"Миллион"чилар нишонда! Baxs| Tanqid | Janjal

Ёқдими?

Бошқаларга хам кўрсатинг:

"Миллион" жамоаси 2013 йил ноябрьдаги концертига таклиф қилингандиму аммо, ўша пайт айнан "Сайёд-медиа" маркази очилиш маросими ва Юлдуз Усмонованинг альбом тақдимотига тайёргарлик ишлари билан бандлигимиз боис боролмагандим. Бироқ сайтимиз жамоаси репортаж  ўтказиб келишганди манбаа).

Ўша кунги дастурдан видеолавхалар кетма-кетлиги сайтимизга қўйилгач, бир маълум шубхали сайт махаллийчилик мавзусига ёндошиб,  мақола чиқарганди. Улар менга хам қўнғироқ қилишиб фикр билдиришганида, гарчан концертда бўлмаганимни айтсам хам, ўзлари истаган йўсинда номимдан фикрни мақолага қўшишганди.

Нима учун айнан хозир шунга тўхталиб ўтаётганимни ёдда қолдиринг. Мақола давомида бу нарса калит сифатида роль ўйнайди.

 

Мақола чиққан куни  "Миллион" жамоасининг бадиий рахбари Даврон Кабулов боғланиб, ўша сайтлар бундай ёндошилганликдан ажабланди ва уларнинг жамоасида хам вилоятлик йигитлар борлиги хамда танқид қилганлар исталган тарздаги нуқтадан назар билан ўз фикрини оммага сингдириш нотўғри эканлигини айтганди.

Рости, ўша видеони  қўйгандиму бироқ,  ўзим юқорида айтган бандлик юзасидан тўлиқ кўрмагандим. Шунчаки лавхаларни улаб монтаж қилиб сайтга қўйдим холос.

Мабодо шундай ёмон бўлса, олиб ташлайман деб, уйга келиб видеони кўриб чиқдим. Очиғи, интернетда кўтарилган вайвуй фожеасини кўрмадим ва видеони ўчирмасликка қарор қилгандим.  Бироздан кейин эса кўпчиликдан  мазкур концерт хақида фақат аъло фикрлар эшитдим.

 

2014 йилги концертда хам иштирок этмадим.  Бугунги кунгача ушбу концерт хақида атрофдаги шов-шувлар тинмаётгани боис, хар тарафлама ўрганиб, бугун бунга тўхталишга қарор қилдим. 

 

Ўзим кўрганим: Бозорларда ва турли дўконларда кўпчилик қизиқиш билан "Миллион" жамоасининг 2014 йилги  концерт дискини кўришяптганини гувохи бўлдим. Инстаграм ва бошқа ижтимоий тармоқларда шу концертдан  сахна кўринишларидан парчалар қўйилаётганигача хам кўрдим.

Эшитганим: Чипталар кассага чиққан  куниёқ тугаганини бир икки танишим чипта сўраб қўнғироқ қилганидан.

Мурожаат қилаётганлар: Ооо.... почтаю, ижтимоий тармоқлару ва хоказо ва хоказо. Камига манбаа хам беришибди, анави газета ва манави сайт ёздики, неки сен Сайёд ёзмадинг деб.

 

Тавба, ман кимнидир кетидан эргашганмидимки?  Ўзимни шахсий фикрим бор. 

Берилган манбаага ўтиб, ўша газетадаги мақола билан танишдим... Ўзиям танқидда қизиқчилик санъатидан келишгану югуриб бориб тарбияга бош уришган. 

Ютубдан "Миллион" жамоасининг шу йилги концерт дастурини топиб, томоша қилдим. Мана хозир кўриб бўлдим. 

 

Ижобий: 

Кўпинча сайтимиз бадиий кенгашига тақдим этиладиган ва ўтмаган клип ва қўшиқларни 10-20 секундигача эшитиб тинглайману, шартта тўхтатардим. Бу концертни томоша қилаётиб минутлар рақамига биринчи маротаба қараганимда 20 минутлар чамаси  ўтганди, иккинчи ва учинчисида қараганимда мусиқий танаффусларга тўғри келди, охирида албатта рекламаси кўрингунича кўрдим))

Психология нуқтаи назаридан, бирон нарса одамни диққат марказида 10 минутгача ушлаб тура олишини инобатга олсак, илк чалғиганим 20 минутдан ошган, демакки, йигитлар (ва битта қиз) эътиборни тортиш уддасидан чиқишган. Кейинги диққатни бузгани бу   мусиқий ва реклама танаффусларини инобатга олсак, "Миллион"чилар томошабинни тўлиқ ўз домига торта олган. (Монтажчиям ўзиям ишини севиб, пулини халоллабди)) Динамика супер!

Залдаги томошабинларни бир неча маротаба(!) ўрниларидан туриб қарсак чалганларидан, уларни  кулдириш ва атрофдаги  долзарб мавзуларни оригинал  аниқ нишонга олишганини  тушуниш қийинмас ва бу  тахсинга сазовор.

Умуман олганда 90-95 фоиз концерт натижаси ғалаба бўлса керак. 

Янги нафас, дадиллик! Адолат  нафаси сезилган,  атрофда деярли хаммага маълум бўлган прикол нарсалар, бор бўлган нарсалар, шов-шувли   ходисалар,  долзарб ва оғриқли мавзуларга хам эътиборни қаратиб, маза қилиб кулдирган.

Яна нима керак?

Эътибор қилинг, "Миллион" жамоаси қизиқчилик борасида ўз аниқ вазифасини уддасидан чиқди: хамма маза қилиб кулди. Туриб кетиб хам, сакраб хам, ёнидагиларга беш уриб хам, кулишди.  Чунки бор ва атрофдаги билинган, сезилган нарсалар. 

Менга айниқса тарихий шахсларга боғлиқ театрлаштирилган приколари ёқди. КВНдаги Гарик Харламов ва Миша Галустянни шундай чиқишлари ёдимда, ёрворишарди ўзиям рольга кириб. Биздаги ёшлар орасида  хам шундай ролига киришиб кулдира оладиганлари бор эканку.

