Беникох туғилганлик тамғасидан азият чекаётганларнинг мен билан ижтимоий тармоқларда дардлашаётганлар топилмоқда.

Бу холатга бир эмас, икки уч маротаба дуч келганим, лекин сайтда "Якшанба мухлис минбари” рукнимизда воқеалар тафсилотини кўрсатмаслигимни илтимос қилишганлари сабаб,  чоп этмагандим.

Яқиндагина бир ижтимоий тармоқда "Ташландиқ” деган фикр ва унга муносабатни ўқиб ўз фикримни  билдирдим. Шахсий хабарларда бу фикримга шунча хат оламан деб ўйламагандим.... Улар шу фикримни сайтда хам бўлишишни илтимос қилишганликлари учун мавзуни очдим.

Бу хаётга келиш хеч кимни  қўлида эмас, лекин унга сабабчилар  бўлади. Уларнинг хатосими, ниятими ёки гунохи орқасидан бу хаётга келишда, нафақат уларда, балки шу тариқа хаётга келган гўдакка  хам синов мухрланади.

Ота оналар хато ва гунохлари учун фарзанд жавобгар эмас. Фақатгина у хато ва гунохларни тўғирлаши мумкин бўлган холдагина фарзанд  зиммасига юкланадиган нарсалар бўлар. Беникох дунёга келган инсон эса тақдирни ортга қайтара олмайди. Ва ота-онаси бўлган тақдирда хам уларни гунохига жавобгар эмас!

Инсонга ташландиқсан каби хақоротлаш ва беникохсан дея таъналари натижасида нафақат у инсонни дилини синдириш балки, мана шу сўзларимиз натижасида у қиладиган хато ва гунохларига хам сабабчи бўлиб, у гунохларни тенг бўлишсак керак. Сабаби онгида бундай сўзлар мухрланган инсон осонгина жиноятга хам қўл ура олади.

"Ха, нима қилибди, барибир харомманку!” деган тушунча уни қай ботқоқларга, қандай разил ишларга, қандай тушунча ва натижаларга келтиришини бир тасаввур қилинг.

Сен гўзалсан деган гапни бир неча маротаба эшитган одамнинг ўзи қандай хаволанади ва ўша гўзаллигига ишониб йўл тутишгача бора олади.  Сен хунуксан деган билан , инсон тобора ўзини ичига ўзи кўмилиб,  комплекс натижасида "Ўзимга қараб нима қилдим, барибир хунукманку " деган тушунча бирламчи бўлиб бораверади. Лекин бу борада хам, гўзалликка интиладиганлари кўп. Яъни ўзгартириши мумкин бўлган ва ўз қўлидан келиши мумкин бўлган нарсалар бор. Беникох туғилиб бўлгандачи? Тўғирлашга имконият борми?

Харомман тушунчасида яшаётган инсон нимага интилади?  Фахш ўзига тортаётган пайт ўзида хурмат қилган, ўзини хис этган қайси холатларига таяниб чекинади?

Хаққимиз борми кимларнидир харом иши учун туғилган инсонни харомликда айблашга? Хаққимиз борми унинг келажагига хукм чиқаришга?

Хароми йўлдан кетишини истаймизми?

Никохи бут , халол туғилиб харом йўлдан кетиб, харом холда ўлиб кетаётганлар камми? Халол туғилиб харом ўтгандан кўра, харом туғилиб халол кетган афзал!

Фатво бериш мангамасу лекин,  бу борада бир фикрим бор. Мана шу фикрим сабаб хам  ,  хозир бу мақола чиқмоқда.

Беникох инсон халол ва покиза турмуш қуришни истаб, унга интилиб, нихоят ниятига етиб никохдан ўтар экан, ўша онларда чин дилдан қилган нияти билан беникох тамғаси ечилса керак.

Мана шу онларгина уни бу тамғадан халос эта олса керак ва мана шу онларга у қай даражада ёндошгани билан боғлиқ бўлса керак.

Бу сатрларни беникох туғилган инсон ўқиётган бўлса,  келажакдаги турмуш тарзи қай тарзда халол кечиши билан , у  қандай инсон эканлиги ўлчанишини айтмоқчиман.

Сени тахқирлаётган инсонларни гапини ўзингга олма, у қахри қаттиқларни тушунчалари хам, тили хам  шу қадар қаттиқ ва бундай фикрдагиларни асли ич-ичидан харом!

Халол оила қуришга интил. Зеро домлани олдига халол ва покиза жуфтинг билан киришгача  бахтига эришибсанми, чин дилдан ўзинг учун бу никохни тўлалигича хис этиб ният қил.

Шу онлардан сенинг никохинг бут ва халолсан.

Уёғига эса қандай турмуш тарзида кетсанг, шу сени тамғанг бўлаверади.

Саййид-ул айём муборак ахли  халоллар!

Sayyod