 "Сетора" гурухининг илк таркибидаги ва машхурлиги хали бошқа қизлар гурухи томонидан ўтилмаган уч қиз Феруза, Лайло ва Камилладан ижодий янгиликлар йиллар сайин камроқ. Бироз муддат уччаласи яна қайта гурух сифатида Сетанхони тиклаб ижодни давомламоқчи бўлишдию... ўхшамагандек.
Фақатгина Лайло алохида хонанда сифатида Лейли тахаллуси билан ижодни тўхтатмагандек. Озгина-ю созгина тушунчасидек ижодида, клип ва қўшиқлари алохида дид билан ёндошилгани, хамда сифатли эканлиги билан ярқ этиб ажрала олганлиги сир эмас.
Менга унинг француз тилида куйлаган қўшиғи ва ажойиб образларни ўз ичига олган "Голос твоей мечты" қўшиғига ишланган клипи ёққанди.
Айни дамда сизларга Лейлининг Парижда суратга олинган "Севаман" қўшиғига ишланган клип ва таронани премьера сифатида тақдим этамиз.
Менга қўшиқ хам, клип хам ёқди... Клипда Лейли бўянмагани сабабдир, жуда ёш ва нафис намоёнланган. Фақатгина клипдаги бош қахрамон йигит клипга мос тушмагандек. Шахсий фикр. Клипни кўриб бўлиб, хазил аро Париждаги ўзбекона ва янгича Нотр-Дам де Пари стилидаги клип бўлибди дедим. Камситиш эмас, мос эмас тушунчасидан келиб чиққан холдагина холос! Бош рольга клипдаги эпизодда мандарину апельсинларни тўкиб юборган француз йигитни олган бўлардим. Лейлини типажига жуда мос типажлик йигит экан.
Клипни яна бир ёққан тарафи, бу Париждами демак, албатта Эйфель минораси бўлиши керак тушунчасидан йироқ бўлган одмилик бўлди. "Вой мана ман Париждаман!"деган нарсани сезмайсиз. Объектлардан унумли ва ортиқча хўжакўрсинлик урғусиз фойдаланилган.
Бош қахрамоннинг йигитга интилиб югуриши ва мандаринлар келтириши фалсафасини тушунмаган бўлсамда, ўзларига ғоя аниқдир ва буни ўша аталган аудитория ва бошқалар тушунар, зеро, ижодкор учун қатъий бир шаблон шартмас, у ўз ижод махсулини ўзи кўра билганидек ва хис этиб хохлаганидек намойиш қилади.
Хуллас, тавсия қиламан, Лейли "Севаман"
| 
1