 

 

Салбий:

Тўғри, дастурда хаддан ошилган жойлари йўқ эмас, бор! Шуниси билан хам мувозанат шарт, тўкислик идеалликда эмас, у фақат Тангрига хос, тўкисиликда  озгина мурчи ва тузи  хам керак. Йигитлар атайин бир икки жойида чеградан чиққан дея олмайман, хар нарсада ўз хатолиги бор ва керак (кейинги иши учун), олдиндан айнан қайси сахна қандай қабул қилинишини билиш мушкул.  Гурух жамоасига тўғри ва зўр кўрингани  билан, минглаб томошабинлар  дунёқараши ва кайфиятига тушмаслиги мумкин, бу хам бир таваккаллик, шу сабаб  улардан идеалликни излаб ёндошиш нотўғри. 

Ха,  бир-икки чегарадан чиқиб, бошқа сахна кўринишлари каби силлиқлаб, шамадан чиройлик ўтиб кета олинмаган жойлари бор аммо, келинг умумий фоиз билан натижани бахоласак.

Мани фикримда бу концерт натижаси 95 фоиз омадли десам, ўша у бир икки хаддан ошилганини умуман ювиб юборадиган катта кўрсаткич демак.

Ижодий жамоа  ахмоқ эмасдир, концертдан кейин бугунги кунгача бўлган фикрларни эшитишар, кейингисида бартараф қилишар.

 

Тахлил: 

Қизиқчилик ва аскияда хамиша "пошлость" (уятсизлик) БЎЛГАН, бор ва бўлаверади! Айниқса аскиячиликда бу асосий мавзу! Факт!

Бундаги махорати эса, айнан уни иккиламчилик жавоби билан, томошабинни эътирози бўлган тақдирда хам иккинчи варианти билан, бор ва билинган нарсаларга шама тарзида кулдириб, юзаки эса   бошқа варианти билан беркитиб кета олиши мумкинлигида. 

Мана шу иккинчи тури билан "Миллион"чилар ёпа олинмаган (мантиқан оқланмаган) жойлари бор ва лекин кам. Яъни мантиқан сабаб ва икки вариантига жавоб бера оладиган реаллик йўқ бўлган жойлари бор ва шу сабаб хам очиғи хаддан сал ошилган. (Уларини лозим топишса ўзларига айтарман) 

Аммо юқорида айтганимдек, умумий кўрсатгичда бахоланади, ва бу борада камлик бўлгани билан оғири кўпликни босмаслиги мухим.  

 

 

Мана шундай нейтрал ва реал баходан четлашиб примтив тарзда  қилинган танқид муаллифларига:

Матн фаррошлигию қолоқ танқидлардан чарчадикде.  Кўриб турибсан, "Миллион"ни миллионлаб одамлар қабул қилди. Ахмоқми хаммаси? Бузуқми хаммаси...хаммамиз?

Нега бор нарсага кўз юмишга ундайсиз? Тегиб кетдими ё? Ё атроф мухитдан хабардормасмисиз? Редакциядан ташқаридаги холат, ходиса, хаёт ва МУАММОЛАРданам хабардор бўлиш керакдир журналистлар?

 

"Миллион"чилар тақдим қилишган сахна кўринишларидан бирида аския санъатидан парча бор... Очиғи ўзи аслида энг бузуқ шамаларни мана шу аския санъати чиқарган: "Ха, сизни кимга ўхшатдим, унда бундай қилардим"... "Миллион"чилар менимча атайин шунга эътибор қаратишди, "Мана, аслида кулгу санъатидаги бор мавзу ва ёндошиш, биздагиси  янгилик эмас"-дегандек. 

 

Биласизми, "Ёшлар" канали орқали намойиш қилинган мана шу каби аския кўриниши давлатимиз рахбари олдида хам бўлиб ўтганини эфирда кўрсатишгани аниқ ёдимда. Хамма кулганди...

 

Албатта ахир у аскиячилар кап-катта одам а, стажга эга, аския деган НОМи бор, аския САНЪАТИ деган жарангдор номи бор а,  уларни танқид қилишга хам шунақа жарангдор ва стажга эга дух керакдир а?))

 

"Миллион"чилар  янги, ёш,  амбициоз, креатив ва янги нафас, уларни оёғига болта уриш осонроқ-ку, тўғрими?

Бу кимга керак? Кимлар ўзи танқидни ёзяпти?

Тепада айтган калитим: Тегиб кетганлар(дир?) !))

Кимларга тегиб кетаётгани тушунарлидек гўё. Ўзини комплексидан азият чекадиганлар,  ё рости хам ўзи махаллийчилик қиладиганлардир балки?

 

Намуна ким?  

Хожибой Тожибоев...шўрлик ўлиб қахрамонга айландия. Ё нотўғрими? Қўйсангизчи сафсатани, касал бўлганида ким эслади уни? Тириклигида асосан Мирзо театри ва Обид-шоуга югурганлар, бугун қизиқчилик санъатини Хожибой Тожибоев билан ўлчашяпти.

Ўзи қахрамон бўлиш учун ё ўлиш керак, ё бирдан сирли равишда йўқ бўлиб қолиш  ё  қандайдир видеоингиз тарқалиши керак экан.

 

Твдаям юмордаям деградация сабаби ёшларга имконият йўқ!

 Бизникилар ўрганиб қолишган-да, твда тўртта галстукли амақилар қоп-қора хонада бир-бири билан гаплашиб ўтирганини томоша қилиб, "мана шу шаблон шарт нормаси!"- дейишга. 

Шунинг учунам тв бизда ортга қараб кетиб, деградация бўлмоқда. Янгилик ва янги нафас йўқ! Хамма янгисини ёппасига бўғишмоқда ёки мана шунақа қолоқ танқид ёзадиган журналистлар уларни оёғига болта урмоқда.

