссёри Жонрид клипга янада байрамона руҳ беришга ҳаракат қиларди. Хонанда устидан сунъий қор ҳамда, зарлар ёғилиши ҳам, ўзига хос ва байрамона эди менимча.

Режиссёр Жонрид томонидан клип бир ҳафтада тайёр бўлиши ҳақида айтилди.

Демак, "Янги йил” клипининг премьерасини ҳар доимгидек, биринчи бўлиб, "Sayyod.com” сайтида кўришингиз мумкин.

Кириб келаётган Янги йил барчамизга муборак бўлсин!

Феруза Фаттохова

Саида Вахобова

 Янги йил қўшиғини хозирданоқ сал пастроқдан кўчириб олишингиз мумкин.

Қўшиқ жуда ажойиб чиққан, биз тавсия этамиз!