Куни кеча «Капитан Фантастик» фильмидаги бир иқтибосдан ўйланиб қолдим: “Медицина бу фармацевтика бизнеси олдида оёқларини очиб берган фохишадир!”

Қизиқ а, айнан Европа ва Америкада болакайларни ёши 2-3 ёшга етмагунча (адашмасам)  аксар касалликларни дорисиз даволашар экан. Буни ўша ерда яшаётган кўпгина танишларим айтишади. Гўдакларга дорилар умуман мумкин эмас. Оддий гриппдан тортиб шамоллашгача шунчаки тузли сувларда ювдириб кўп суюқлик ичдириб даволашади. Сабаби болаларни иммун тизими келажак учун яхши ривожланиб бориши шарт. 

Ана энди биздаги хар бир чоррахада 2-3талаб очилган дорихоналару баъзи ерда эса кетма-кет ўнлаб(!) дорихоналар (айниқса ТашМида) фаолияти гуллаши хамда уларни ривожланишига катта туртки бераётган  рекламаларни таққосланг. Бу фильмдаги қахрамон ўзларини медицинаси борасида шундай фикрда бўлса унда биздаги фармацевтиканинг гуллаши хақида нима деган бўларди?

Россияда хам шу ахвол, эфирдаги аксарият рекламалар фақат дорилар хақида.

 Ўзимни ўғилларим шамоллаб қолса ёки инфекция орқали томоғи оғриб даволанган пайтларни эсласам...топган пулим дорига кетган, ишонасизми?  Қизиғи дориларни аксарияти 12 ёшдан катталар учун, вахоланки болларим хали 3 ёшга тўлмаган. Тушунмайман нима учун педиатрлар бундай дорилар ёзиб бераверади?

Бир таниқли ЛОРга ўғлимни олиб борганимда уришиб берганди, нима учун иситмаси 37-38 бўлса дарров дори берасанлар?-деб.  Бола ривожланиб ўсиб улғаяётган пайти унда иммун тизими ривожланиб боради, худдики компютерингиздаги антивирус “обновление” бўлиб тургани каби янги вирусларга қарши таъсирланишлари ривожланар экан. Биз шоша пиша иситмаси тушсин дея дори берсак  иммун тизимини ўзимиз билмаган холда сусайтириб қўйиб боланинг келажагини дориларга тобе қилиб қўярканмиз.

Бу факт, сабаби ўзимни бошимдан ўтган. Болаликда кўп шамоллаганимга укол қилаверишган шу сабабми иммун тизимим шамоллашга қарши туриб бера олмайдиган бўлиб йилига кўп шамоллайман.

Бир йили укол олиб оёққа турган бўлсам, келаси йил негадир укол ёрдам бермади ва капельницага ўтдим. Кейинги йил капельница хам ёрдам бермади ва бир танишим томоғим четидаги  чакагим тагига укол қилди. Буни инстаграмга хам қўйгандим.  Ўша йили яна шамоллаб борган сари шамоллаш оғир кечаётгани хамда капельница тугул мана шу яна томоққа укол хам таъсир этмади. Шунда шифокор томоқдаги қовурғалар бошланган жой ўртасига укол қилди. Келаси йил шамоллаганимда эса туролмай қолдим ва интернетни кавлаб катта хато қилганимни тушундим. Оддий экстрат эхинацеи (хозир топиш қийин чунки у арзон дори, унинг қиммат тури Иммунал бор) олиб икки махал ичдим. Ишонасизми бир сутка иситмалаб азобландиму аммо тез тузалдим. Камига келаси йиллар шамоллашдан мана шу тариқа тез тузалиб кета бошладим. Шошилмай сабр билан даволансангиз ўзингизга яхши. 

Эринмай интернетдаги бу борада мақолалар билан ва  медицина форумларидаги бахсларни ўрганиб чиқдим. Рости хам ўша ЛОР шифокор айтганидек боланинг иситмаси 39гача чиқиши хам норма чунки бу пайт иммунитет вирусларга қарши курашаётган бўлади.  38да инфекциялар нобуд бўлса 39да вируслар халок бўларкан. Биз катталар бу иситмада ўзимизни қандай ёмон хис қилсак болаларда ундай бўлмас экан .

