Ишонсангиз,  умримда нечта клип кўрган бўлсам, аксариятидаги бош қахрамон фотограф бўлиб ё уни ташлаб кетишади, ё унга хиёнат қилишади ва ёки у шўрлик кўзларини суйганига берворади. Ха, шунақасиям бўлган бизни клипларди. Адашмасам Фирдавс деган хонанда бўларди, ўша хонандани клипида шундай бўлганди.

Бизни шоу-бизнесда ё фотографларни рости хам мухаббатдан иши юришмаган, ё айнан фотографлар хонандага ўзини хаётини достон қиладими дейман. Нега энди (майли клипда бўлса хам) айнан шу касбдагиларни  қизлар “кидать” қилиши керак? Худдики бир омадсиз касб эгаларидек.

Мана ўзим тирик гувохиман, бизни сайтимиз фотографларини ошиғи олчи! Хар куни тўйи бор! Лойихаларимизга чаллаб, қизил гиламлар тўшаб ёлвориб чақирамиз.

Биронта артистни тўйда алиштириш ё унга рад жавобини бериш мумкину, бироқ тўй олган фотографни умуман мумкинмас! Осмон узилиб нақ ўша фотографни аппаратига тушади ва у ишсиз қолади. Ирими шунақа эканде)

Демоқчи бўлганим бу соха вакилларини касби зўрку. Нимасига уларни доим омадсиз сифатида кўрсатишга харакат қилишади, тушунмайман.

Бугун хам “Наво” телеканалини томоша қила туриб яна бир мухаббатдан сиқилган фотографни қисқача хаётини клипда томоша қилдим.

Ўзи бекор шу каналга кўзим тушди яна, бўлди энди тўхтаб бўлибман)))

У клипдан кейин бир йигит  Сардор Мамадалиев овозию, Шерали Жўраевга тақлид билан Шохжахондака манерада алланиманидир қийналиб куйлади.

Бу йигит хам камида Андижонлик бўлса керак, ва демакки камида яқинда Шерали Жўраевни навбатдаги ўғли сифатида миш-миш чиқишига тайёр тураверинг))

МУЗТВ, МТВ каби мусиқий телеканалларни гала-концерт ва тақдирлаш маросимини кузатарканмиз, мабодо “Наво” телеканали гала-концерт қилса залдаги томошабинлар учун  бу онлар “Ўйла, эсла, топ” ўйини билан ўтса керак.

Бу ким эди? ха, анави-чи))

“Наво” телеканалини “СоққаИмконНаво” деб номласа хам бўлаверар экан)) Истаган одам пулини тўлаб ўзини кўрсатишга имкони бор) Ё нотўғрими?)

Онда-сонда ретро чекинишларию Жахон мусиқасидан таништириб боришлари учунгина бу каналга  рости хурматим катта!

Хуллас фотографларни омадсиз кўрсатаётган ижодкорларга маслахатим :  клипларда хонандаларни хам хаётни қизиғи қолмаган тарзда кўрсатийлу)) Масалан олдинига қиз уни севади ва у йигит “Наво” каналида куйлаворганидан кейин  қиз уни ташлаб кетади. Ваув, супер клип бўларди бору))

Янада экшн тус олсин десангиз, у қиз ўша хонандани продюсери билан юриб кетадиде, кейин хонанда йигит ғазабда “Товбала қивордим бору, кечдим куйлашдан!” деворганида қиз уни ёнига қайтади. Худди хеч нарса бўлмагандек) Ана зўр ва бахтли якун!)

Хуллас, бу танқидий войдод мақоламас, шунчаки тв томоша қилаётиб келган фикрларни енгил рухда тақдим этдим холос.)

Фотографларга бўлган шахсий фикримни эса бир маротаба тадбирдан репортажда билдиргандим. Шуни эслатиб мавзуимни якунласам:

........ Биласизми, шунча вақт ичида қанча тадбирларда бўлиб кузатишим бўйича, нимаики тадбир бўлса, энг оғир ишни аслида шулар қилади. Бу йигитларга чексиз хурматим. Фақат ўзимнинг ишчимга эмас, аслида   биз билан ишлайдиган фотографлардан ташқари қолганларини  танимайман хам, аммо мана шу  ва бошқа барча фотографларга чексиз хурматимни билдиряпман хозир.

Исталган бир тадбир ё маросимни кузатинг-да, оёқ тагида ўтириб, урилиб-суртилиб, одамлардан гап эшитиб, тик оёқда югур-югури билан неча соат ишлаб кетишади. Аксарият холларда биров уларга ўтириб дамингни ол, чой-пой ичвол хам демайди. Улар мисли тадбирда йўқдек, одамларга кўринмайдигандек. Фақат фотоаппарат чироқларини сезамиз, ишшаямизу кетамиз. Уни ортидаги инсонни мехнати аслида жуда мураккаб ва керак бўлса, хамиша хам тан олинавермайди.

Кўпгина жойда репортаж муаллифи ёки машхур инсон "очко" йиғиб кетади, аммо унинг керакли ва унутиладиган  фундаменти хамиша хам эътиборда бўлмайди. 

 Барча фотографларга хурматим, сизлар борки машхурлар билан халқ дийдорлашмоқда, сизлар борки артистлар мақтанадиганини хам, кўз-кўз қиладиганини хам кўрсатиб олмоқда, сизлар борки уларда махоратингиз орқали чирой ва гўзаллик намоёнланмоқда... Ва нихоят... Сизлар борки онлар тарихларга мухрланажак!

Борингларга шукр!