Нима бу, ёзилмаган қонун кимнидир буйруғи асосида кечяптими? Балки жойини ёшларга беришни истамаётганлар сабабдир?

"Кимга қанақа" ва "7дан 70гача" каби кўрсатувларни кўряпмизми? Борми, ё бошқа яна бўлдими ўзи? Ёшлик-бебошлик учунам бироз нарса бўлсин эй. Умр дарс плантациясида ўтмайдику. Тв бу аввало хордиқ, хамма нарсани ўз номи ва вазифаси борку. Институт ва мактаб нима учун , агар твга шундай шарт қўяверсак? Чарчаб келиб твни ёқсанг хордиқ топа олмайсаней.  Нима бўлса тарбия, дарс , маънавият...

Ўзида бўлмаса бошқалардан талаб қилиш ва масъуллар уддалай олмаётган бўлса бошқаларга юклаш нотўғрику!

 

 

Бугунги давр  журналистикаси 4 тушунча шаблонида ишлайди:

Тарбияни рўкач қилиб, сиёсий фохшиабозликни харфларда безашни тўхтатларинг хой журналистман деганлар! Бор нарсани инкор қилиш керакмас! Нима бўлса, ўрганиб қолишган баландпарвоз сўзлар  ортига яширинган матн тузиб,  оддий бир кичик нарсадан сиёсий ва долзарб муаммо яратишга. Қулай-да а, диққат қаратиш? Нақадар примитив (қолоқ) ва ахмоқона усул. Фу!

 

Агар одамни ўзида (негизида) тарбия бўлмаса, минг тарбиявий ахамитга эга нарсани эфир ва сахнадан қилма БЕФОЙДА!

Тарбияни уйдан олинади! Нари борса махалла ва мактабу институтдан!  

ҚИЗИҚЧИЛИКдан қум борми тарбия излаб?!

 

Томошабинлар залида кап-катта  одамлар, оиласи билан ва хоказоми? Туриб кетсин ёқмаса. Ким зўрлаб михлаб қўйибди? Мана шу нарсани тушуна олмайман, нима бўлса,  занглаб кетган журналистларни ўз рамкасида ўзини осган онги қайтарверган нарсаси:

1. Нима тарбия беради    

2. Нима маъно бор?  

3. Залда кимлар ўтирибди? 

4. Оиласи билан кўриб бўлмайди.

 

  "Маънавиятим, мафкурам, маданиятим ва хоказо бла бла блалар билан  сени пойингда бошимни кесиб қонимни чиқаришсин!" тоифасидан бўлсангиз, умуман қизиқчилар концерт дастурига тушманг ва "Оталар сўзи ақлнинг кўзи" билан кифояланинг.

 Тарбияни қизиқчилик, қўшиқ, клип ва фильмлар бериши шарт эмас! Бу ижод!  Қўпол қилиб айтганда: ундан спрос фақат қалб, фикрлашга ундаш, кайфият ва рақс.  Ижод олами хамиша хам маъно беришга мажбур эмас, маъно бўлса бу плюс аммо мажбур эмас, ижод бу инсонни хиссиётлари учун бирламчи бўлади, кулдиради, йиғлатади, ўйнатади ДАРС БЕРМАЙДИ! Мажбур эмаску!

Томошабинлар залида қаерга келганини билиб келганлар ўтирибди. Ёқмаса хам ўтирибдими, демак, айб сахнадагилардамас.  Хар кимни туриб чиқиб кетиш хуқуқи ўз қўлида.

  Оилавий кўриш учун махсус дастур ва каналлар сероб. Хеч қайси концертда "оилавий кўриш учун тавсия қилинади" деган ахмоқона ёзув бўлмайди.  Шундоғам "Фонограмма орқали ИЖРО ҚИЛИНАДИ" ахмоқона ва кулгулик ёзувни ўзи етарли хозирги даврда.

 

Потолокдан осмонгача ёрилган каллалар:

Тарбия, маъно, томошабин, оила.... Мана шундай шаблон билан танқид қиладиган журналистлар умрини охиригача менимча шу саволни қайтариб, жавоб тополмай ўлиб, мозоридаги мармар тошига шу саволлар битилади хамки, бошқа шу вирусдан захарланаётган журналистларга ўрнак бўлмади. Ё бўлмасам шу тўртта нарсага тўрт деворга урилгандек онгини уравериб янада тупойлашгани қолаверади. Хар бир танқид остига олинадиган нарса индивидуал ёндошувни талаб қилади, шаблонни эмас!  Хар тарафлама нейтрал ва чуқур тахлил хамда ўз ечими мавжуд бўлган холда у тўкис танқид хисобланади. 

 

Ёш ва ўсиб чиқаётган аниқ ИСТЕЪДОДларни оёғига болта уриш билан умри ўтадиган бир шаблондаги истеъдодсиз журналистларга ачинаман....   Истеъдоди йўқлиги сабаб ўзи машхурликка эриша олмай, аламзада,  танқидий мақола номи остида шу арзон ва ахмоқона харакати билан ўзига диққат қаратиб,  бит босиб кетган дипломини оқлаши ёки "куним ўтсин, қорним тўйсин"и учун арзимаган гонорарини оқлашига битган мағзаваси  билан стажи кетмоқда. 

 

Истеъдодинг бўлмаса шартми паразитарлик билан бошқаларни истеъдодини бўғиб ном чиқариш? Духин етса шу аския қилиб бўлса хам сахнага олиб чиқилган долзарб мавзуларни қани газетангда бир кўтарчи!

Қатта ўтираркинсан кейин, хехе))  

Хақиқат юморга ўралган бўлса хам, сенга ва сени редакциянг рахбарига керак бўлмаса, халққа керак! 

 

Тарбия, маъно, томошабин ва оила.  "Миллион"чилар саломлашганидаги танқид остига олинган  қарздорлар приколида  шу залда кимдандир қарз бўлиб қочаётганлар ўз айбига бир эътибор қаратмади дейсизми? Тарбияга таъсирми? Ниятга боғлиқдир? Кулишми? Унда кимни устидан кулинди? Чув тушганлар дейилмадику, қочиб қолганлар айтилдику. 

