Yowim 18 da xorazmdanman.  2 yil oldin hayotimda br yigit paydo boldi. u bn ahd paymon qiluvdik 1 yil doim birga bo'ldik, hecham ayrilmasdik, wunaqa yaxwi ko'rardik bir birimizni.

O'tgan yili buvisi ahvoli og'irlawganligi tufayli yolg'iz nabirammi to'yini ko'ri digani un majburlap uylantirip qoyiwdi.  Mani esa uydagilar so'rawsayam beriwmasdi,  uni onasiyam mani uziga kelin qiliwwi eriw bildi o'ziga.  Mana, to'yiga bir yil bo'ldi uylansayam hozirgacha bir birimizzi sevamiz.  Hozir ham birga yurimmiz, man unga ikkinchi xotin bo'liwgayam roziman.  Bowqa birov bilan birga bo'liwwi o'ylawwiyam hohlamiman, lekin oilasidan ayiriw ajrawtiriw, qarg'iw oliw niyatim yo'q,  olloxga beadad wukur bitta farzandi bor, uni rosayam yaxwi ko'raman,  o'zi ham xotini bilan yawawwiyam hohlamidi,  faqat farzandini ko'zi qiymiydi,  mani esa uydagilar bowqasiga uzatiwwi payida. Yana kelib kelib o'wa yigitimmi qo'wnisiga, u yigit mani sevadi,  man esa do'stini yani qo'wnisini. Nima qilishni bilmayamman. 

Yigitim,  bir yerda ota onam.. nima qiliwwi bilmiman lekin usiz yawomiman aniq bilaman..

Balki yowlik qivotgandurman, lekin u ham  man ham yaxwi ko'rmagan insonimiz bilan yawawga majburamasmiz dip o'yliman. Odatda sevgi to'ydan keyin  bo'ladi dip etiwadi,  nimaga  unda yigitim haliyam bitta o'g'l tug'ibt qo'ygan xotinini sevmidi, man sababli disam man uni to'yidan keyin bir ikki oy ko'ziga ko'rinmi hayotidan chiqib ketiwga harakat qildim,  lekin uzi yana qidirib topar, yana mani, o'zini qiynardi.

Chidolmadik, bir birimizzi sevganimiz uchun  hozir ham ajralgimiz kemidi,  yonimga kesa uyga ketgim kemiyapti dip etadi. Shuncha gaplardan so'ng,  man qanaqa qilib uni qo'wnisiga kelin bo'laman.. bu haqiqiy azobku..
Manga maslahatilar kerak

Sayyod: -Сизни танимайман, билмайману бироқ жудаям нафратландим... Кўпроқ йигитдан эмас, айнан сиздан! Ўзингизни хаётингизни барбод қилганингиз етмаганидек, яна  йигитни , уни хотинини, уни боласини ва бўлгуси эрингизни ва ундан  туғадиган болангизни хам хаётини барбод қиладиган бало экансиз, очиғи. Шу қадар хам ахмоқ одам бўладими? Севгимушде...Бунча хозирги ёшларни нафси бузуқ бўлмаса?!

У уйланган кунидан бошлаб сизга бегона! Бировнинг халоли! Сиз эса хароми ўғридексиз! Бахт ўғриси! Сиз   уни уйланганидан (вақтинча) бахтсиз бўлсангиз, униям ўзингиз домингизга тортиб, кетидан уни аёли ва фарзандини хам бахтсиз қилишга ХАҚҚИНГИЗ ЙЎҚ! Ўзингизни йиғиштириб олинг дарров!

Ёшдирман, хатодир деманг бу ГУНОХНИ КАТТАСИ! Хато хам эмас, ёшлик хам эмас! Зудлик билан у йигит билан хамма ришталарни узингу, хаётингизни янгитдан бошланг!

Бир икки ой? шу муддатми?   гап муддатда эмас! гап истакда! Бир икки ой чидаганмишлар, бир умрга йўқ бўлиш керак эди! Истаган одам қилади! демак асл истагингиз бу эмас! Ғунажинни ғунажини экансизу, бу кўзларингизни  сузавериб, сузилавериб юзингиз абцесс бўлиб қолмаса бўлгани. Сиз буёқда кўзингизни сузиб турар экансиз албатта у хотини билан бахтли бўлолмайди, уни мехрини сезиб у билан яшаб кетолмайди! Шу сабаб "у мени севади, хотинини барибир севмайдику" деманг! Бунга сиз уни қўйиб юбормаётганингиз сабабчи! Одам итгаям ўрганиб кетади, оддий матох телефонга одам ўрганиб, уйида қолдириб кўчага чиқса "паника"га тушяптику, буёқда уйида тирик жон бўлса, яна фарзанд туғиб берган бўлса, албатта мехри тушиб севиб хам кетарди ўша шўрликни. Хақиқий севги бу турмушдан кейин, буни ўзингиз вақти келиб тушунасиз, лекин бу нарсани амалга ошишига сиз йўл бермаяпсиз. Икки ой эмиш! Керак бўлса ўн йил эшигингиз тагига келаверса хам рози бўлмаслик керак! Бировни бахтсизлигига  ўз бахтингизни қура олмайсиз, "темболее" ўғирланган харом бахтни! 

Сиз яхши кўраётган унинг фарзанди фақат уники эмас, УНИ ХОТИНИНИКИ ХАМ! Уни ўша хотини туққан! ИККИСИНИ ФАРЗАНДИ У! Сизга нима бор у ерда?

