Бош сахифа » 2011 » Март » 7 » «Олинг қуда-беринг қуда» фильмининг премьераси
07:25
«Олинг қуда-беринг қуда» фильмининг премьераси

«Олинг қуда-беринг қуда» фильми премьераси ёки

кинотеатрдаги кутилмаган "ҳолатлар”

 

6 март куни соат 18.00 да "Алишер Навоий” номидаги (собиқ Панорама) киносаройида "Олинг қуда-беринг қуда” фильми премьераси бўлиб ўтди. Фильм режиссёр Жаҳонгир Аҳмедовнинг навбатдаги фильми бўлиб, унда бош ролларни актёр Алишер Узоқов ва хонанда Нигора ижро этишган. Фильмда шунингдек, актёрлар Матёқуб Матчонов, Исо Абдулхаиров ва актриса Лола Элтоеваларнинг ҳам ижросини кузатиш мумкин.

Фильм намойишидан олдин, кинотеатрнинг катта залига кирганимизда шу нарса кўзга ташланди-ки, катта залда "бироз” таъмирлаш ишлари олиб борилган бўлиб, бу кираверишда энг юқори ўриндиқлардан сўнг, ўрнатилган темир тутқичлардир.))) Лекин, ана шу "таъмир” эвазига залдаги "супер” назоратдан асабларингиз ҳам шошиб қолади назаримда. Залга киришингиз билан қаёқдандир "формасиз” ва ўта маданиятсиз, ходим ва ходималар пайдо бўлишади-да, худди сиз умрингизда биринчи марта кинотеатр аталмиш бир жойни, катта зал деган бир номаълум сайёрасига тушиб қолганингиздек, қўлингиздаги билетга ёпишганча, "жойингиз қаерда?” деб дўқ уриб, баланд овозда ҳақорат қилгандек муомала қилишади. Шу ўринда эскиларнинг бир мақоли ёдга тушади, "амал тегса ......”. Катта зал ўз номи билан катта бўлса албатта залга кириб, биринчи навбатда, атрофга назар ташлайсиз, лекин бу сизни ўз жойингизни тополмаётганингиздан эмас! Бундан ташқари, қўлингизда билет бор ва сиз ёш бола эмассиз! Лекин, кинотеатрнинг бу беформа "амалдор”лари учун, атрофга шунчаки қарасангиз ҳам, сиз умрингизда биринчи марта бу катта залга кириб, ўрнини тополмаётган "..........” бўлиб кўринасиз назаримда. Баъзиларни худди кўзи ожиздек, қўлидан ушлаб бориб, жойига ўтказиб қўйишларини айтмайсизми, ана "меҳру оқибат”! Бу "амалдор” хонимларни овозини айтмайсизми, "Ҳай, ҳай” Зулайҳо Бойхонова "хижолат” бўларди, эшитиб назаримда, нима қилиб кинотеатрда ишлашяпти, ҳеч бўлмаганда консерваторияда ишлашлашлари керак эди.))) Албатта, чиндан ҳам Тошкентга биринчи марта келиб, илк марта кинозалга қадам қўйганлар учун, бу ҳолат "элит” хизмат бўлиб кўринмоқда менимча!

Катта залда назоратни кучайтиргунча, иситкичларни кучайтиришса нима қиларкин?)))).  Бу шахсий фикр албатта, лекин томошабинлар томонидан ёмғир мисол ёғилган талаблар! Назоратни кучайтиришибди, лекин залга маст ва тинимсиз ароқ ҳиди гупиллаб келиб турган кимсаларни киришларини назорат қилишмабди! Бунисига нима дейсиз? Бу "янги амалдорлар” ўша маст томошабинларни кўра-била туриб, ёнларидан индамай тинчгина ўтиб кетишяпти. Уларни оғзидан чиқаётган "ширин” сўзларни эшитсалар ҳам, ўзларини бепарво тутиб, "нормальный” томошабинларга ўзларини кўрсатишяпти.