Яна шу танқид қилинган саломлашганидаги ичкуёвлик майлию, аммо  отасини даврида яйраб, талтайтирилиб, бели оғриб топмаган пул эвазига кўчани чангитиб ўсаётган ёшлар шу куни томошабинлар залида оиласи билан ўтирган бўлса  уларни ўйлантирмадими?

 

Томошабинлар орасида қизлар бор, ота-она бор деганлар...  Болалик, ўсмир, ёшлик, қарилик, йигитлар учун, қизлар учун, эрга текканлар, уйланганлар ва хоказолаб хаммаси учун алохида дастур тайёрлаб чақиришсинми?

Нега танқид қиладиганлар адекват тахлил хам қилишга  фикрлари ва илми хам саёзлик қилгани етмаганидек, ечимини хам бера олмайди? Мана ечим учун савол шу: Хар бир ёш, давр ва оилавий ахвол учун алохида мавзуда концерт дастури тайёрланиши керакми?

Биринчи концертиданоқ "Миллион"чилар асосан ёшлар учун, ёшлар приколлари асосида улар дунёқараши ва кайфиятини кўтариш учун  мослашганини билиш мумкин эди. Иккинчи концертида хам бошқа ёшлардагилар хам билиб тушдими, демак бу "Миллион"чиларни айби эмаску. 

Умуман оилавий кулиб кўриладиган нарсадан, мазза қилиб қотиб кулиш фарқи катта! Хар бир оила аъзосининг ёши ва жинсидан келиб чиққан холда битта оилада хамма кўриб (!)МАЗЗА ҚИЛИБ куладиган мавзу жудаям кам!

Мана юқорида мархум Хожибой Тожибоев тилга олинди. Уни хазиларини оилавий томоша қилса бўларди дейишади. Балки... аммо неча мартта уни хазилларини кўрган бўлсам, биронтасига маза қилиб кулмагандим, очиғи. Машхур иборалару, маъноли приколлар ўз йўлига ва бу плюс, аммо мазза қилиб кулдирмаса хордиққа нима наф? 

Кўриш мумкиндир аммо маза қилиб кулиш учун балки йўналишлар хам керакдир.  Кимдир оилавий, кимдир умумий, "Миллион"чилар ёшларку, ёшларга хам мазза қилиб куладигани бўла қолса нима қилибди?

 Кўчани гапи уйга тўғри келмайди дегандек, ёши катталарни ёшларга умуман кулгулик бўлмаган ўзини приколлари бор, ёшларни эса уларга кулгулик бўлмагани бор. 

Оилавий мазза қилиб кулишса унда ёшларга дўстлар нимага керак?  

Танқид қилганлар худди ёш-бебош бўлмагану бирдан қариб туғилиб қолгандек. 

 

Бир мақолада ёзгандим, ва  ўзида истеъдодни сезмагану, журналистикада фақат харакат билан  эришаман деганларга қайтараман: Истеъдодинг чегараси потолок бўлса шартмас у ерга урилавериш. Тепага интиламан, тепадагиларга ёқиб назарга тушаман деган мақсад  билан  фақат потолокка урилавериб томинг кетгани қолади, осмонга интилма - керакмас. Осмондаги жойлар хақиқий истеъдодлар учун, улар асосан бир кўринганидаёқ сезилади! 

Истеъдод ва иқтидорга ўқилмайдиям, йиллар мобайнида ўрганилмайдиям, унга дипломинг хам кафолат бўла олмайди! У Худо тарафидан берилган бўлади, бирдан ярқ этиб сенда кўринмадими, бировларни жойни банд қилиб,  реал танқидга жасорати , адекват ёндошуви ва фахм-фаросати етарли  журналистларни жойини ушлама. Бор арава торт, сувоқ қил хуллас потолокка урилгандан кўра росмана бориб  том ёп, халол пул ва натижа топ...

 

Хотима:

"Миллион"чилар  битта концертдаёқ эътиборга тушди, иккинчисида чипта йўқ ва хозир эса хаммаёқда шу концерт дисклари кўрилмоқда.

Бу истеъдод натижаси учун ошиғи билан етарли натижа бўлса керак.  Зеро, шу сахнада 10-15 йиллаб юрган хонандалар халиям хит қила олгани йўқ, шу қадар олқиш насиб қилмади, 

10-15 йиллаб омади юришмай кимлардир сахнадан кетгани сабаб,  сахнада йўқларни йўналишида куйлаб, даври келди хисоб бўлганлариям шу сахнадан олқиш йиғяпти,

кимлардир 10-15 йиллаб номини чиқара олмай, бировни қўшиқларини ўғирлаб танилиб, "шу халол омадим" деб юрган бир пайтда , "Миллион"чиларники анчайин халол ва машхурликка шунча йил керак бўлмади. 

 

Сўнгги концертларида долзарб ва бор мавзуларда хақиқат билан кулдира олишган. Оғриқли мавзуларга хам эътибор қаратишган. Манаман деган журналистлар ботина олмайдиган мавзуларни дангал, кулиб ва кулдириб кўрсатишган. Юморни долзарб ва шу давр приколида зўр кўрсата олишди. Шу учунам балки халққа тез танилишди. 

Мухим ва мажбур бўлишмаса хам, тарбиягаям ижобий таъсир кўрсата оладиган нарсалар қилишган.

Энг асосийси: Хаммани яхшилаб кулдиришни устидан чиқишди. Уддаланди!  

 

Уларга тўсқинлик қилиш нотўғри, агар нохақ бўлишса , қандайин оз муддатда танилишган бўлишса, шундайин оз муддатда йўқ бўлиб кетаверишади. Асосийси салбий тарғиботи йўқку.

