Бу тадбирга хамма бирдек стандарт равишда ёндошиб ёритган бўлса биз эса борича ва керак бўлса яширинган тарафларигача тақдим этамиз. Зеро айнан ўша тарафларида хақиқатлар жавлон урмоқда) Хақиқатлар, эмоциялар ва хоказо! Айнан уларга эътибор қаратилса натижалар ижобий бўлади. Ижобийга интилмоқдан кўра унинг йўлидаги салбийларидан халос бўлмоқлик ижобий маррага йўлни очиқ қилади деб хисоблайман. )

Шахло Қодирова ва Нодира Махмудова олиб келишган видеорепортажни кўриб шунча эмоциялар қандай қилиб бир жойга  сиғдийкин дебман) Афсуски видеони хаммасини монтажда қолдира олмайман, лекин асосий ва қизиқлари қолдирилди. КЕРАГИ!

Масалан катта актерларимиздан Теша Мўминовнинг Ватан хақидаги фикрлари...Шу ёшда шунча сўзни адашмай бир нафасда айта олиш бу буюк санъат бўлса керак. Албатта актерда образга кириб кетилади, бу монологми, рольми ё фикрми фарқлаш қийинроқ кечади, лекин қаранг қандай шижоат! Эмоциялар вулқони! Қаеридадир қўрқибам кетдим.  Бу танқид эмас, бу реал мени ижобий хайратлантирган онлари бўлди. Таъсир кучида буям. Шу ёшда мана шундай фикрларни текис, равон, яна камига давления ошишини ўйламай шундай эмоциялар билан айта олишга фақат хавас қилса арзийди. Илойим хаммага насиб қилсин шу ёшда мана шундай нотиқлик билан гапиришни. Хозирги ёшларимиз икки сўзни бир-бирига улаб гапира олмаётган пайти ва айниқса ўша тарғибот ишларида ёш хонандаларимиздан аксари  "қиииийқ ғн ғн др др қиииийқ"ланиб  дудуқланиб турганида шундай ёши улуғларни нотиқлик санъати албатта хайратлантириб ажаблантиради. Демакки тарғибот ишларига актерлар ансамбли тўғри танланган.

Бу нарсани кўпроқ  Мирза Азизовда хам айтиш мухим! Чунки тадбирда энг реал гаплару реал танқидларни хам айнан Мирза Азизов айтди. Образдан холи ва реалроқ . Бироз чуқурлашибми, адашибми, хаяжонланибми хуллас сал сирпаниш бўлдию, уни видеога киритмадик. Етар шунча жанжаллар, лекин ўзлариям тушундилар чоғи қаерида ортиқча бўлганини...балки адашилгани...

Хуллас Мирза Азизов тарғибот ишларига жалб қилинаётган хонандаларнинг маънавияти ва маданияти қай ахволдалигини танқид қилар экан "Юрагимдан жой бераман келсангиз"дан то "Оқ кўйлак қора шимда" қўшиқларини ижрочилари ва хаттоки қоғозни исроф қилаётган қўштирноқ остидаги шоирларни хам аёвсиз танқид қилди. "Уларни насл насаби ким? Уларни тарғиботи эргаштира оладими? Баттар бузиб келишмайдими?" (видеода бор)

Шунингдек Жахон Иқтисодиёти ва Дипломатия Университети рахбариятидан тарғибот онларида "қисқароқ қилинг" дегани билан боғлиқ қизиқ воқеа хақида хам видеода бор. 

Деярли 20-минутлик видеодан театр катта актерлари Теша Мўминов ва Мирза Азизовларнинг фикрлари ва юқорида айтилган танқидлари  билан танишасиз .

Ютубда томоша 

Репортажни батафсил ёзма турини эса Шахло Қодирова шахсий фикрлари билан тақдим этади:

Шахло Қодирова:

Ўзбекистон миллий матбуот марказида 10-март  соат 14.00 да Тошкент шахридаги таълим муассасаларида ўтказилаётган “Ким эдигу  ким бўлдик, эртага қандай юксак марраларни эгаллашимиз керак?” мавзудаги тарғибот тадбирлари бўйича ушбу тадбирнинг ташкилотчилари иштирокида мажлис бўлиб ўтди.

   Ушбу мажлис бошида бу тарғибот тадбирлари хақида қисқача таърифни Маданият ва спорт ишлари вазирлиги – Ёшлар маданият ва санъат маркази директори Узаков Жамолиддин Эркинович  бериб ўтди. Бу тадбирларнинг бошқа тадбирларга нисбатан каттароқ эканлигини, унинг Ўзбекистон Республикаси маданият ва спорт ишлари вазирлиги, Олий ва ўрта махсус таълим вазирлиги, Халқ таълими вазирлиги, Ўрта махсус, касб-хунар таълими маркази, “Ўзбеккино” миллий агентлиги, “Ўзбекнаво” эстрада бирлашмаси, Ёшлар маданият ва санъат маркази, “Ўзбектеатр” ижодий ишлаб чиқариш бирлашмаси хамкорлигида ташкил этилаётганидан хам билса бўлади. Лекин

   Мажлисда Олий ва ўрта махсус таълим вазирлиги Маънавият ва маданият ходими, ёзувчилар уюшмасидан ташриф буюрган шоирлардан ва тадбир ўтказган мактаб ходимларидан сўзга чиқиб, ташкил этилган тадбирлар тўғрисида фикр билдирилди. Хуллас хаммаси яхши)

