Коллеждаги соч билан боғлиқ холат юзасидан, хусусан коллеж рахбариятининг хақоротлари хақида "Якшанба мухлис минбари"да чоп этилган хатдан кейин, қўнғироқлар ва хатлар ёғилмоқда.
Энг қизиғи, бир эмас, бир неча коллежлар бу хатни ўзига отилган тошдек қабул қилиб, "Қизим санга айтаман, келиним эшит"даги холатнинг натижаси кўринишида авж олмоқда. Коллеж сенга айтгандим, коллежлар исён қилди))
Хозирга қадар нақ уч коллеждан эътирозлар бўлди. Бир коллеждан фиғони фалак бўлган онаизор, "мени боламни, сен ёзгансан деб тергашмоқда " дея қўнғироқ қилган бўлса, бошқа коллеждан бир ота, ўғлини айблашаётганидан нолиб боғланди. Учинчи қўнғироқ қилганку умуман кулгулик, пойтахтда эмас адашмасам, қайсидир коллежни рахбариятиданман, бу менга бўлган "заказ" деб, номани олиб ташла деб туриб олса-да...
Тавба, шунча коллежда шу холатми? Қизиғи у хатда на исм(!) ва на биронта коллежни номи келтирилмаган! Бу уч коллежни ўз шахсий Ванга Ибн Куфсуфий фолбинлари борми дейман...ғалатимасми?
Талабаларни гумон қилиб, уларни тайзиқ этишни бас қилинг, йўқса журналистлар агар текширувга тушса....))
Хуллас, мана шунақа гаплар!)) Фолбинлик қилиб, ўзингизни айбингизни кўрсатиб қўйгандан кўра, ички интизомни чиройлик қилсангизчи дегинг келади.
|