Нафақат уларга балки умуман бу сохадагилар ижодий натижасига бу қадар жиддий ёндошиб танқид қилишни ўзи нотўғри. Жиддий бўлмаган нарса сифатида бизни кулиб кайфиятимизни кўтариб хордиқ чиқариш учун қилинар экан нега жиддийлашамиз?

 

Машхурликни ушлаб туриш рости хам қийин ва "Миллион"чилар олдида хозир жудаям катта маъсулият ва аслида энг қийин онлари турибди: Оқлаш ва бир маромида кетиш!

Чекинманг ва асосийси айниманг! Талтайманг хам албатта. 

Олға!  

 

 

18-Авг-2014 03:57
Бўлим: Baxs| Tanqid | Janjal | Чоп этди: Sayyod | Тег : Million Jamoasi
ТЕГИШЛИ МАВЗУЛАРДА:
1 Hafizahon   (18-Авг-2014 08:20)
Sayyod.com sizga qoil qolmqe iloji euqm,maqolani judayam manoli yozgansiz uni tagida chuqur mano bor, Millionchilarni men ham internetda kurdim yomon emas faqat yanada kuproq islashlari kerak,eigitlarga omad tilaemiz albatta,  qaniedi qolgan jurnalistlar ham sizdak fikirlasa.

2 zaya   (18-Авг-2014 08:29)
HAQIQAT bukiladi, lekin hech qachon sinmaydi!
Judayam tugri nishonga olibsiz Sayyod)))

3 Хамиджон   (18-Авг-2014 09:56)
Рахмат Сардор ака. Қойил сизга. ишларизга омад.  Миллион жамоасини фикримча ўзбекистонда биринчи рақамли жомеага айланди деб ўйлайман. булар хақида танқид бўлади деб хечам хаёлимга келмаганди. Душман доим бўларканда ўзи. ўзим 1 хафтада неча бор такрор томоша қиламан бази ёнимга келганларга қўйиб кўрсатишдан ташқари.  Миллион жамосига омад тилаймиз кейинги йилга улардан жуда зўр чиқишларни кутиб қоламиз.

4 bir bola   (18-Авг-2014 09:59)
To'g'risi mana shu taxliliy maqola boshqalariga nisbatan yaxshi, sababi nima bilasmi? Sababi, ikki xil yondashuv, ya'ni ham ijobiy, ham salbiy tarafi ko'rsatilgan, lekin...
Ana shu lekin degan narsa bor. Lekini shuki, maqola muallifi askiya bilan qiziqchilikni bitta etikka tiqi b qo'ygani. Askiya va qiziqchilikni vazifasi kuldirish, lekin yo'nalishi, tarixi va mexanizmida farq bor, anchayin farq bor. Askiya, bu odatda erkaklar o'rtasida aytiladigan bir tur, yoki qo'pol qilib aytganda "erkaklar hammomi" deyiladi. Vodiy tomonlarda hanuzgacha choyxonalarda askiyalar bo'lib turadi. (Choyxona - odatda qariyalar, hozir o'rta yoshlardagi erkaklar yig'ilib turadigan joy). qiziqchilik bu umumiy bo'lib, unda askiya kabi ("yengil qochirim" - chegaradan chiqishlar) bo'lmaydi. Qiziqchilikda bu hayotdagi muammolarni kulgi yo'li bilan ommaga yetkazish, kuldirish kabidir...
Meni e'tiborimni tortgan bir narsa - bu tarbiya masalasi. yoshligimizdan bir narsa eshitib kelamiz "Odobni odobsizdan o'rgandim"... Balki, inson o'zi uchun xulosa chiqarishi kerakdir, shu "Million" jamoasini ba'zi hazillarini ko'rib, balki bunchalik xazillar kerakmasdir... Bilmadim... Menimcha, har kim o'zi xulosa chiqargani ma'qulroqdir...
Oxirgisi esa, maqola muallifi boshqa bir sayt yoki gazeta egalarini tashqarida bo'layotgan xodisalarni bilmaysizmi deya ayblayotgandek... yana bitta lekin bor bu yerda...
Eslayman, qaysidir bir maqolada (maqola shu saytda chop etilgan, muallif adashmasam Sayyod ni o'zlari) X.Tojiboyev unchalik buyuk bo'lmagan deyilgan... Balkim, muallifni o'zi qiziqchilikka uncha qiziqmagandir??? X.Tojiboyev vafotidan oldin buyuk bo'lib ulgurgan, nimaga? Balki sababi xozirgi kunda chiqayotgan ba'zi qiziqchilar kabi ayollar kiyimini kiyib kuldirmagani uchundir? Balki "beldan pastga" hujum qilmagani uchundir? Balki xaqiqiy muammolarni ko'tarib chiqqani uchundir???
Qarang, men "Million" ni muammolar ko'tarib chiqmadi demoqchi emasman, ko'tarib chiqdi, ko'tarib chiqqanda ham shunaqa silliq ochib berdiki, xanuzgacha hamma ko'rayapti ularni... Lekin, har qanday san'at (hoh u adabiyot bo'lsin, hoh u musiqa va hoh u qiziqchilik) odamlarni kamchiliklarini ustidan kulishga, masxara qilishga yoki ahloq-odob chegarasidan chiqishga haqqi yo'q... Hamma ko'rib turgan muammoni boshqacha olib chiqish ham mumkin. (masalan, X.Tojiboyev aytgan yoqilg'i quyish shaxobchasidagi sotuvchilar va lo'lilar tasvirlangan holat va albatta "Million" jamoasi olib chiqqan Yaponiya poytaxti Tokyo, qishloqda hozir Tok yo holatlari)...
Mani xulosam shuki (albatta bu shaxsiy fikr) bizni xalq uchun umumiy kuldirishda beldan pastga hujum qilish yaxhsi emas, bugun ozgina hujum qiladi, keyin yana qo'shiladi, keyin yana... Buni vaqitda to'xtatish kerak... Chunki, bugun beldan pastga hujum bo'ldimi, ertaga undan ham yomoniga indamiy kulaveradi odamlar... keyinchi? (bitta misol: Konchita Vyurst lar qayerdan paydo bo'lyapti??? Shunaqa e'tiborsizlikdan emasmi? Mayli, azgina qildi, lekin umumiysi yaxshiku deyishdan emasmi? Har bir narsada chegara bo'lishi kerak, yo'qsa keyin afsus....)
Ответ: Аския эркаклар хаммоми бўлса нима учун эфир ва сахнага чиқарилади? Унда Миллиончиларни хам ёшлар саунаси дейлик тамом вассалом! Шунда бахс керакмасми? Фақатгина номланишгинами?