Лекин кўпчилик болада “судороги” бўлиб қолади деб қўрқиб хам иситма туширишга тушади. Аммо агар фарзандингизда судороги бўлишга мойиллик бўлса у 37,5даноқ бўлар экан. 38-39 иситма бўлиб судороги бўлмадими демак унинг организми унга мойил эмас. Имкон қадар иситмаси ўзи тушишига вақт беринг, бўлмаса кейин дори ичиринг. Бунда агар фарзандингиз 6 ойгача бўлса ва иситмаси 38дан ошса унда иситма тушириш шарт (ибуфен) ёки шифокор чақирсангиз аналгин ва димедролдан (литучка) укол қилиб туширади. Хар бир холат индивидуал. 

Мана шу нарсаларни ўрганар эканман охирги маротаба кичик ўғлим катта ўғлимнинг болалар боғчасидан навбатдаги келтирган совға-вируслари натижасида юқтириб  иситмаси чиққанида 39 даражагача дори бермадик.  Бир яхши таниш шифокорнинг зўр табиий рецепти асосидаги компотни беравердик ва қарабсизки терлаб-терлаб бир кунда иситмаси бошқа кўтарилмадиям касалликни олдинги касал бўлганидаги дорилар билан даволанганига қараганида  оз муддатда тузалди.  Организми табиий равишда курашди. 

МАБОДО керак бўлса: (Шамоллашдаги керакли компот:  Бир литр бонкага 7-8та туршак соласиз, 2-3 пакет шиповник, озгина новвот (бир кун новвот бир кун бир қошиқ асал) яримта лимон ва қайнаб чиққан иссиқ сувни солиб ярим кунга қолдирасиз. Кун давомида фарзандингизга чой ва қайнаган сув ўрнига фақат шу компотни бериб ичириб турасиз)

Шу ўринда болалар боғчасига тўхталмай илож йўқ. Катта ўғлим 2, 5 ёш ва болалар боғчасига июнь ойидан берган бўлсак то шу августгача боши касалликдан чиқмади. Камига кичик укасига хам юқтираверди ва қарабсизки уйимиз шифохона палатасидан ўзгаси эмас. Биз бу ердан даволайверамиз у тузалиб боғчага чиқиб яна   бурни оқиб қайтади. 

Боғчага бориб кузатсам ўғлим билан бир столда ўтирган болларнинг қолган 3таси(!) бурни оққан холда. Ям-яшил бўлиб қотиб қолганларинику айтмаса хам бўлади. Видеога хам олганман. Нима учун боғчанинг хамшираси болаларни текшириб қабул қилмайди ва касал болаларни олиб қолиб бошқаларга хам юқишига шароит яратади деган саволимизга эса  оналар ўзлари ташлаб кетишлари ва оналар шу дориларини хам ташлаб кетишларини айтишиб, "шу боғчани инфекцияларига болангиз ўрганяпти, хечқиси йўқ узоғи бир ойда ўрганиб кетади" деган ғалати жавоб олдик. Касал боласини боғчага ташлаб кетадиган шалоғи шалтоқ оналарни умуман тушунмадим. Уларни бошқача номлай хам олмайман! Қандай қилиб касал болани боғчага ташлаб кетиш мумкин? Нима учун бошқа болалар хам касал бўлиши керак? Буёқда бошимиз даволашдан чиқмайдию уларга эса фарзанди хаёти бир тийин. Боғча хамшираларига хам қойилмасман. Хозир умуман боғчага жўнатмаяпман. 3 ойлик уйдаги шифохона мухити етарли бўлди. 

Ана энди мақоланинг бошидаги фикрга асосли фактлар билан танишамиз:

Хеч ахамият берганмисиз, рекламадаги фалон таъмли дорини “состав”(таркиб)ига ахамият берсангиз ўзимизнинг эски ТИЙН нархидаги дорилар билан бир хил. Бироқ турфа таъм қўшимчаси хисобига ўша тийнлик нарсани биз ўн минглаб нархда оламиз.