Хуллас, саҳнада нима бўляпти, ҳеч кимни иши йўқ, ҳамма кинотеатрнинг "янги амалдор”лари хизматидан "рози ва норози” бўлиб, ўз жойларини эгаллаш билан овора. Саҳнада эса, аввалига бир дуэт, (кимлигини таний ҳам олмадим) кейин Санъат институти талабаларининг қандайдир бир номери, кейин эса ниҳоят катта саҳнага фильм ижодкорларини таклиф қилиниши, одатдаги таништирув ва фильм режиссёрига сўз берилиши.

Фильм намойиши бошланди, лекин уни жиддий таҳлил қилиш фикридан йироқмиз. Фақат шуни айтиш мумкин-ки, ҳар доимгидек бой ва камбағал оилалар мавзуси. Ўзини камбағаллигидан "куйган” отани, бу мавзуни фарзандлари олдида, "муҳокама” қилиб, қизини бой куёвга тегишга ундаши (Қойил, бизни оталаримиз шу даражага бориб етишибди! Бой бўлса бўлди, қизини келажаги учун бой куёв керак, қизни ҳоҳиши билан ҳеч кимни иши йўқ), қизларни "трамвай” деб, дуч келган йигитни машинасига чиқиб кетишлари (жип бўлса-бўлди-да!), катта экранда илк бора очиқдан-очиқ "Аватар” деган сўзнинг жаранги,  мебеллар магазинида кап-катта ота-онани "қочиб”, шкафлар ичига беркиниб юришлари, камига йигит киши эканлиги кўриниб турган бир йигитга қиз бола деб мурожаат қилиниши, машинани орқасидан урилишини умуман ўхшамаган эпизоди (номига бўлса ҳам, машинани уриб қўйиш керакмиди ҳеч бўлмаса), ота-онани деб, бир-бирига асло мос тушмаган йигит ва қизни ўзаро "мажбур”ликдан топишишлари, ҳамда уларни фильм давомида атайлаб эътибор тортиш учун кийган кийимлари. Агар санаб ўтсак, бу каби "таъриф” лардан тил ожиз. Тўғри кинода ҳамма нарса бадиийлаштирилади, лекин бу даражадаги "бўрттириш”лар, томошабинларни "мажбуран” йиғлатиш ва кулдириш учун ўйлаб топилганлиги, шундоқ кўриниб турибди назаримда.

Хулоса ўрнида, шуни айтиш мумкин-ки, ҳар бир фильм ортида ижодкорлар меҳнати туради, лекин шу меҳнат ўз ўрнида, томошабинларга нимадир бера оладиган фильмлар учун сарфланса яхши бўларди менимча.

Феруза Фаттохова

Бўлим: TV | Teatr, Kino.uz | Кўрилган: 8877 | Чоп этди: Sayyod | Теглар: bering quda, Oling quda

Нравится
Барча изохлар: 32
1 shuhrat   (07-Мар-2011 08:13) [Материал]
алишер узоков бироз дам олса булармиди..купчилик чарчади ундан..

2 robiya   (07-Мар-2011 09:30) [Материал]
nu daaaa bu zalni ta'mirlashgan bulsa xalqda nima ayb~!

3 Shirina   (07-Мар-2011 09:47) [Материал]
на всех фильмах одно лицо!

4 Хасан   (07-Мар-2011 10:15) [Материал]
ТВ да Жахонгир Ахмедовни жаа мактаб хит булган "Уйланиш", "Тундан тонггача" фильмлари режиссери дейишмокда. Манимча бу режиссер фильмларини туйма-туй куйиб юргани яхши. Бир хил мавзу, бир хил башара. Алишер Узоков хам берган интервьюсида ёкмасам курмела фильмимни "ана бумасам" дейди. Шуям гапми. Хакикатдан кетган вактинга ачинасан...