Искандар Шукуров (сайт продюсери)

5 shovkat   (18-Авг-2014 10:19)
(кимлардир 10-15 йиллаб номини чиқара олмай, бировни қўшиқларини ўғирлаб танилиб, "шу халол омадим" деб юрган бир пайтда) lekin mana shu joyda nishonga közingizni yumib o'ta aniqlik bilan urgandek. Hamma tushundi manimcha gap kim haqidaligiga a ?!

6 UserT   (18-Авг-2014 10:24)
Мана юқорида мархум Хожибой Тожибоев тилга олинди. Уни хазиларини оилавий томоша қилса бўларди дейишади. Балки... аммо неча мартта уни хазилларини кўрган бўлсам, биронтасига маза қилиб кулмагандим, очиғи. Машхур иборалару, маъноли приколлар ўз йўлига ва бу плюс, аммо мазза қилиб кулдирмаса хордиққа нима наф? 
deyilibdi, afsuski Hojiboy askiyalarida bachkanali yuq, chegaradan chiqmagan holda hazil,qilingan va albatta har biri xalqdagi dolzarb mavzular edi, Siz maqtayotgan Millionchilar esa er-xotin yotib turishidan nariga utolmidigan hazillardan iborat. Odamlar diskini olib kurayotgani esa, shunchaki be'mani ashulachilani qo'shig'ini ham ham eshitib yotishibdiku "xalq". Million chilar uzru sag'al chegarani saqlashsa yaxshi bulardi, Sardor ham oxirgi vaqtda uz-baxtidan uzi mastu, qalami o'tmaslashgandek!

7 Дода   (18-Авг-2014 10:40)
Концертни кўрдим унчалик ёмон чиқмаган лекин жудаям уятсиз, айниқса хозирги замонавий хотини хисобига яшайдиган ешларни зўр кўрсатишибди

8 Flagman   (18-Авг-2014 11:02)
san'at tarbiya berishi shartmas? lekin be hayolikni olib chiqishga hech kimni haqqi yo'q. Sayyodga omad!

9 ledy   (18-Авг-2014 11:05)
Хаммада тушунча хар хил. Шахсан менга концертнинг айрим жойлари  ёкмади. Балки кейинги йилгиси тулик ёкар. Миллиончилар хали ёш, хали хаммаси олдинда.

10 ali   (18-Авг-2014 11:45)
Xech kim konsertni ko'rib tarbiya olmaydi.Odam u dam olish xordiq chiqarish uchun konsertga kiradi.kinolarimizniyam shunaqa deyishadi birorta yomon kino chiqsa zapret bo'ladi nimamish odamni tarbiyasini buzarkan BIr o'ylab ko'riylar kim kinodan tarbiya ko'radi faqat yosh bollar tarbiya ko'radi chelovek paukk chiqqanida bolla xamasi man chelovek paukman deb yuradi qiliqlarini qiladi. shuni uchun kinolarda  +16  yoki +18 turadi shu yoshdagilar mazza qilib ko'radi bo'ladi . kino ishlash degani bu tarbiya berish degani emasku tarbiya olmoqchi bo'lsak OTALAR SO"ZIni ko'ribam tarbiya oluvuramiz.MILLIONGA gap yo'q

11 Lobar   (18-Авг-2014 11:58)
Gapizga 100% qo'shilaman to'ri gapi yozibsiz qoyil hands

12 Borka   (18-Авг-2014 13:38)
Одамларни кулдириш фақат "яланғоч" аскиядан фойдаланиш деганимас-ку. "Миллион" томошасининг 95%и фақатгина шунақа шарм-ҳаёсиз саҳна
кўринишидан иборат экан. Нега энди ёқмаса фикр билдиришга ҳаққимиз йўқ
экан, истеъмолчи сифатида тўла ҳақлимиз-ку фикр билдиришга. Бу нарсани
дарровгина уларни синдириб қўймас, янгича ёндашувниям ўрганишсин.*************** **************** ***************

13 Azamat   (18-Авг-2014 13:38)
Men aslida "Million" yoki "Dizayin" jamolalarining shoularini hech ko'rmagan edim. Bu safar ishxonamdagi hamkasimning taklifi bilan "Million" jamoasining 2014 yildagi shousini tomosha qildim. Aojiyb, bachkanachilik  ham qog'ozga o'rangan. Turli qarshi fikrlar va tandiqlarni shirin olmaga tosh otiladi qabilida qabul qilish kerak. Yangicha shoular, yangicha yoshlarbop kulgu endigina rovojlanayotgan paytda nega endi yana bolta urib chopishimiz kerak. Ahir, latifachilik va qiziqchilik bo'rttirish va bachkanachilikka qurilganku. Nega yutuqlarni sanamasdan darrov tirnoq ichidan kir qidiramiz.

14 ledy   (18-Авг-2014 13:43)
Кулгули жойлариям бор. масалан, туйни тезлаштирган жойи. лекин манзура чиккан жойи гирт детский сахна булган. Агар шу жойига 14 ёшдан ошганлар мирикиб кулган булса демак улар ута кунгли боладек бегуборлар деб таъриф берсаям булади. Негативга олсак "детская понятка" дейилади. Албатта бу хазил. Лекин, хар доимги сахнада бир хил саломлашиш уже жонгаям тегди. Кейин хадеб жиссмоний камчилик устидан кулиш хам унча кулгулимас. Концерт ёмонмас, шунчаки "бизникиларни сиркаси сув кутармай колган".

