06:01 Гурухлар жонли дуэли. ВИДЕО | |
 Сардор Рахимхон бошчилигидаги гурухлараро ўтказилган жонли дуэль хақида фикрлар турфа. Албатта аксарияти ўша унинг рахбарлигидаги Баён гурухини рекламаси деган хитоблар.Вахоланки дуэль куни Сардор Рахимхон сабаби шунчаки жонли ижрога бўлган урғу дегандек бўлди. Бу албатта хурматга сазовор нарса, негаки жонли куйлаш тушунчаси бугунги кунда шунчаки имитация деган фикрни олға суриб келмоқда. Фақат нима учун намуна сифатида Рахимхонни ўзи "мастер класс" кўрсатиб куйламади деган савол очиқлигича қолди. Шу куни "Жонли куйлаш учун келишгаям "дух" бўлиш керак, мен бўлганимда хайиққан бўлардим" каби сўзлари айнан ўша жонли дуэль сахнасидан туриб айтилгани мантиққа зидроқ туюлди. Бу шахсий ва очиқ фикрлар холос. Бир тарафдан "Домлани айтганини қилу, қилганини қилма" деган ибора хам мавжудлигини инобатга олсак, балки хаммаси жойида! Дуэльга келмаган гурухларга эса афсуслар. Кимдир ўзига эп кўрмагандир? Кимдир томоғига "автотюн" ўрната олмагандир, кимдир эса ўзига ишонганидан хам келмагандир. Бу энди хар кимнинг ўзига боғлиқ нарсалар.  Бир тарафдан Рахимхон очиқ майдон ташкил қилди, жонли куйлашга тарғиботни амаллади, ташкиллаштирди! Бу хурматга сазовор иш, тан олиш керак!Ўзи куйламаганига яраша бошқаларга имконият бердику дерсиз, балки мана шунисиям хурматга сазовордир. Видеони кузатиб туриб Малик деган аранжеровкачини сўзини Сардор Рахимхон бўлганини ижобий қабул қилдим. Тағинам Сардор Рахимхонни шунча кутиб туриб кейин чиққанидаги бардошигаям беш кеттим. Менимча у йигит хато тарзида таклиф қилинганди, гап сўзлаш, ўзини тутиш манерасида хам эмас, гап унинг сўзларнинг мохиятида...Майкл Джексон билан таққослашдек фикрларгаку умуман жимман. Куйлаш махоратига келсак эса... Йўқ, келганлик, харакат қилганлик бу натижа эмас. Майли бошқалар шунисига хурмат қилаверсин, майли ўша духигаям. Лекин менинг шахсий фикрим бошқача! Менинг фикримча, инсон фонограммага қараганда жонли равишда аъло куйлай олганидагина томошабин олдига чиқишга хақли. Фонограммадаги айланаётган қўшиғинг у бўлсаю, куйлашинг бундай бўлса шартми бу уят? Фонограммадан фарқ хеч бўлмаса озгина бўлиши керакмасми? Мен хамиша ХАРАКАТ ҚИЛДИМ, МЕХНАТ ҚИЛДИМ деган фикрларга қаршиман. Негаки салбий нарсалар учун хам харакат ва мехнат қилинади. Ё нотўғрими? Ўғирлик ёки тан жарохати етказишда харакат бўлмайдими? Гап натижаси қандай номланишида! Жиноят ёки Рисолат! Ўртоқлар бу санъатку! Худо кўрсатмасин Озарбайжон ёки Туркияга бориб халқ олдида шундай куйлаб кўришсин...тошбўрон қилишар. Чунки у халқ жонли куйлашдаги санъатни қадрлайдиган халқ. Бизлар улардан намуна эмас ТЕМАни оламиз. Вахоланки намуна олиш керак, тема ўғирлашмас. Хуллас йигитлар (хаммаси эмасу, лекин биттаси хам эмас, гап эгасини топади) куйламанглар. Бошқа иш қилақолинглар, бу сизларники эмас. Бу оддий шармандалик! Бир мавзуда ёзгандим ўсиб келаётган ёшларни синдириб қўймаслик хақида. Халққа черновой эмас тайёр махсулот кўрсатилиши керак, унгача бўлган чиранишларми, кучанишларми, бу хаммаси тайёрланиш, ўқиш хаммаси ДАРС деган девор ортида мавхум қолавериши керак. Мактабда ўқиётган ўқувчи хар қанча хохламасин инженерликка ишга олиб кириб қўя олмайсиз! Тайёр бўлмаган махсулот таом эмас! Албатта уни ташлаб юбориш хам керакмас, лекин столга тортиб хам бўлмайди, уни пишириш керак! Пишмаса демак яроқсиз, ташлаб юборилади. Пишадиган бўлса, тайёр бўлгач кейингина ясатиб одамларга сотиш мумкин! Палов, палов деб алдаймизу аслида патнисда хом сабзиларни пиёзларга қориштириб халққа едирамиз... Вахоланки хом сабзавотни оғилхонамизда маъраётган жониворлар ейиши керак, онгли мавжудот эмас! Видеони кўчириб олмоқ 109мб Ютубда томоша қилмоқ Майтуб тасиксда томоша қилмоқ | |
|
| |
Нравится
| Барча изохлар: 14 | |||||||||||
| |||||||||||
0