Бу нарсага ўзим кўп гувох бўлдим, масалан иммунитетни  кўтарадиган “Экстракт эхинацеи пурпурной”  500-600 сўмликкина дорисини нари борса  1000 сўмга (масалан) олишингиз мумкину бироқ худди шундай таркибдаги  “Иммунал” дорисини эса 20 мингдан ошиқ нархга оласиз.

Бир хил таркиб!

Руслар тузган икки бир хил таркибдаю бироқ нархлари турфа бўлган дорилар  рўйхатига бир назар солинг а:

Белосалик (380руб) и Акридерм СК (40руб)
Бепантен (250руб) и Декспантенол (100руб)
Бетасерк(600руб) и Бетагистин (250руб)
Быструмгель (180руб) и Кетопрофен (60руб)
Вольтарен (300руб) и Диклофенак (40руб)
Гастрозол (120руб) и Омепразол (50руб)
Детралекс (580руб) и Венарус (300руб)
Дифлюкан (400руб) и Флуконазол (30руб)
Длянос (100руб) и Риностоп(30руб)
Зантак (280руб) и Ранитидин (30руб)
Зиртек (220руб) и Цетиринакс (80руб)
Зовиракс (240руб) и Ацикловир (40руб)
Иммунал (200руб) и Эхинацеи экстракт (50руб)
Имодиум (300руб) и Лоперамид (20 руб)
Йодомарин (220руб) и Калия йодид (100руб)
Кавинтон (580руб) и Винпоцетин(200руб)
Кларитин (180руб) и Лорагексал (60руб)
Клацид (600руб) и Кларитромицин (180руб)
Лазолван (320руб) и Амброксол (20руб)
Ламизил (400руб) и Тербинафин (100руб)
Лиотон-1000 (350руб) и Гепарин-акригель 1000 (120руб)
Ломилан (150руб) и Лорагексал (50руб)
Максидекс (120руб) и Дексаметазон (40руб)
Мезим(300руб) и Панкреатин (30руб)
Мидриацил (360руб) и Тропикамид (120руб)
Мирамистин (200руб) и Хлоргексидин (10руб)
Мовалис (410руб) и Мелоксикам (80руб)
Нейромультивит (250руб) и Пентовит (50руб)
Но-шпа (150руб) и Дротаверина гидрохлорид (30руб)
Нормодипин (620руб) и Амлодипин (40руб)
Нурофен (120руб) и Ибупрофен (10руб)
Омез (180руб) и Омепразол (50руб)
Панадол(50руб) и Парацетамол (5руб)
Панангин (140руб) и Аспаркам (10руб)
Пантогам (350руб) и Пантокальцин (230руб)
Ринонорм (50руб) и Риностоп (20руб)
Сумамед (450руб) и Азитромицин (90руб)
Трентал(200руб) и Пентоксифиллин (50руб)
Трихопол (90руб) и Метронидазол (10руб)
Троксевазин (220руб) и Троксерутин (110руб)
Ультоп (270руб) и Омепразол (50руб)
Фастум-гель (250руб) и Кетопрофен (70руб)
Финлепсин (280руб) и Карбамазепин (50руб)
Флюкостат (200руб) и Флуконазол (20руб)
Фурамаг (380руб) и Фурагин (40руб)
Хемомицин (300руб) и Азитромицин (100руб)
Энап (150руб) и Эналаприл (70руб)
Эрсефурил (400руб) и Фуразолидон (40руб).

Неччи баробар қиммат қаранг. Айнан шу   арзон аналог дориларни эса хамма дорихоналардан топа олмайсиз. Бора бора улар йўқ бўлиб кетмоқда негаки фармацефтика борасидаги бизнесменлар у дориларни заводданоқ катта таркибда сотиб олиб, унга яхши дизайнлик қути, қизиқ ном ва таркибига озгина шакарми, малина ё лимон хушбўйлантирувчи (ароматизатор) қўшишадию рекламада ажойиб “подача” қилинади. Қарабсизки оддий  100 сўмлик аспиринга 1000сўм кетказиб: ( таркибига  мевалар хушбўйлиги, қутисига зўр дизайн ва рекламага) тикиб,  10.000 сўмга сотишади.