15 Davron   (18-Авг-2014 15:44)
Avvalo ushbu maqola yozilgani uchun xursandman! Maqolani diqqat bilan o'qib chiqdim. Undan so'ng bu maqolaga berilgan izoxlarga ko'z yugurtirdim. Men ularning ashaddiy muxlisiman! "Million"chilarni bu soxada xali yosh deb oýlashibdi.Ko'pchilik nazdida Ular endigina 2chi konsert dasturini omma e'tiboriga namoyish etishdi! Lekin ularni tarixiga diqqat bilan nazar solsangiz ularni mana 7 yildirki katta saxnada ijod qilishayotganligini bilasiz! Ularning ilk chiqishlarini 2007 yil "Bojalar-shou" konsert dasturida ko'rganman! Unda ulrning nomi boshqacgha "QvZ" termasi edi. Shundan keyin telefonlarda ularning Kvn roliklari tarqalib ketdi! Muallifdan so'rab qolaman ularni tarixi xaqida xam aloxida maqola tayyorlashlarini chunki bu oýlashimcha ko'pchilikka manzur bo'lsa kerak! Ayniqsa xozirgi kunda!!! Oldindan tashakkur!!! ""Sayyod.com" ga raxmat!!!

16 Азиза   (18-Авг-2014 15:47)
Нимага факат "Миллион" жамоаси хакида салбий фикр колган кизикчилар ёки гурухлар хакидачи улар хам шунака йул билан кулдиришмокдаку хуллас биз узимиз факат шунака шармсиз гаплар ёки сахна куринишлари курсак куламиз шунинг учун айб факат уладамас биздахам агар ёкмаса курмаслигимиз керак

17 Кобил   (18-Авг-2014 15:52)
"Sayyod"маколани жуда чиройли, маьноли ёзгансиз.Мени фикримча "Миллион"чилар
халкимиз кунглидан (менинг хам) урин олиб булди.Танкидчиларни булгани яхши.Бу
дунёда хамма нарса бир текис,равон булса,-бу кизикмас менимча.Бу "Миллион"чиларни
янада кизикрок нарсаларни кутариб сахнага олиб чикишларига туртки булар.Вакт
олий хакам.Хожибой Тожибоев га келсак ,бу жойда сизни фикрингизга кушилмайман.У
киши кулдиришни  "энаси"ни курсатворарди.Балки сиз Хожибой
Тожибоевни яхши тушинмагандирсиз.Унинг учун у айтятган гапдаги вокеаларга
тассаввурингизда кириб кетишингиз керак.Буни бир огиз гап билан тушинтириб
булмайди.Узр фикрингизга кушилмаганим учун."Sayyod"ни хар куни
кузатиб,укиб бораман.Купчиликка манзур сайт деб куркмай айта оламан.Балки
кейинрок халк дардини куркмай айтиб чикадиган "sayyod" беклар купаяр
худо хохласа.Хозир эса борига шукр."Sayyod" ***********************

18 Фарход   (18-Авг-2014 16:57)
Маколани тахлил кисмигача... ва хотимасини укидим... булади... колганини "журналист"лар укисин))

19 Adinochka   (18-Авг-2014 16:58)
Rostdan ham mevali daraxtga tosh otilarkande a? Hamma yomonlagani yomonlagan! Manga hammasi yoqdi to'ppa to'g'ri qilishgan! Hammasi ok! Ulaga omad! Salomlashishlariyam super! Omaaaaad!

20 Potter_Uz   (18-Авг-2014 18:31)
Xo'sh, siz ham o'ylaaab
ko'ribsiz, siz bu maqolangizda
yoqmasa ko'rma degan fikrni
ko'tarib chiqdingiz, ho'p, bu ham
bir ma'noda to'g'ridir. Unda
o'zbekchilik qayoqqa ketadi? Diniy
farzlarchi? Shundoq ham ochiq
sochiq kiyinib yurgan qizlar va
quruqlangan yigitlar bir joyda
o'tirib, kafti shilingan yigit
haqidagi xazilni ko'rishayapti,
avvalda bo'ydoq ekanligiga juda
miriqib kulishadi, so'ng haqiqat
ochiladi, armatura tashigan. Xo'sh
bu vaqtda, uning hayoli yo'q-yo'q,
ularning hayoli battar buzuladimi?
Bu haqida og'zi ko'pirib o'z
tengdoshlariga, tanishlariga
aytmaydimi? Juda ham aytadida,
aytib ham qolmay tasvirga olgan
videosini ham ko'rsatadi. Siz
Millionning tarafini olaman deb
millionlab kishilarning ongi
buzulishining tarafdori bo'ldingiz.
Misol uchun, uyda onam bilan
o'tiribmiz, shunda onam hamma
ko'pirib maqtayotgan Millionni
(maqtov ham daxshat - "Million
2014 Daxshat chiqibdi", boshqa
gap yo'q) qo'y desa, gapini
qaytarolmay DVD ga disk solsam
(balki men ham ko'rgan bo'lsam,
yo'q derman, ko'rmagan
bo'lsamchi?), ko'ra turib biror
uyatsiz yoki sizning tilingiz bilan
aytganda "yangicha ijro" joyi
chiqib qolsa, shaxar ko'rmagan
onam bilan mendan odamlar nega
kulayotganini so'rasa nima
deyman? Armatura tashiganiga
deymanmi? Keyin bu lavhalarni bir
marta ko'rasiz, miriqib kulasiz
(shaxsan aldamayman, o'zim ham
kulaman), keyin takroran
ko'raman, chunki qiziq tuyiladi.
Ayrim joylarida kulaman, ilk
ko'rganimdek kulmayman chunki
qizig'i qolmaydi (boshqalarni
bilmadim). Xojiboy Tojiboyev
aytgan "gaplarga", ha gaplarga,
Milliondagidaqa chiqishlarga
emas, Xojiboy Tojiboyevga chiqish
shart emasdi, u kishi bir joyda
turib, dekoratsiyasiz kuldirardi,
o'sha gaplarga yosh bola ham
tushunar edi. Bir o'zi beshta
Million jamoasi azolaridan ham
ustaroq edi. Keyin qanchalik katta
yoshda ekanligingizni bilmadim-u,
ammo Xojiboy akani bexurmat
qilib "UNI" demang, zero u
kishining tinglovchilar
auditoriyasiga butun xalq kirar
edi. Bu sharxim chiqadimi
bilmadimu lekin o'zingizga nazar
soling. Meni sizga munosabatim
boshqacha edi, juda ham zo'r
emasdiku, ammo bir ayol haqidagi
maqoladan boshlab yaxshi edi.