 Сизни "поняткангиз" тушунчангиз билан аниқ айтганда: Агар йигит сизни рости севганида аввало бошқасига уйланмасди! Ойиси касалми ё бутун авлоди қирилиб кетган тақдирдаям уйланмасди! Уйланган бўлса аммо сизни рости севганида  у қизга қўлини теккизмасди! ТУҒДИРИБ ҚЎЙИБДИКУ! Ё келин шўх чиқиб хомила бўлгунча йигит бечорани хар куни зўрлаб турганмикан? 

Ўзи йигитам ғирт латта эканку! Мухаббати соф бўлса курашсин эди. Ўзбекнинг афсонавий ишқ мардлари Тохиру Фарходлар, Мажнунлар сувдаям оққан, чўлдаям юрган ва  суйгани деб ўлиб кетган  хам, аммо бошқасига уйланмаган! Хозиргилари ота-онаси учун битта шўрликка уйланиб, ўзи четда шилта босиб шалтоғини оқизиб юраверади. Фу бунақа шиптир  йигитларга, йигит эмас бунақалар ғирт шиппак! Эркак аввало ҚАЛБАН ЭРКАК бўлиши керак! Севдингми кураш ва  уйлан! Эплолмадингми,  уйланганинг билан ўлгунингча пистани чақ! Тамом!  Мағлубиятни тўғри қабул қилиш хам мардлик!

Сизга уйлана олмаган ва ўз хотини ва норасида гўдагига вафо қилмай олдингизда юрган бу Хеббимос ибн Лашшарос  эртага сизга вафо қилармиди? Боласини кўзи қиймасмиш, нега унда бола қилдинг шапшап?  Ўлакса еб ўтганингиздан кўра оч ўлганингиз афзал, қочинг у тапочкадан! Икки карра номард у, на сизга уйлана олди ва на эндиги оиласига вафо бера олди. Тьфу башарасига бунақа ювиндиларни!

Жа шунақа бир-бирингизни қаттиқ севаркансиз, унда уйланишига йўл қўймай Ромео ва Джульетта каби бир-бирингизга захар ичириб ўлганингиз яхшимасмиди? Тўғрисиде, шунча атрофдаги одамларни бахтсиз қилмай! 

Қарғиш олишни истамайман дебсизу, билингки, у уйланганидан бошлаб нечи мартта у билан кўришиб, нечи мартта олдингизга келганида унинг икки елкасидан тоғдек қарғиш сизга ағдарилган бўлади.

Оила бу муқаддас! Ўша келин хам бировни боласи, эртага не не ниятлар билан турмуш қурсангизу, фарзанд кўрсангиз, эрингиз бошқаси билан Уммонни қўшиғини куйлаб етаклашиб юраверса, қарғамайсизми? Нақ Ўзбекистондаги жамийки домлаларни уйидан пропискадан ўтарсиз!  Майли қарғамасангиз хам, аммо хар бир одамни дили оғришида катта қарғиш бўлиши мумкин! Норасида гўдакни, муқаддас оилани уволи сизни хали тутиб, у дунё бу дунёингизни вайрон қилиб сиз чирқираб қолганингизда кеч бўлади!

Ишонаверинг, бу севги бахонаси билан ва ёшлик деган тушунчани ортига яширинганингиз билан ҚАЙТАР дунё ва яхшигина жазодан шу хаётни ўзидаёқ қутула олмайсиз!

Халиям кеч эмас, ва балки шу сатрларим САБАБЧИ бўлиб сизга ортга қайтишга ишорадир! Қанча адашган инсонларни кўряпман, нечасини жавоби бир: Ёшликда билиб(!)билмай,  биттасини дилини оғритгандим... Қайси домлага бормай бўлмаяпти...

Бўлмайди хам! Худони жазосига бандасини кучи етмайди!

Худодан қўрқинг, оила бу муқаддас даргох, халол никох билан Худони олдида тузилган оиладан қўлингизни тортинг! Минг севадими улар бир-бирини севмайдими, бу сизни ишингиз эмас, улар бир-бирига тақдирми бошқами бу хам сизни ишингиз эмас, Худони ишларига аралашманг! У энди хотини ва фарзандиники! Битта оилани ва ўзингизниям бахтсиз қилманг! Қанчалик қийин бўлмасин демак бу сизга синов! Муносиб равишда тоза ва халол бўлиб ўтинг!

Блииин, 18 ёшлик қизлар хозир шу бўлса...ужас.

Эслатиб ўтамиз, хар якшанба мухлислар куни бўлиб, ўз муаммо ёки кўнгил кечинмалари билан бўлишиб, кенг омма билан хал қилишга имкониятингиз бор.       

sayyod@gmail.com почтасига иложи бўлса кирилл харфларида воқеа ёки муаммоингизни ёзиб юборишингиз ёки  (+99894) 644-67-11 рақамига қўнғироқ қилишингиз мумкин ёки шу номерга вацап.  

Диққат! Сайтга чоп этилиб бўлинган мактуб кейин талабга биноан олиб ташланилмайди! Воқеангиз сайт орқали кенг оммага чиқиши ва халқдан турли маслахатлар бўлишини билиб туриб жўнатдингизми, ўзингиз кутмаган ва ёқтирмаган маслахатни олиб кейин олиб ташланг дейиш мантиқсиз!