Биз шунчаки ароматизатор, ТАЪМ ва ахлатга ташланадиган ҚУТИ ДИЗАЙНИГА 9000 сўм тўлаймиз, тушуняпсизми?

Аспирин хақида бекорга айтмадим.  Айнан шу дорини турфа турлари фалон пулга сотилади. Аспирин-упса, Аспирин-кардио , Тромбопол  ва хоказо. Ана энди дорихонадан “Ацетилсалициловая кислота” ни 100 сўмга (масалан) олингу мана шу  аспирин турлари таркиби билан солиштиринг! Хаммасида фақат шу “Ацетилсалициловая кислота”!!!   Қолган ёрдамчи фоизларда умуман фойдасиз бўлган қўшимча хушбўйлик, устига “оболочка” ёки ёрдамчи крахмал, кукуруз нимасидир ва хоказо. Аммо асосий таъсир кўрсатувчи дорини 75-95 фоизини ташкил этгани эса оддий “Ацетилсалициловая кислота”! Крахмал ёки дори устидаги ичакдан ялтиратиб қилинган  “оболочка” нима фойда бераркин?

ФАКТ:

 Таблетки, покрытые кишечнорастворимой оболочкой розового цвета, круглые, двояковыпуклые.

Вспомогательные вещества: крахмал кукурузный, целлюлоза микрокристаллическая, карбоксиметилкрахмал натрия.

Ана энди дорихонага чиқиб “Ацетилсалициловая кислота” билан "Тромбопол" нархини бир солиштиринг.  Агар сизга бу дорини шифокор ёзиб берган бўлсаку ундан бу саволга жавобни талаб қилишингиз мумкин.

Вахоланки...

Кўп шифокорлар дори ёзиб беришаётганида столига ахамият берсангиз ўша дориларни реклама флаерлари ёки ўша фармацевтика фирмаси махсулотлари ручка ва хоказолари  турган бўлади.

Унутманг, кўп шифокорлар дорихона ва фармацевтик фирмалари билан оғзаки шартнома асосида ишлаб,  шифокорлар орқали соттирган дориларини фоизини шифокорга тўлашади.  Яна қизиғи шундоққина нариги бетда “УЗИ” бўлишига қарамай фалон сўмлик Тошкентни нариги четида бўлган  “УЗИ”си бўлган хусусий клиникага йўлланма беришади. Ўша УЗИдагилар хам турли фирма дориларини тавсия қилиб ёзиб бера бошлашди, вахоланки УЗИдагиларни дори тавсия қилишга хаққи йўқ! Лекин бизнес уларни хам бошқармоқда. 

Ёки бўлмасам  яқиндагина кардиология марказига борганимда анализ топшириш маркази бланкини тўлдириб ўша ерга жўнатди. Негадир ўзингни поликлиникангга чиқиб топшир демай қандай қилибдир ўша пуллик анализ топширадиган клиникани бланкларини ўзидан олиб тўлдириб юборгани қизиқ а? 

Яна факт:

Упсарин УПСА (Upsarin UPSA) 
Инструкция по применению, противопоказания, состав и цена, 3D-упаковка

Состав

Асосийси яна  ацетилсалициловая кислота! Ёрдамчи нарсалар эса фақат ёрдамчи ва у бу дорини сувда вишиллаб эритиш учун керак бўлган нарсалар холос. Вахоланки асосий 500мг бўлиб тургани Ацетилсалициловая кислота! 3Д упаковка! Мана нима учун асосий пулингиз кетади.

Мана яна факт:

Аспирин® Кардио (Aspirin® Cardio) 
 

Состав

Тушуняпсизми? Асосий таъсир этувчи дори қолиб ёрдамчи ва умуман кераксиз ЁРДАМЧИ нарсалар ва 3Д қутисига пул тўлаймиз. Вахоланки хаммаси бир-ацетилсалициловая кислота!!!