5 bittasi   (07-Мар-2011 10:34) [Материал]
sayyod siz maqolani qotirasiz ammo yuqoridagi maqola muallifi feruza opa ham sizdan o'tib ketamila deyman bu ketishda shou-biznesni sevmasam ham yuqoridagiga o'hshagan saviyasiz filmlarni tanqid qiladigan saviyali maqolalar uchun ham saytga kiraman ishlariyizga omad tiliman

6 YOO   (07-Мар-2011 10:56) [Материал]
Oybek -ni surati kino premyera ikan halosu. Boshka sayt u suratni olib bilib -bilmasdan uylandi deb yozib chikibdi. (Ahmoqlar). Yahshiyam siz bor Sayyod tugri info berasiz bizaga, bumasa ishonib keraveramiz. SAYYOD-ga kotakon RAXMAT usa-dan :)

7 FAYZIXON   (07-Мар-2011 11:22) [Материал]
Гохида биряримсоат вактимни бекорга кетганидан пушаймон ейман узбек кино кураман деб.Бемани кинолар купайиб кетган.

8 Малыш   (07-Мар-2011 14:09) [Материал]
Алишерга нима булябди?Охирги махалда ножиддий киноларда куринуриб зериктирворди!!!Манимча кино булса булди уйнеман деюради шекилли...Адиздан урнек ол))) Бу уйнаган киноларими кейинчалик одамлар куради,тарихда колади озми-купми деса буларди...Майли омадини берсин.

9 NARLINA   (07-Мар-2011 14:56) [Материал]
Haqiqatdan Feruza opani yozish uslubi Sayyod akanikiga uxshar ekan! Bir- birlarini ish jarayonida ham juda yaxshi tshunishsa kerak manimcha! maqolaga kelsak haqiqatdan to'g'ri aytibsiz "amal tegsa...." deb! bu mavzuda jiddiy uylab hal qilishsa bulardi kinoteatr AMALDORLARI... Raxmat yana bir yaxshi maqola uchun!

10 Azamat   (07-Мар-2011 15:04) [Материал]
Maqola ma'nosidan bu film ham yana bir kundalik mavzudagi filmga o'xshaydi. Nahotki, bugungi kun kinoijodkorlari barcha tomoshabinlarni birdek axmoq deb o'ylashsa? Ular kinomuhlis oldida, hech qanday ma'suliyatni sezishmaydiganga o'xshaydi... Nigorani nima uchun filmlarga aktrisa sifatida taklif qilishlariga hayron qolaman. Unda na qobilyat na o'ziga hoslik bor. Rol o'ynayotganda yuzida his-tuyg'u sezilmaydi...Shunday bo'lsa ham, o'zbek kinosi ixlosmandlari ijodkorlardan doimgidek yaxshi va bir necha bor tomosha qilsa ham jonga tegmaydigan filmlar kutib qolishadi.

11 QALQON   (07-Мар-2011 16:54) [Материал]
Feruzaxonni gaplarida... barcha gaplarida... 100% haqiat yotibdi.

1. Alisher Navoiy nomli san'at saroyida bo'layotgan ishlardan bobomiz Alisher Navoiy ham afsuslangan bo'lardilar. Ushbu nomni yukini ko'tarish va unga loyiq bo'lish kerak. kinoteatrda ishlaydigan deyarli barcha ishchilar pul qilish bilan ovoralar. Feruza etgan formasiz nazoratchilardan faqat ularmas ancha buncha kinoteatrga keladigan muxlislar aziyat chekishgan yoki bo'lmasa g'ashlariga tekkan.

2. Eshikni tagida sumkalarimizni tekshirib turadigan militsiya xodimlarni ishlariniyu gapirmasayam buladi. Buni ancha buncha odam bilsa kere. SHundoq bo'lsayam bilmaganlar bilib olishsin. Esimni taniganimdan beri Alisher Navoiy sa'at saroyiga kino ko'rishga tushaman(deyarli 10 yilcha bo'pti), shundan beri bitta militsiya xodimi o'zgarmagan. Buni sababi ular doim mehnatdalar. Guruh bo'lib keladigan muxlislardan kassadagi narxdan kamroq pul olib kirgazib yuboradilar. Qoyilmisiz.

