Нима учун айнан инглиз тилида?
Фаррух:- Мен ижод қилаётган йўналиш шуни талаб қилмоқда. Мусиқани эшиттириб, унга ўзбек тилида шеърлар тайёрлашга бир неча шоирларга мурожаат қилдиму, афсуски ё сўзлари тушмаяпти ё бири айтгандек "Барибир инглизча сўзларга кетиб қоляпти"(кулади). Ғарбона услубдаги мусиқага ўзбек тилида бемалол шеър битадиган шоирлар бўлса, жон деб хамкорлик қиламан.

Бошқа тарафдан бунинг плюс тарафи хам бор, бу хам бўлса, дунё бозорига чиқишнинг бир йўли. Қўшиқлари билан танилиб олгач, албатта Ўзбек актер ва хонанда эканлиги, унинг бошқа ўзбек тилидаги қўшиқларига хам қизиқиш туғдириши табиий.

Яқин кунлар шахсий сайтни расман очишни хам режалаштирган Фаррухнинг уч қўшиғини сифатли турини тақдим этамиз.

Булар интернет оламида тарқалган "Соғиндим" қўшиғини асл инглиз тури бўлган "Hurt", укасини тўйида ва МТВА тақдимотида куйлаган французча "Les Feuilles Mortes" ва "You are mine" қўшиқлари.

Менга кўпроқ ўша "Соғиндим" қўшиғини инглиз тилида куйланган тури маъқул келди. Мусиқа хам бироз бошқача. Ё сифатли бўлганига шундай туюлдими, билмадим. бахо берарсиз.

Хуллас, Фаррух Соиповдан яқин кунлар сайтимизда янги альбомидан қўшиқлар премьерасини ўтказамиз. У альбомдан бир қўшиққа клип хам суратга олишни режалаштиргани, ва ноодатийроқ ёндошиб, моделлик агентликларидан эмас, оддий халқдан кастинг ўтказиб,  клип мохиятига хос типажга эга йигит ва қизларни   саралаб олиши хақида хам маълум қилди.

Хозирча Фаррухнинг ижодидан сифатли қўшиқлардан бахраманд бўлинг: