Мана орадан бир йил ўтиб, 21 апрель куни, аввалгидек, радио ходимлари эмас, ўша фанклубдан "Шаббода" никли Севара исмли қиз (ИМПРО-ТК лойихамизнинг  Зиёда билан сонида  "Содда бўлмаган қиз" ролини ижро этган)  бизни Гранд радиоси фанклуби ўтказаётган сумалакка таклиф қилишди. Биз бу пайт, аввал хабар берганимиздек, Каниза билан "Шантаж" лойихасини янги сони устида ишлаётган эдик ва таклиф этилган жойдан қолмаслик тартибимизга амал қилган холда, хонанда Илхом Мий Арма, унинг продюсери Бахром,  Каниза, унинг продюсери Мурод Мадрахимов, ва камина билан ташриф буюрдик.

Фанклуб айтишига қараганда, радио рахбарияти бу сафар Гранд радиоси номидан расмий ўтказишга рухсат бермаган экан. Қизиқ..ташкилий ишлар ва...хуллас хамма ва хоказолар ўтган йили адашмасам, шу фанклуб шарофати билан амалга оширилганди. Рахбарият хам мехмон бўлганди...МАНБА

Шунга қарамай, бу йил хам фанклуб йигит ва қизлари  кўтаринки кайфиятда, рақсга тушиб сумалакни файз билан ўтказаётганини гувохи бўлдик.

Грандсиз хам Грандчиликни садоқат билан, шу радио фанклуби номи остида сумалак ўтказган ёшларни хамжихатлиги хурматга сазовор бўлса керак. Фанклуб ва хонадон эгалари  мехмондўстлигига ташаккур изхор этиб уларни тарк этдик.