3. Bilet yirtadigan, kinozallarga tomoshabinlarni yo'naltirib turadigan baqiroq hotinlaram o'z ishlarini "uddalashadi". Shunday ko'rkam joy shinam zallari bor san'at saroyini hodimlaridan dod deysiz.

4. Manimcha hamma ishchi-hizmatchilarni saragini sarakka-puchagini puchakka chiqarish kere. Hech bo'lmasa muomaladan dars berish kere. Saytdan foydalanadiganlar orasida ancha buncha vatandoshlarimiz dunyoni eng rivojlangan davlatlarida mehnat qilib o'sha erning madaniyatini ko'rib yurishibti. Mana masalan oddiy narsa. Kim qaysi davlatda yurgan busa hech bo'lmasa bir marrta kinoga tushgan, u yerdagi sharoit, muxlislar madaniyati haqida oz-ozdan yozsa ham, tekkan odamga foydasi tegadi.

Hulosa o'rnida: Biz buyuk insonlar avlodlarimiz. Fan-madaniyat darg'alari etishib chiqqan makonda bunday ishlarni bo'lishi albatta yaxshimas. Befarqlikni yengsak hammasini uddalaymiz.


12 zuxraxon   (07-Мар-2011 18:50) [Материал]
Feruza Fattoxovani oxiridegi xulosalariga 100 foiz qo`shilaman. Feruza Fattoxovaga va Sardor aka(Sayyod)ga raxmat va omad.

13 armonli_bola   (07-Мар-2011 20:06) [Материал]
kino xam tayyor bo`ptida

14 gul   (07-Мар-2011 22:07) [Материал]
kino chiqarsayam yomon chiqarmasayam yomon nima qilish kk azamat o'zizi bitta sahnaga opchiqib qo'yish kkde ko'ramiza keyn nima qilas bitta gap gapiromasez kk tak shto o'ylabro gapirin. amaldorlaga esa qo'shilaman. ijodkorlaga esa omad yanayam yahshi kinola kutib qolamiza.

15 Shahnoza1990   (07-Мар-2011 22:34) [Материал]
Da rosayam ko'peyib ketti shunaqa be'mani kinola.... Super Kelinchak zo'ridi biggrin angry

16 HOLIS FIKR   (08-Мар-2011 01:26) [Материал]
voy odamla SUPER_GIRL madaniyat haqida gapirvottimi,voy hozir ichagim uzilib qoladi,odam shunaqa sukinib,tupoy deb gapirishligi madaniyatga kiradimi,saviya deganda nimani tushunasan madaniyat degandachi,bu ikkalasi sanga ancha yiroq narsalar,yaxshisi san madaniyat haqida gap ochma,kurdik qanaqa madaniyatli ekanini,8-mart sahifasida ham hamma sani madaniyatliliginga qoyil qolib odamla sharhla yozishdi,avvalambor madaniyatga birovni hurmatini joyiga quyib gapirishlik kiradi,sanda unaqa narsalar yuqku,superligingni kursatishing shartmas,uzingcha madaniyatli ekanini kursatmoqchiding ,uje kupchilik bildiku sani qanaqa madniyatli saviyali ekaningni.

17 Asxo'j   (08-Мар-2011 01:28) [Материал]
Sayyod nimaga maqolani boshida Oybek bilan hotitni rasmi turibdi tushunmadim ularni nima aloqasi bor bu filmga?

18 HOLIS FIKR   (08-Мар-2011 02:31) [Материал]
qani avval kino chiqsin,kurib keyin baho beramizda

19 abdul aziz   (08-Мар-2011 12:08) [Материал]
ozi alisher uzoqovdan boshqa artis yoqmi uni kinosini korsam santa barbra serialini korgandek bolaman birhillik birhillik birhillik notogri bolsa uzur.

