Сўнгги пайтлар фалсафий китоблар мутоала қилиши инстаграмдаги изохларида хам билинаётган Манзура Шахнозабонунинг жанозасидан қайтиб хамкасбларидан ранжиб энсаси қотганини маълум қилиб, умумий бир мавзу сифатида кўтаришни сўраб бизга мурожаат қилди.

Манзура:- Инстаграмда "Опажоним"лаб уни ўлими билан кенг оммага "табриклаган"лар биронтаси жанозага келмади. Фақатгина Даврон Кабуловни кўрдим, рахмат унга. Шу йигитдан сал хафа эдим аммо шу куни хурматим ошди. Мен, Ирода Дилроз ва радиобошловчи Ширин Ғофуровалар бор эдик. Майли  давлат тадбири билан банддир десанг шу куни давлат тадбири йўқ эди, тўй десанг хам хозир у даражада тўй мавсуми эмас. Эт-бети оғриб қолгандир десанг, нахотки хаммасиникини ёппасига бирдан айнан шу куни оғриб қолган бўлса?! (жахли чиқади) Эстрададаги хаммаси айнан шу куни бетоб бўлиб, гастрольда ва ёки тадбирда бўлмагандир?! Ўзимча минг хижолат билан кеч бордим шекил деб , хозир хамма ўша ерда деб борсам...эстрада оламидан хеч ким йўқ! Дуторчилардан бор дейишди. Уни "гап"чиларичи қайда қолди? 2-3 кун ўтиб  Мавлуда опа Умида опани олиб борганини эшитдим. Аммо қолганлар қани? Шунча одам инстаграмда қўйганини кўрдим  шулардан қани энди биронтаси келган бўлса. 

Бухоро хадисларини мутоала қилишга киришгандим, Шахнозабону ўлимидан бир кун аввал ўша ерда ўқигандим, одам ўлганидан кейин уни кўмилгунича борсангиз энг баланд тоғдек сизга савоб ёзилар экан.  Хеч нарса ўқимаймиз, хеч нарса билмаймиз , одамлар кўпроқ ўқиб Худони билса , бир-бирига яхшилигу савоб қилса... Шу нарсаларни ўқиб хабари бўлганида хеч бўлмаса ўзимга савоб деб югуриб борармиди жанозага.  Аср пайти илойим хамма гунохлари тўкилган бўлсин деб сўрадик .  

Биласизми...бир рейтинги баланд хонандани онаси ўлганида хаммаси ўша ерда эди. Машхур бўлсанг шу ўлимга хам "понт" учун хамма борар экан. Яхшиям ўша хонандани ўзи ўлмабди, онаси ўлибди. Умри узоқ бўлсин ўзини, бахтли бўлсин иймонда бўлсин. Шунчаки факт сифатида таққослаш учун хам бир мисолда бу, лекин Шахнозабону соғлиғи туфайлидир ё пули йўқмиди, майли энди йўли шунақа экан бироз вақт санъатда кўринмай қолганига биронтаси сўнгги манзилига кузатгани бормадия. Хаммаси хўжакўрсинга инстаграмда табриклагани қолди. Одамларга яхши кўринганида бу. Лекин юракдан муносабат йўқ! Қолмаган! Мана шу энг дахшатлиси, шу учунам бу мавзуни кўтаришларингизни истайман. 

Нима учун бунақа бемехр бўлиб кетишяпти? Инстаграмга қўйгунча бориб жамоа билан сўнгги манзилга кузат, омин қилиб юборсанг ўзинггаям Шахнозагаям савоб ёзилар. Урф-одатларимизку.

Биз артистларни хаммаси фақат "понт"да, ўзга брендларни кийиб олиб реклама қиламиз, эрталабдан кечгача қаерда овқатланаётганимизни кўрсатамиз ва кимнидир туғулган куни хамда ўлими билан табриклаш билан кифояланамиз холос! Лекин одамни сўнгги манзилига кузатиш учун бир жойингни кўтариб боришга эса ярамаймиз! Узр албатта, балки мен нохақдирман, шунчаки бу нарсалар мени миямга сиғмагани учун чидолмадим. -дея куюниб  сўзларига хотима қилади хонанда.