Бугун дўкондан керакли нарсаларни харид қилиб чиқар пайтимда бир аёл қараб-қараб қўйдию, чиқиб кетганимдан кейин орқамдан етиб келиб,  "дардини"  гапира кетиб йўлма-йўл чоррахагача қизиқ воқеани айтиб беради: 

- Сизни сайтингиз бор а? Вей, бир нарсани ёзсангизчи. Ўзи "Мавлид" деган нарсаларга тобим йўқроқ, халиги аёллар туғулган кунига ёки биронтаси ўлиб қолган бўлса шунга атаб тик туриб хам ўқийдиган маросим борку, шуни айтяпман.  Яна бошидан охиригача фақат шу еб-ичиш билан ўтади. Ўзи бунақа нарсалар мумкинмас хам, ширк хам дейишади қайдам, энди иримлари бор, хамма хотинлар борганидан кейин битта сиз йўқ деб турсангизам бўлмайди. Ўзи бир-икки мартта борганманми йўқми. Бугун қудам қўймагани учун бир маърака сабаб ўтказилаётган  "Мовлуд"га бордим. Энди шу десангиз икки отинойи чунонам бири олиб, бири қўйиб ётибдики...

Энг хайратланарлиси, бирданига онажонинг рози қилу, отангга қулоқ сол мавзусида ашулаям этиб кетишса денг. Оғзим очилиб қолди. Яна бир-биридан ўзаман дейишадия.

Товба, отинойилар хам "ЗвИзда" бўлишмоқчими? Энди қўшиқ айтмаган шулар қолувди. Ўша захоти кўз олдимга сайтиз келсаде (хандон отиб кулади). Ўзим сал замонавийроқ аёлман, айбга буюрмассиз, агар хато қилган бўлсам дейманда, қайдам билай, ўзи шу "Мавлуд"ини яхши тушунмасам, буёқда гала-концертга айланиб кетаётгани энди ошгандир дейманда. 

Бу аёлни воқеасидаги "Мавлуд" тушунчасини адашмасам Пайғамбаримиз САВни таваллуд айёмига шодлик рамзи сифатида ўтказиладигани ва унда  саловотлар билан  ўтиши тури хақида билардиму аммо бу тури ва айниқса унда қўшиқ хам айтилишини энди эшитишим. Нашид? Сизлар нима дейсизлар?