20 ShoxRux   (08-Мар-2011 20:18) [Материал]
Sal bosh ro'ldgilar mos tushmabiyu dry lekin ko'ramiz saytlaga chiqsa yangi kino yangide biggrin

21 Risolat   (08-Мар-2011 21:16) [Материал]
Manimcha film bunchalik yomon chiqmagan. Komediya janridagi bu filmda haliyam dunyoda halol, pok insonlar va ana shu insonlarni hurmat qiluvchilar ham borligi ko'rsatib berilgan. Qizini boyga tegishga undovchi ota esa qizi o'zi kabi qiynalishni istamaganidan, manimcha.Kamchiliksiz ish bo'maganidek, filmni ham kamchiliklari bor. Lekin, umuman olganda film manga yoqdi. Kinoteatrdan chiqar ekanman, ko'pchilik "Yaxshi film chiqibdi" deyishganini eshitdim. Bu mani shaxsiy fikrim!

22 Ali_Said.uz   (09-Мар-2011 03:08) [Материал]
Avvalambor 8-mart xalqaro xotin qizlar kuni bilan barcha ayollani tabrikliman. Feruzaxon Fattoxova man bu insonni uncha yaxshi tanimiman lekin qivotgan tanqidlarihaqiqiy "professionalla"ga xos bu yutug'iz bilan tabrikliman lekin bitta narsani yaxshi anglab yetvolish kere oldin usha film nma xaqda o'zi o'tta ko'tarilgan mavzu faqat boy bilan kambag'almas bo'tta xalq orasidigi xar xil ortiqcha illatlaga urg'u berilgan-ku. Filmmi ko'rgan bo'sez:"Teng tenggi bilan dgan gap bor to'ri xotin ula sani tenginmas lekin bulani uyida sani anu minta boy tanishlarini uyida yo'narsa borakan,ya'ni fayz bor" shu so'zzi o'zini azgina tahlil qb ko'rin o'zizchun. Filmlani tahlil qiladigan tanqid qiladigan o'zini mahsus odamlari bo'ladi tanqidga yuzakimas professional yondoshish kere db o'yliman bu mani shaxsiy fikrim. Uzur yaxshi yomon gapla uchun buyam bitta tanqitde manga saytila yoqti lekin ishilada omad. Hurmat bilan
Ali_Said.uz

23 братанларинг   (09-Мар-2011 10:26) [Материал]
Вей бу бач режисер ва бач актердан нимаям чикарди. иккаласи бир бирини коронгида кучоклашиб топишиб чирмашиб кетишган. шунга бачлариям чирмашиб ривожланвотти. Саййотти хикояларини ман куча боласи укиб йиглаганман, нега шунака нарсалани кино киломисанла

24 alp jamol   (09-Мар-2011 11:29) [Материал]
Ho'sh bu maqola kimgadur yoqibdi kimgadur yoqmabdi bu hammani o'zini fikri ammo shuni aytib o'tish kerakki, TANQID BO'LGAN JOYDA RIVOJLANISH bo'ladi,,,
endi alisher rosti uje jonga tegdi,,undan keyin ha deb oybek bojalar ziyoda qatnashib o'ynaydigan kinolarni qisqartirib , san'at sohasida o'qiyotgan talantli yoshlarni chiqarishsa bo'ladi,,,

25 BOBURSHER   (09-Мар-2011 12:18) [Материал]
yaxwi kino ekan >_

26 Ilxom   (09-Мар-2011 14:47) [Материал]
Gapni ochigi Fero'za Fattoxovani fikrlariga qo'shilaman .Oxirgi vaqtlarda bekorchi kinolar ko'payib ketdi. Bir xil mano, sevgi muxabbat bu kinolar sevginiyam iflosini chiqarib yubordi.Qachon qarasang qizning dadasi boy yigit esa nochor axvolda,qizning qimmat mashinasi daxshat xovlisi.Ko'z yosh,dadasiga yigit yoqmaydi birxil mano.O'zbelarda nima faqat sevgimi boshqa temalar xam ko'p. Vatan,Onalarimiz,Shifokorlar xaqida ayniqsa talabalar xayoti xam juda qiziqku.
To'g'ri bunday temada kinolar olinayapdi lekin kam.Xozirgi kinolarda bitta aktiyor ALISHER UZOQOV bundan boshqasi yo'qmi.Borgan sari bachkana kinolarga suratga tushayapdi.Bashqa juda istedodli aktiyorlarimiz ko'pku.

