Cайтимизнинг "Ҳис қил” деб номланган лойиҳасига кўра, фоторепортаж учун Қурбон Ҳайитининг биринчи куни, Ҳайитнинг азалий ва чиройли одатларидан бири "Келин кўриш”га чиқдик.

Аввалига келин топиш бироз қийин кечди, негаки олдинда қаерда янги келин борлигини билиш масаласи турарди. Лекин, бундай қийин масалани ҳал қилишда, бизга "народный  репортаж”- чиларни ёрдами қўл келди. "Народный репортаж”чилар, булар ҳозирда ёш қизчаларни ортда қолдириб, келин кўришга чиқаётган турли ёшдаги аёллардир. Уларнинг справочныйларидан фойдаланган ҳолда, 2 та янги келин тушган хонадонлардан фоторепортаж тайёрладик.

Ушбу 2 та хонадон эгаларига ҳам алоҳида миннатдорчилик билдирамиз. Бу хонадонлардаги келинчаклар, ёш қизчаларни меҳмон қилиб, кексалардан дуо олиб, келинсалом қилиб ҳаммани қувонтирдилар.

Уларга чин дилдан бахт тиладик.

Бундан ташқари, ҳозирда сафга эркаклар ҳам қўшилганлигини кўриб, янада ҳайратландик. Эндиликда, нафақат қизчалар, катта ёшли аёллар, балки эркаклар ҳам келин кўришга чиқадиган бўлишибди. Мана бунга қойил қолса арзийди)))

Юқорида ўз хонадонларидан фоторепортаж учун рухсат берган хонадонлар келинлари билан келишган ҳолатда, мен ҳам яхши ният қилиб, "келин” бўлиб "салом” қилиб, меҳмон ҳам кутдим.

(Ҳар қалай, келин бўлиб салом қилиш ва меҳмон кутиш ҳам осон иш эмас экан.))))

Ҳамма қизларга ҳақиқий келинлик бахти насиб этсин! Яна бир Ҳайит айёмингиз муборак бўлсин!

Феруза Фаттохова

Суратлар Саида Вахобова