   Шахсан мен учун, театр актерларидан фикрлари айтилганида мажлисдагилар уйғонишгани сезилди. Булар Теша Мўминов ва Мирза Азизов. Теша Мўминов тарих хақида чиройли гапларни таъсирли қилиб айтган бўлса, Мирза Азизов ушбу мажлиснинг бошқа иштирокчиларига нисбатан реалроқ ходисаларни ва хатто ўзининг танқидларини хам келтириб ўтди.  Албатта, мавзу жиддий. Чунки тадбирнинг асосий мақсади ёшларда ватанпарварлик хиссини уйғотиш, уни чуқурлаштириш, уларни хар хил диний экстремистик харакатларга қўшилмасликлари, бундай салбий иллатларнинг  оқибатлари хақида ёшларга реал тушунча бериш бўлганидан кейин,  тарғиботчининг ўзида бундай билимнинг етарли бўлиши мухим. Ўзида бўлмагандан кейин тарғибот хам мактаб ёки лицей болалари учун тушунарсиз ва зерикарли бўлиши табиий. Тадбирнинг, айтилишича, ўта кенглигини хисобга оладиган бўлсак, ундан кутиладиган натижа хам ва реал натижа хам шунчалик бўлиши керак. Тадбирдаги ташкилий гурухлардаги хар бир иштирокчи хам бундай тушунчаларга эга эмас, шахсий фикрим.

    Тадбир учун махсус тайёрланган видеоролик хам қўйиб берилиши кўзда тутилган экан, қўйилди хам, бироқ техник носозликлар туфайли видеони томоша қилиш қийнчилик туғдирди. Шундай жиддий мажлисларда хам оддий носозликлар бўлиб турадиде ва албатта умумий ташкилий ишлар бундай эмас  деб умид қиламиз)

      Мажлис  давомида бошқа “ёмон” фикрлар бўлмади) қатнашганларнинг асосий қисми ўзининг фикрларини, таклифларини айтиб ўтди. Баъзилар хатто ўзларини мақтаб хам ўтишди (очко йиғамиз, очко!))

Танқидлардан “рухланган”  костюм сохиби камтар-ул хонанда Анвар Собиров, ўрнидан туриб, (хатто ўзининг кийимини мисол хам қилдиде, шундай кийиниш керак дегандек)) ташкилотчилар қаторидаги ўзининг хамкасблари орасидан тадбирга мос бўлмаган кийимларда келаёттганларга эътироз билдириб ўтди. “Бизлар шу тарғибот  тадбирини ташкил қилган катта катта ташкилотларнинг юзи бўлиб қатнашаяпмиз, ёшларга ўрнак бўлишимиз керак, орамизда эса джинси шимлар ва аждар расми туширилган футболкада келганлар хам бўлди. Биз албатта тадбир учун мос кийимларда бўлишимиз керак” деб ўтди ва тадбирнинг сўнгги кунларида қўшиқ куйлаш билан боғлиқ техник қийинчиликларини айтиб, ташкилотчилардан тадбир ўтказиладиган жойларда ёшлар учун бемалол қўшиқ айтиш учун шароитларни яхшилашни ва бунинг учун агар керак бўлса, моддий томонини ўзлари қоплашга тайёр эканликларини айтди. Ким ўзини мақтади кимни эса мақташди дегандек Мирза Азизов эса хонанда Акбарни мақтади. Видеодан кўрарсиз

    Савол берганлар орасида бир талабанинг саволи ёдимда қолди. Талаба шу тарғиботчиларнинг орасидан бир инсонни айтиб, “Тарғиботларидаги сўзларига зид холда хозир уларни клипларда тўп тепиб юрганларини кўряпмиз ва яна бир фикрим, телевидениялардаги сериаллар ёки бошқа кўрсатувларни текширадиган махсус гурух ташкил қилинса” деганида, мажлис иштирокчиларидан, адашмасам, ёзувчилар уюшмаси ходимларидан бири савол берган талабага нисбатан мавзудан четлашгани учунгина унга қарши фикрини айтиб ўтди ва унга айнан шундай мавзудаги мажлисга бориб фикрини айтиши кераклини билдирди. Вахоланки, ташкилотчилар орасида бу мавзуга қараши керак бўлганларнинг хаммаси  бор. МегаАкция эдику ахир!

     Умуман олганда, мана шу талабанинг саволини бироз ўзгартириб, батафсилроқ айтмоқчиман: “Бундай тарғибот ишлари албатта яхши, ундан яхши натижа кутилади хам. Унга кетган вақт, мехнат.. буларку майли, лекин(!) Бу тарғибот тадбирлари шу мактаб бўладими, лицей колледжда, ўтказилса йилига 2-3 маротабадир. Бу 2-3 маротабалик тадбирдаги берилган тушунчалар ёшларга қанчалик таъсир қиладию, уларнинг хар куни кўрадиган сериалларию клипларининг таъсири қанчалик? Ва хар кунги олинган тушунчани улар шу 2-3 маротабада енга олишадимикан?!

    Шундай катта мақсадларни ўз ичига олган тадбир ўтказилаяптими, хар томонлама ўйланган ва пухта бўлиши керак. Бўлмаса, хар қанча катта ва концепцияси хар қанча идеал тузилмасин, натижа бўлмаса хаммаси бир пул. Унга кетган вақт хам, ишчи кучи, айтилган сўзлару қўйиб берилган овози эштилмас  ролик ва  шунчаки суратлар жамланмасилигича қолаверади.

      Доим, энг мухими натижа! Буюрилди ва ўтказилдиси эмас.  Шахсий Фикр!  

Шахло Қодирова ва Нодира Махмудовалар тайёрлашди.