27 nozik   (09-Мар-2011 14:53) [Материал]
Yahshi zali tamirlashibtiku bundan 3 yil oldin panaramaga kalamushlar yugirib yurardi, odamlardan qolgan pop korinlarni yeb

28 zilola   (09-Мар-2011 15:46) [Материал]
hm manam tuwudim haqiqatanam zal juda sovuq ko'cha issiqroq undan ewik oldidigilarga kesek odamni siltalab tawawadi unaqamasde.o'zi oddiy iwchi bo'sa o'zini kimlaga ovoradi ula.filimga kese komediya rasa kulib chiqdim silani bilmadimu ko'rmasdan turib filimga baho beriwila manimcha yaxshimas buyodaa manga yoqmadi yoki bir xillik dib yozasilayu lekin baribiram wu filimlani ko'rasila.og'il bolani sinim dib chaqiriwiga kese manimcha hozirga kelib bollarimiza puwti rangli kiyimlar va sochlarini o'stirib oliwlarini (qizlaga qiyoslawgan)holos man tanqidchi yoki tahlilchimasman bu wunchaki mani wahsiy fikrim.

29 SADAF   (09-Мар-2011 23:49) [Материал]
assalomu aleykum kurmagan buseyam kurgande buldik kinolani kulgili qilamiz dib bachkana faqat bachkana busayam maylinidii odob chegaralaridanam chiqib ketoishvotti ayniqsa ota onaga hurmat masalan poyma poy filmida onasi ugliga qizlani rasmini kursatgani u-n uglidan (OYI HOTIN KERE BUSA UZIM TOPVOLAMAN MANGA DUCH KEGAN QIZZI TIQISHTIRISHNI HOJATI YOQ ) degan gapni eshitvoldi ona bechora lolu hayrooonn bu holatlar kop kinolarda kuzatilvotti ohirgi paytla ahop maylin har hil qizlani kurish yoqmayotgandir balki u bolaga shuni chiroyli qilib tshuntirsa buladiku onaga UTGAN KUNLARDEGII OTABEK HAM ming jahli chiqqandayam bu darajada gap gapirmagan ahir bu kinolarni yoshlar qiziqib kuradi ibrat oladiku hozirgi bollar shu darakaga yetgan busa hali bizni avlodlarimiz qanaqa bulib ketisharkin bilmadim bu gap kimga tegishli stenariygami rejissoygami aktyorgami gap egasini topadi dib umid qilamiz

30 alp jamol   (10-Мар-2011 18:09) [Материал]
sayyod assalom alaykum sizdan bir iltimos bor edi
shu kunlarda alishe uzoqov ja mashhurlik kasaliga uchrab qolgan bir ko'rsatuvida kinoyim yoqmasa ko'rmayla degande,,bu nimasi ahir muslisga ham shunaqa deb boladimi uzi uni kotargan muhlis bolsa,, jumanjiga taklif taklif qilib bir o'rtaga olib razbor qilsayiz iltimos ..oldindan rahmat..

31 odamlar.uz   (14-Мар-2011 13:52) [Материал]
Alisher Uzoqovni ja bozori yurushibdida bachkana aktyor uzi mimgta kinoda suratga tushdi .

32 Javlon   (17-Мар-2011 00:15) [Материал]
Tanqidchilar uzru tilim borakan db gapirvurish keremas..gapniyam o'ylab gapirish kere..silaga shu mani tanqidim... kinoga oldin tushila kn tanqidga o'rin bormi yo'mi o'zila etasila.. kino SUper.. ko'rib maza qildu..4 marta tushdik.. Jahongir Ahmedovga OMAD

dth="100%" cellspacing="1" cellpadding="2" class="commTable">
Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

YUQORIGA!