Ҳозирги кунда ким биландур кўпроқ гаплашиб қолманг, деярли ҳар куни ойнаи жаҳон орқали намоиш этилаяпган “Опа – сингиллар” сериали ва ундаги Икром образи ҳақида суҳбат кетади. Шунинг учун сизларга Sayyod - media жамоаси фикрлари билан бирга кўпчиликнинг сериал ҳақидаги фикрларини турли диалог ва интернет тармоқларидан олиб кўрсатишга ҳаракат қилдик. 

Фейсбукда бу сериал хақида биронта ижобий фикр олмадик:

ВаЦап ва Телеграм оламидаги группаларда шиддат билан тарқалган "демотиватор":

Қизиғи, негадур ҳамма Икромни жуда бўлмаса ургиси келади, жахли чиқиб кетганидан. Нима учун? Жавоб ҳам битта: 120 – серия, лекин ҳали ҳам биттаю – битта севгилиси Насибага эриша олмайди. Ҳаттоки, Самарқанддан Тошкентга келиб, қизнинг уйи олдида туриб, эшик қўнғироғини босишга ботина олмай, автобус бекатида лаллайииииииб ўтиради. Ундан кейинчи? Ундан кейин амаллаб қизнинг уйига кирдинг, билиб турибсанки ҳали уйланмаганингни Насиба билмайди, нима учун айтмасдан, ёнидан кетгач яна ўйлайсан? Қандай қилиб бу даражада бўш бўлиш мумкин???

Актёрга ҳам қойил қолдим, шу (одамларнинг тили билан таърифланганда)  “шалтоқ йигит” образини маромига етказиб ўйнаган, қараб туриб, ҳоооооозир йиғлаб юборади деб ўйлайсиз. Шу актёр кўчада юришга ҳам қўрқиб қолгандур одамларнинг ”у” ҳақидаги фикрларию, таъна –дашномларидан. Ёзувчи ҳам йўқ ердан олиб ёзмагандир? Ўзингиз ўйлаб кўринг, ҳозирги замонда камми шундай қатиятсиз феълга эга йигитлар?

Sayyod - media ходимлари томонидан шу сериал ҳақида фикр олинганда ҳам қизиқ нарсаларни эшитдик)

Нодира: “Опа – сингиллар” сериалини оила аъзоларим кўришаётганлигида кўзим тушиб қолса, бир бир кўриб қоламан. Кўргандан кейин асабим бузилади, фақат мани эмас, уйимдагиларнинг хам асаби таранг бўлади. “Шунақа хам чўзадими, ўлсин чўзилмай” деб барибир кўришади)) Охири нима бўлишини билишлиги керакде) Ўзимизни сериалларга хеч хам тушунмайман. 100 дан ошиқ серия қилиб, чўзиб нима кераги бор одамни асабини таранг қилиб? Ўзи борса 1-2 соатли кино қилса бўлади сериални, лекин чўзиб нечтадир серия қилиб юборишган. Сабаб нима? Тв да қўйишга материаллар камлигидан сериалларни чўзиб, ярим соат қўйишвоттими? Шу ярим соатни хам 10 минути рекламага кетса, яна 5 минути эски сериясини қайтаришга кетади ва яна қолган 15 минутида хам тузукроқ воқеа бўлса хам  майли, хаёл суришу йиғлаш билан ўтади.  Ундан кўра қисқа бўлса хам дангалини кўрсатишса бўладику. Сериалда бош ролдаги актер ва актрисалар хаётда хам шунақа “Эзма”ми?) Кўпчилик танишлар “сериалдаги бош қахрамонларни кўриб қолсанг айтгин, илтимос, шартта хал қилиб қўйишсин чўзавермасдан, ўзим кўриб қолсам дўппослайман” дейишганида тушунмасдим)) Кейин ўзим кўриб, нимага ундай дейишганини тушундим.

Дилобар: Ҳаётда ҳам Икром каби қатиятсиз йигитлар кўпайиб кетмоқда, шунинг учу4н қизлар кўпроқ масъулиятни ўз зиммаларига оилада ҳам оляптилар. Менимча, ҳақиқий эркак киши қандай бўлиши кераклигини кўрсатадиган ўрнак фильмлар ишлашса яхши бўлади)

Шаҳло: Ўзи бу сериални кўрмаган эдим, эшитганларим ва ҳозир кўриб турганларимдан келиб чиқиб, яхшияяяям, деб айтдим)

Sayyod: Бир мақоламда артистларимиз ва хусусан эркак йигитларимизни сўнгги пайтлардаги қўшиқлари фақат "йиғлоқи" стилида бўлиб бораётгани ва аввалгидек мардонавор қўшиқлар бўлмаётгани хақида ёзгандим.  Эфир ёшлар тарбияси ва шаклланишида мухим роль ўйнаши сир эмас ва оиласида минг тарбияси рисоладагидек бўлган тақдирда хам ёшларга эфирни маълум миқдорда таъсири бўлади.  Эфирга тобе фанат ёшларнику айтмаса хам бўлаверади. Хўш, биз қандай йигитларни тарбиялаяпмиз? Ўша мақоламдаги фикрларни қайтараман : "Сетора" гурухининг "Борсан" ва Озоданинг "Асрасин" хамда  Равшан Собировнинг харбийлар хақидаги қўшиқ ва клипларини бир эсланг, у давр ёшлари қай рухда тарбияланарди? Сериал балоси қай тарзда таъсир кўрсатиши хақида хорижнинг етук мутаххасислари ўтказган психологик тадқиқотлари хам интернетда бор.  Ўзбек сериали чиқиб йигитларга қандай сабоқ бўляпти, қандай тарғибот кўтармоқда? Эфир юзини нимаики кўрмасин унда барибир тарғибот мавжуд бўлиши сир эмаску. Бу сериалдан эркак йигитларимизни ғазаби ўринли, ўзбек йигитини нафсониятига тегади албатта. Сценарий муаллифи аёл киши бўлса эркак кишини ўз фантазиясидан (ўзига ёқадиганми) келиб чиққан холда тасвирлашида хеч бўлмаса умумийлаштирилган холда ва хеч бўлмаса маслахатлашгани яхшимиди? Ва албатта бунда нима тарғиботни кўтарар эканман деган маъсулият хар бир ижодкорда бўлиши мухимку. Мабодо сценарий муаллифи эркак киши бўладиган бўлса....билмадим  ... урди Худоде буёғи унда.))

Эндиги ўзбек сериалида ҳақиқий эр йигитларни кўрсатадиган қаҳрамонларни кўрармиз) Ўзбек йигитлари шу қадар ҳаёлпарастмасдир оғзидаги ошини олдириб ўтирадиган?

 Нима бўлганда ҳам ўғил бола эркак бўлиб шакллансин, қиз бола ҳаёли, муштипар аёл. Бежизга биз аёллар табиатан эркак кишининг бақувват елкасини суянч қилиш истаги билан вояга етмаймиз)

(P.S: Расмлардаги сериал ҳақидаги фикрлар ва суратлар  мухлислар тарафидан тақдим этилган, шунингдек whatsapp ва телеграмдаги группалардан олинган)

Шахло Қодирова, Дилобар Сухбатова ва Нодира Махмудовалар тайёрлашди.