Шоу-бизнесимизнинг жонон-ул бейбиси Манзура мана бир хафтадан бери инстаграм оламида йўқ. Сўнгги пайтлар инстаграм нафақат машхурлар учун балки оддий одамлар учун хам он-лайн хабардек сахифани ўтаётгани учун кимдир анча муддат "жим" қолиши жуда сезиларли бўлади. Айниқса машхур  фаоллар орасида Манзура  шунча пайт йўқ бўлиши ажаблантирди. Бекорга эмас экан.

Манзура:- Менга ишонмай хозир пиардан олиб пиарга солишмаса эди.(кулади) Инстаграмимни кимдир бузиб кирганми тушунарсиз, мана неча кундан бери кира олмаяпман. Кимга керак экан а шу? Махсус программист чақириб хамма паролларни ўзгартирдик ва деярли 10-15 минутлик фаолиятимдан сўнг  шартта тўхтади. У программист хам уйига хали етиб боришга улгурмаганди. Шу 10-15 минут ичида кимгадир "лайк" босдим, кимгадир обуна бўлдим ва кимгадир бахт хам тилашга улгурдим холос..фаоллигимни қарангда (кулади) шу билан инстаграмим йўқ. Билмасам яна бир нималар қилишмоқда...хуллас шокдаман.

Манзуранинг профили хам худди Мунисаники каби хакерлар хужумига эмас, кўпроқ техник муаммо билан боғлиқдек, зеро Мунисаники каби Манзуранинг хам профилида бегоналар тарафидан фаоллик кузатилмаяпти.

Бошқа тарафдан шунчаки асаб бузиш учун хам кимдир (балки ашаддий фанатларми) хонандаларимизга  ўйин қилаётган бўлиши хам мумкин.

Тез орада инстаграмдаги 211 минг мухлис ўз бейбиси-Манзурани фаолиятидан бахраманд бўлиши тилакдошимиз.