Интернет оламида  - "Бойлар учун Facebook "  ёки  Netropolitan ижтимоий тармоғи очилди.

Мазкур ижтимой тармоқда рўйхатдан ўтиш учун нақ 9000 кўкидан отишингиз керак бўлади. Бу шунчаки аъзо бўлиш божигина. Бу сайтда қолиш учун эса йилига 3000 кўкидан қуртдек санаб туришингизга тўғри келади.

Netropolitan муаллифи бўлган кимга тентак кимга шунчаки бойдек кўринадиган Джеймс Тоучи-Петерс 100 фоиз кафолати билан айтишича, бундай ижтимоий тармоқ мухим ва талабгормиш. Ўз доирасидаги одамлар билан ўз мавзусида сухбатлашадиганлар  учун интернетда махсус ижтимоий тармоқ бўлиши керак экан(де).

Рўйхатдан ўтмоқчи бўлган иу-соққадор, вай узр, бойвуччалар деганим,  ёши 21га тўлган бўлиши ва ўзининг асл исм фамилиясини ёзиши керак бўларкан. 

Бу сайтда спам ва рекламалар бўлмаслигини хам таъкидлаб, модераторлар 24 соат сайт фаолиятини назорат остида ушлаб туришаркан.

Аха, 9000 долларни оласану ухлийсанларми хали?)) Кимдир (энди тахминде, фантазия, орзу майли) хуллас кимдир манга пул тўлавориб шу сайтдан рўйхатдан ўтказиб қўйса борми...кунига 9000 мартта модераторларни холи жонига қўймай мурожаат қилавериб, шу пулни манга қайтариб беришмагунича қўймасдим (қайтиб келмаслигим учун яна бонуси билан) (майлидее энди кўнгил, кўнгил))

Биз оддий одамлар учун бу нарса ғирт ахмоқликдек кўриниши мумкин, лекин бошқа тарафдан ўзаро умумий ва бирлаштирувчи мавзудош гурухлар мавжуд экан, табақага доир гурухлар хам яратилиши уларнинг хуқуқи.

Ким учундир 9000 доллар бу катта пул, ким учундир кунлик эхтиёжига, керак бўлса бир минутлик эхтиёжи учун кетадиган писта пўчоқдек гап. Йилдан йилга миллионерлар сони кўпайиб бормоқда ва бу сайтда жа бир миллионта бўлмаса хам (а балки бўлар) минглаб аъзолар бўлиши мумкин.

Бундан аввал хам аъзолик божлари тўланадиган қиммат сайтлардан хабардор эдик, масалан: 

aSmallWorld сайти   2004 йил Эрик Ватчмейстер тарафидан очилган бўлиб, миллионерлар учун "MySpace" деб ўзини таърифлаб, у ерда  рўйхатдан ўтиш фақатгина ўша ерда бўлган миллионернинг таклифи (биз соддалар тилида дружба ташаш деганидек) билан амалга ошириларди. Хозирга қадар  мингдан зиёд аъзоси мавжуд.

Diamond Lounge  портали, жудаям ёпиқ элитар сайт бўлиб ойига 50 доллар тўлашга тўғри келади. Йилига бу 600 доллар демак

LuxuryRatings.com ижтимоий тармоғи. Энг ёш мультимиллионерлар учун мўлжалланган бўлиб,  бу клубга аъзо бўлишингиз учун  банкда хисоб рақамингизда камида 3 миллион долларингиз бўлиши керак. Хе хе, демак Ўзбекистонда яшамаслигингиз керак)) Шунақа пули бизда  борлар бўлиши мумкину аммо банкда хисоб рақамида шунча пулни сақлайдигани топилмаса керагов)) Тинчлик керак тинчлиииик) Давр давр давр)) шоу шоу шоу))

Squa.re асосан мода ва стиль оламига мўлжалланган. Албатта аъзолари хам мода оламидан.

  Quintessentially сайти . Шахзода Чальз жияни томонидан очилган сайт бўлиб, фақатгина сайт маъмурияти тасдиқлаган анкета сохибларигина кириши мумкин. Тасдиқдан ўтган анкета сохибига  бир қанча элитар  ва ёпиқ турдаги масканларга (шу қаторида клуб ва хоказо) кириш имкониятини берадиган карта берилади.  

 Нетрополитан сайтига қайтамиз.

16 сентябрь куни очилган бу сайтда ўзбеклардан бўлармикан?

Келинг санъат оламидан ким бу сайтда рўйхатдан ўтиши мумкинлигини тахмин қилайлик.

Гап ким бунча пулни тўлашга қодирлигидамас, гап  мосроғи,  дунёқараши, келиб чиқиши ва рўйхатдан ўтиш имконияти баланд бўлганларни айтадиган бўлса, фақат икки одам хозирча кўз олдимга келмоқда:

Муниса Ризаева ва Жасур Ғойипов.

Агар улар шу сайтдан рўйхатдан ўтишса хайрон қолмасдим. Бу мени санъат оламини ичидан 7 йиллик кузатувим натижаси  хуқуқ берадиган шахсий фикрим!

Агар ушбу мақолани ўқиётган ва ўша сайтда рўйхатдан ўтишга имкони бўлиб, дилига тугадигани топилса...илтимооос унаққимейлаааа, а келила ўртооо бўламиииз)))))))))))

Албатта хазил.

Аммо жиддий айтсам, шунақалар топилса, ундан кўра "Фахрли инсон"га шу пулларни ярмини, қўйингчи учдан бирини хайрия қилсангизам умрингизда катта ишни қилган бўлардингиз.) Сайтларни эса текини сероб, масалан бизники)