Феруза Жуманиёзованинг "Занг", Ягонанинг "Алдама", Гулсанам Мамазоитованинг "Хуштак" ва хаттоки Тожикистон юлдузи Шабнами Сурайёнинг "Намедонам" қўшиғи муаллифи бастакор Гавхар Матчоновани санъат ахли жуда яхши танийди.  Жуда бир ажойиб ва росмана ўша ўзга олам бўлган ижод сайёрасининг етакчи вакиласи. Опа жуда бошқачалар. )

Биласизми сухбат жудаям қизиқ тарзда ўтди. Видеосухбатда унинг қўйидаги иқрорликларидан бохабар бўласизлар: 

-Негадир мени 1000 долларга қўшиқ ёзади деган гаплар тарқатишибди. Арзимаган пулга қўшиқ ёзаманку. 

Гулсанам куйлаган "Хуштак" қўшиғини асли бошқа одамга сотгандим... маълум сабабларга кўра Гулсанамга қайта  сотдиму...шундан кейин мени Худо урди!  Хар сафар бу қўшиқни ўша одам эшитса мени қарғаса керак. Шу видеони кўрса ундан чин дилдан кечирим сўрайман...намозларимда хам сўраяпман... (Батафсил сабабларни видеода кўрасиз)

Негадир оиласи бузулган аёллар ичидаги дардини куйлаб санъатга кирсам дейди. 

Мендан фақат хоразмча шўх нарсалар сўрашади. ... Гулсанамни диапазонига хос лирик хонандалар куйлайдиган дардли қўшиқ бермоқчи эдим. Уни жудаям яхши кўраман, жуда оқибатли қиз. 

Юлдуз Усмоновага 3-4 қўшиқ бергандим. Негадир ўша пайтдаги унинг маъмуридан пул сўраганимдан кейин қўшиқлар айтилмади. У қўшиқларни бошқа одамга бермадим хам сабаби уларни Юлдузга атаб ёзганман ундан ўзгаси у қўшиқларни куйлай олмайди хам. 

Мусиқий таълими бўлмаган ёш хонандалар учун бастакор Гавхар Матчанова  ажойиб "Қўшиқ завқи" номли қўлланма китобни сотувга чиқарди. У ерда қўшиқ куйлашда нафасни тўғри қўйишдан то хиқилдоқни ишлатишгача техник маслахатлар мавжуд. 

 Шахсан бизни ижодий жамоамиз бу жараёндан умуман зерикмади ва хануз ажойиб таассурот остидамиз.

Видеосухбатни ЮТУБДА томоша қилмоқ 

Сурат ва видео муаллифи Нодира Махмудова.