21 Abdumannof   (18-Авг-2014 18:46)
Саййод! тахлил зур! Мирзо театри чикишларининг бехаё кочириклари ва гаплари олдида бу Миллиончиларники  хеч нима эмас!

22 Sirlik_inson   (18-Авг-2014 23:32)
Milion jamoasi juda yaxwiyu wu ba'zida bachkanalashib ketadi oila a'zolar bn ko'rolmaysan ham kishi,Bulardi orasida Gap yo'q Triosi bor wular zo'r lekin

23 Не ВаЖно   (19-Авг-2014 02:32)
Нима булгандаям яхши жамоа!!

24 Хамиджон   (19-Авг-2014 03:01)
Миллион жамоаси хақиқатдан хам тобора оширворди лекин ўшани ҳам кўрадиганлар бор кимларгадир ёқади. бир нарсага хайрон қоласанда. кўчада тел кўтариб нетларга кириб билган ишини қилиб юрган қизларни тарбияси бузилиб кетиши этиборсиз қоларкану битта концертни уятли гаплари кўриниб қолдими яна концертдан тарбия кутишига ўлайми бу мактабмиди сени болангни тарбия қилса. фараз қилинг сен рохат қилиб кулаётган нарсадан ёнингда боланг жим ўтириб тарбия олябди. майли биринчи марта кўрдинг миллион жамоаси шунақа бехайё гаплар гапираркан иккинчи марта концертига кирма. уйлайманки хозирги замон ёшларини 15 ёшидан баланди ўша бехайё нарсалар хақида керак бўлса миллионни ўқитади. шундай экан 15 ёшдан пастига кўрсатма концертни.

25 Хамиджон   (19-Авг-2014 03:12)
тушунса булади. чунки уммон кимга ёмонлиқ қилди. шунчаки тез орада танилиб ёшларни қалбидан ўрин олгани  учун халигача қулоқлари тинч эмас.  миллион хам бир йилга атаб 2 та концерт берди албатта душмани бўлиши мумкин.   сени ортингдан кимдир гапирдими билки сен ундан олдинда деган экан.

26 Alish   (19-Авг-2014 05:45)
Manga Davron Kabulovning Munisa Rizayevani prikol qigan sahnasi judaham yoqdi.

27 dr_best   (19-Авг-2014 11:26)
hamma gapiz tugriku,faqat Hojiboy Tojiboev tugrisidagi fikrlarizga saaal  quwilomiyman okaa. e'tibor bergan buseyz bu yilgi million konsertida eng odam kup kulgan joyi bu Hojiboy kolleksiyasi buldi

28 Samina   (19-Авг-2014 16:27)
Ман хам гапларизга 100% кушиламан! Сардор  ростанам Узб.ТВ жуда зерикарли!  Миллиончилар эса манга хам ёкди!  Уларга омад!

29 Avaz   (19-Авг-2014 23:23)
bor narsani gapirib kuldirvoti

30 Nilufar   (20-Авг-2014 00:35)
500% haqiqat gapirilgan Sardor tomonidan,qopol bósayam tfuuuu ózicha tarbiyali jurnalistlaga...Kimmidur mehnatini qadrla, saniyam qadrlashsin...laganbardorla, patriotla.....!!!!

31 Adinochka   (20-Авг-2014 08:21)
Mullion komandasini yomonlidig'on va g'iybat qiladig'onlaga gapim MILLION SUPER! Hudo hoxlasa shunaqa bo'lib qoladi! Behayo gapla bor ko'p diydig'onlaga hamma qiziqchilada shu axvolkuu! Mirzo teatrida behayo gapla DARYO bo'lib oqib keladi odamla nega uni gapirmi MILLION komandasiga mag'zava ag'darishadi a?

32 Ziyowa   (20-Авг-2014 09:47)
Million super!endi prikolladanam tarbiya qdriw g'alatimasmi q6wudan kinodan multfilmdan endi askiyadan tobaaa.q6yselaci sayyodga gap y6 hamasi haqiqat

33 Ербек   (20-Авг-2014 20:21)
Алга бассс МИЛЛИОН)))))))))))))))))))))))) Быз Алматыданмыз, Рассияга бармайсинларбы, балларды таланты ваааащщщееее афитетельнооооооооооооо. МИЛЛИОООООООООООООООООООООООН. Басынгизлеееееер!!!

34 дилафруз   (23-Авг-2014 14:35)
Миллионни биз оилавий курамиз хаммамизга ёкади фарзандларим бир кунда 3 марталаб куради омад МИЛЛИОНГА

35 OZODA   (24-Авг-2014 11:09)
MILLIONGA OMAD

36 sherzod   (26-Авг-2014 01:06)
million super!

37 Royal   (02-Сен-2014 07:38)
malades

38 XURSHID   (13-Сен-2014 15:08)
SUPER

39 odam   (22-Сен-2014 05:03)
Kurib aytaman

Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [454]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1001]
Muhlis Minbari [213]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [63]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [576]
Tabriklar [165]
Taqdimot [46]
Hayriya| Akciya | Tadbir [233]
Turk shou-biz [16]
TV | Teatr, Kino.uz [121]
Yangiliklar [759]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 42
Мехмонлар: 42
Рўйхатдагилардан: 0