Яна таққосланг:

1. Экстрат Эхинацеи пурпурной

Действующее вещество, группа:

Эхинацеи пурпурной травы экстракт (Echinaceae purpurae herbae extract),

2. Иммунал таблетки круглые, плоские с обеих сторон, светло-коричневого цвета, с вкраплениями.

Состав

1 таблетка содержит 80 мг высушенного сока, полученного из свежесобранной травы цветущей эхинацеи пурпурной; 
прочие ингредиенты: кремния диоксид коллоидный, лактозы моногидрат, магния стеарат, натрия сахарин, ванилин, отдушка вишневая на основе мальтодекстрина и гуммиарабика.

100 мл раствора содержит 80 мл сока, полученного из свежесобранной травы цветущей эхинацеи пурпурной (Echinacea purpurea L.);
прочие ингредиенты: 20 % этаноа, сорбитол;

Хўш... фильмдаги қахрамон гапидек медицина бу фармацевтика бизнеси олдида оёқларини очган фохишадек бўлиб қолмаяптими?

Россия твсида яқинда гапиришди  2015-2016 йил фармацевтика оламига кризис умуман таъсир этмаган қайтанига сотиш фоизи ошган.  Албатта! Ахир фармацевтика бизнеси найранглар устига қурилган оддий фирибгарлик бўлиб қолмоқда. Буни рекламалардан хам билса бўлади.

"Фахрли инсон" хайрия тарғибот лойихасида хам шифокорлар ва дорихоналар аро  дорилар билан боғлиқ кўп шоуларни воқифи бўлдигу аммо мана 4 йил деганда биз хам анойи эмас ва керак бўлса дорихонама дорихона юриб бўлсада  3-4 баробар арзонларини топиб сотиб олиб тарқатяпмиз. 

Биласизми, доривор ўсимликлар қуритмасидан қўймасин экан. Абу Али Ибн Сино кўпгина гиёхлар давоси хақида ёзиб кетган. Умуман олганда аксарият дорихоналарда  юз минг сўмга олаётган дориларни атиги минг сўмлик қуритилган гиёхлар дамланмаси билан бирдек алиштириш мумкин. Шу сабаб бирор касаллик бўлганида биринчи навбатда доривор гиёхларга эътибор қаратишни тавсия этаман. Эринманг, дамлаш тиндириш ва хоказо албатта вақт олади, аммо чиқимингизни тежаб соғлиғингизни асрайди! Чунки дори бир дардингизга даво бўлса бошқа соғ аъзоингизга зарар!

Бир вақтлар шифхонада 2 йил ишлаб   бундай воқеаларни кўпини воқифи бўлганман . Бир неча касалликлар билан келган беморни “букет” дейишарди. Бир дори касалини даволаб бошқа соғ органини ишдан чиқарарди, натижада турли касалликлар билан келиб деярли хеч қайси дори қўллаб бўлмасди. Яна дорилар ёзиб яна бошқа органларини хам расво қилиб охир оқибат  одам умри  шифохонадан чиқмай қоларди.

Медицина нишонаси бўлган илонни  идишга эгилиб тургани бир вақтлар у захридан дори сифатида тушунлилган бўса бугунги кунда у чақишга ўтгандек. Пул ўлсин. Хамманиям яхши егиси, ичгиси ва кийингиси келар аммо нахотки бу бировни беморлиги ва ўлими эвазига бўлишигача рози бўлинса? Шифокорлар ўзларини умрбоқий ва ўлмас деб билармикан? Ё улар атестми нима бало... 

Хулласи,  Медицинани рости хам аста секинлик билан фармацевтика бизнеси бошқармоқда ва бу майли мени шахсий фикрим бўлақолсин. Вахоланки бунга асос сифатида бошимдан ўтганларию юқоридаги фактлар етарли бўлса керак. 

Қолган  хулоса ўзингиздан!

Юқоридаги фикрларга асосийси  унутманг, касаллик бошланишидаги холларда бу нарсалар мухимдир аммо тез ёрдамга мухтож ва жиддий касалликлар борасида албатта шифохона доирасидаги кўрсатмаларга риоя қилиниши шарт!